MUTUALIAREN ZERBITZUEN ANTOLAKETA ETA KUDEAKETARI BURUZKO ESKUBIDEAK
Jardunbide egokien efizientziarako, efikaziarako eta gardentasunerako eskubidea, banaketa justiziako irizpideekin.
Zerbitzuen kalitaterako, profesionaltasunerako eta etengabeko hobekuntzarako eskubidea.
Osasun-arreta espezifikoa eta egokitua jasotzeko eskubidea, segurtasun klinikoaren bermearekin, etenik gabeko zaintzarekin eta asistentzia soziosanitario integralarekin, asistentzia-zentroen sare osoan eta asistentzia maila desberdinen artean.
Zerbitzuak eta arreta hobetzera bideratutako jardunaldietan eta hitzaldietan parte hartzeko eskubidea.
Kexak, erreklamazioak eta iradokizunak egiteko eskubidea.
Pertsonen hizkuntza-eskubideak bermatzeko eskubidea.
NORBERAREN OSASUNAREN KUDEAKETAN ARDURAZ PARTE HARTZEKO ESKUBIDEAK
Historia klinikoaren informazioa eta kopia jasotzeko eskubidea.
Bigarren iritzi bat jasotzeko eskubidea.
Osasun-asistentzia Mutualiak ezarritako gehieneko erantzun-epeetan jasotzeko eskubidea, bai eta hark ezarritako gehieneko itxaronaldietan ere.
ASISTENTZIA-HARREMANETAKO ESKUBIDEAK
Errespetuz, gizatasunez, segurtasunez, eta konfiantza-giroan tratatua izateko eskubidea.
Intimitaterako, konfidentzialtasunerako, datu pertsonalen babeserako eta eskubide digitalen bermerako eskubidea.
Asistentzia-prozesuak dirauen artean Mediku Arduradun bat izateko eskubidea, hizketakide nagusia izango dena.
Norberaren diagnostiko, pronostiko eta tratamenduari eta agindutako gomendioei buruzko informazio jarraitua, egiazkoa eta ulergarria jasotzeko eskubidea. Informazio ahoz jasotzeko eskubidea, eta, legez ezarritako egoeretan, baita idatziz ere.
Norberaren tratamenduari buruzko erabakietan parte hartzeko eta baimena askatasunez eta borondatez emateko eskubidea.
Gaixotasunaren fase bakoitzari dagokionez, beharrezkoak ez diren mina eta sufrimendua saihesteko eskubidea.
Gure osasun-zentroetara joateko gastuak jasotzeko urtebeteko epean, Gizarte Segurantzaren Lege Orokorraren 54. artikuluaren arabera, garraio-gastuengatiko aldizkako konpentsazio-prestazioak iraungitzeko.
PAZIENTEAREN LAGUNTZAILEAK KONTSULTA MEDIKOAN BERTAN EGOTEKO ESKUBIDEA DU
Pazientearen laguntzaileak kontsulta medikoan bertan egoteko eskubidea du, artikulu hauen arabera;pazientearen autonomia arautzen duen azaroaren 14ko
41/2002 Oinarrizko Legearen 2.6 artikulua, 41/2002 legearen 7. eta 19. artikuluak, apirilaren 25eko Osasunari buruzko 14/1986 Lege Orokorraren 10. artikulua eta
datu-babeseko araudi espezifikoa
Pazienteen betebeharrak
MUTUALIAREN ZERBITZUEN ANTOLAKETA ETA KUDEAKETARI BURUZKO BETEBEHARRAK
Modu egokian erabiltzea, norbere beharren arabera, eskainitako baliabide eta prestazioak, eta atzemandako irregulartasunen berri ematea.
Mutualiaren instalazioak zaintzea, baita osasun-ekipoak ere.
Prestazioak eta osasun-baliabideak eskuratzeko eskatzen zaizkion dokumentu ofizialak aurkeztea Mutualiako zentroetan.
Antolamenduari eta segurtasun klinikoari dagozkion gaietan laguntzea.
NORBERAREN OSASUNAREN ETA ESKURA DAUDEN OSASUN BALIABIDEEN KUDEAKETAN ARDURAZ PARTE HARTZEARI BURUZKO BETE- BEHARRAK
Norberaren osasunari buruz hartutako erabakiak onartzea eta horien erantzule izatea.
Profesionalek adierazitako eta borondatez onartutako osasun-aginduak eta –neurriak betetzea.
Historia klinikoan jasotako informazioa eta erabiltzen diren osasun- eta administrazio-dokumentuak zuzen erabiltzea.
ASISTENTZIA-HARREMANETAKO BETEBEHARRAK
Norberaren identifikazio-datuak, harremanetarako datuak eta egoera fisikoari edo osasunari buruzko egiazko datuak ematea eta horiek lortzen laguntzea.
Mutualiako zentroetako arauak errespetatzea.
Errespetuz eta begirunez tratatzea Mutualiako langileak, harekin elkarlanean zerbitzuak eskaintzen dituzten profesionalak eta zentroak, gainerako pazienteak eta haien laguntzaileak.
