coche accidentado
Itzuli

2022: HAUSNARKETARAKO URTEA

Barne Ministerioak errepideko istripu-tasari buruzko 2021eko datu bateratuak aurkeztu ditu Toledon. Esperantzazko zifrak dakartzate 2019koekin alderatuz gero; urte hori zen pandemia aurreko erreferentzia urtea estatistiketarako. Datu horien arabera, 2021ean 1.553 hildako eta 7.784 zauritu larri egon ziren. Horrek esan nahi du 222 hildako (-% 13) eta 829 zauritu larri (-% 10) gutxiago egon direla; horrenbestez, 2021a hildako eta zauritu larri gutxien izan dituen urtea da erregistro estatistikoak daudenetik.

Datu horiei buruz EAEn hitz egiten badugu, 2021ean 42 pertsona hil ziren eta 417 zauritu larri izan ziren; hau da, %17,5 gutxiago hil ziren (51) eta %7,3 gutxiago (450) zauritu larri (450) 2019an baino.

Erregistro horiek heriotza-tasa hau ematen dute: 32 hildako milioi bat biztanleko. Europar Batasuneko 2021eko daturik baxuenetako bat da, eta bide-segurtasuneko tradizio luzea duten zenbait herrialdetakoa baino hobea da, besteak beste: Finlandia (40), Austria (40), Belgika (43) eta Frantzia (45). Europar Batasuneko batez besteko tasa 44 hildakokoa da.

Hala eta guztiz ere, uda honetan, ezbehar-kopuruak pandemia aurreko mailan jarri gaitu; izan ere, 2019ko (COVIDaren aurreko urtea) udako zifrak gainditu dira, eta hori berri txarra da bide-segurtasunarentzat.

Ministerioko irail honetako datuen arabera, aurtengo udan 225 pertsona hil dira errepideetan izandako 221 istripuetan; horrek esan nahi du 10 hildako gehiago egon direla 2019ko aldi beraren aldean. Gogoan izan dezagun, uda honetan (murrizketarik gabeko lehena), % 2,4 handitu dela ibilbide luzeko (halakotzat jotzen dira 50 km-tik gorako bidaiak) joan-etorrien kopurua (93,4 milioi bidaia izan dira mota horretakoak), eta, hala ere, biktimei dagokienez, ehunekoaren igoera handiagoa izan da desplazamenduen ehunekoaren aldean (+% 4,65).

Heriotza gehiago, eta ez udan bakarrik. Aurtengo udako zifrek 2022 osoan sumatzen zen joera baieztatu besterik ez dute egin.Aurten, urtarriletik irailera, 753 pertsona hil dira, 2019an baino % 6 gehiago.

Bi datu nabarmenduko ditugu, garrantzitsuak baitira aztertzeko:

– Lehena: istripuak izateko joerarik handiena duten lekuak bigarren mailako errepideak dira. Ezbehar gehien halakoetan gertatzeaz gainera (4tik 3, eta 225 hildakoetatik 173 uda honetan), horien arriskua ere areagotu egin da (52 hildako, 2019an baino 13 gehiago). Egitate horrek berriz ere piztu du, ibilgailuak aurreratzeko, abiadura orduko 20 kilometroan gainditzeko aukera kendu zuen arau polemiko hura. Egia da gehienak bidetik irtetearen ondorio izan zirela (% 40); hala ere, % 23 aurrez aurreko talken ondorio izan ziren.

– Aztertu beharreko bigarren datua erabiltzaile zaurgarriei (oinezkoak, mugikortasunerako ibilgailu pertsonaletan dabiltzanak eta txirrindulariak) eta motozaleei dagokie; izan ere, horienak izan dira zifrarik txarrenak. Hildako biktimen % 41, alegia. Ehuneko hori txikiagoa da aurreko urteetakoen aldean, baina 2019an gainditu zen % 40ko atalasetik gora dago.

Datuak aztertuz gero, oro har, ikus dezakegu zenbaki hobeak direla. Nolanahi ere, ez dago konformismorako edo erlaxatzeko aukerarik. Beste herrialde batzuetan agerian gelditu da arau berriak ezartzearen eraginkortasuna. Esate baterako, hauena: aurreratzeko, errepide konbentzionaletan abiadura orduko 20 kilometroan gainditzeko aukera kentzea; orduko 30 kilometroko muga herri barruko errepideetan; eta eguneroko trafikoan joan-etorrietarako modu berriak sartzea.

Lotutako berriak

Mutualiaren titulartasuneko webgune honek soilik helburu teknikoa duten norberaren cookieak erabiltzen ditu, eta ez du erabiltzaileen izaera pertsonaleko daturik jasotzen ez lagatzen, horien baimenik izan ezean.

Nolanahi ere, hirugarrenen webguneetarako estekak daude, eta horiek ez dute zerikusirik mutualitate honen pribatutasun-politikekin; webgune horietara sartzean erabaki ahal izango duzu horiek onartu edo ez.

ONARTU

Gure COOKIEEN POLITIKA kontsultatu dezakezu, hemen klik eginez