2019an, Osasunaren Mundu Erakundeak (OME) aldarrikatu zuen pazienteen segurtasuna munduko osasun publikoko lehentasunetako bat dela, eta irailaren 17a Pazienteen Segurtasunaren Mundu Egun izendatu zuen.

Mutualiak konpromiso argia agertu du pazienteen segurtasunarekin, 2009an lehenbiziko Pazienteen Segurtasunerako Plana onartu genuenetik. Azken urteotan, pazienteen segurtasunaren kultura zabaltzen laguntzeko xedez, OMEren ekimenarekin bat egin dugu, Pazienteen Segurtasunaren Mundu Egun hau ospatzeko.

Zer da pazienteen segurtasuna?

• Pazienteen segurtasuna esaten zaio jasotako osasun arretaren ondorioz istripu, lesio edo konplikazio saihesgarririk ez izateari.
• Giza faktoreak ondorio kaltegarrien %70 baino gehiago eragiten du, eta, haietatik, %40 baino gehiago saihesteko modukoak dira.

Prestakuntza, segurtasun-kultura hobetzeko gakoa

Pandemia iristeak ohitura berriak izatera behartu gaitu, bai gure lan-ingurunean, bai hartatik kanpo ere. Aurre egin behar izan diogun erronketako bat pazienteen segurtasunaren alorreko prestakuntza jorratzen jarraitzea izan da, gakoa baita segurtasunaren kultura hobetzeko.

Horretarako, teknologia berriak baliatu eta prestakuntza hori bermatzeko bide berriak bilatu behar izan ditugu, hiru estrategia hauen bidez.

1. Estrategia. Pazienteen Segurtasunaren alorrean kultura, prestakuntza eta ikerkuntza sustatzea.
2. Estrategia. Jarduera asistententzialean Pazienteen Segurtasunaren integrazioan sakontzea.
3. Estrategia. Pazienteen eta haien ingurunearen parte-hartzea sustatzea.

Zer egiten dugu

• Barne-hedapena eta kanporako hedapena
• Pazienteen Segurtasunerako oinarrizko barne-prestakuntza
• Arriskua Kudeatzeko Unitatea Pazienteen Segurtasunerako pertsonen prestakuntza-eskakizunak.
• Gomendatutako prestakuntzen zerrenda, Pazientten Segurtasunari buruzko solaskideentzat.
• Pazienteen Segurtasunerako langile eta pazienteentzako prestakuntza orokorra.
  – Ezagutza eta jardunbide egokiak trukatzeko Biltzarretan parte hartzea.
  – Ikerketa sustatuz.
  – Aldizkari zientifikoetako argitalpenak.

Aurten argitaratu da Mutualiako Pazientearen Segurtasunaren arloko kulturaren bilakaerari buruzko artikulu akademikoa. EHU/UPVko Medikuntza eta Erizaintza Fakultateko Kirurgia, Erradiologia eta Medikuntza Fisikoaren Sailarekin lankidetzan, lehen mailako nazioarteko aldizkari batean argitaratuta (Q1 eta 3.3 inpaktu faktore).

 “Evolution of culture on Patient Safety in the clinical setting of a Spanish mutual insurance company: observational study between 2009 and 2017” en el International Journal of Environmental Research and Public Health” – MDPI.