Mutualian, pazientearen gogobetetzea da gure osasun-laguntzaren ardatzetako bat. Laguntza-zerbitzuaren kalitateari buruzko galdetegiaren emaitzen arabera, gogobetetze globala % 94 baino handiagoa da. Datu horrek berretsi egiten du erabiltzaileen arreta hobetzeko eta horretan bikaintasuna lortzeko dugun etengabeko konpromisoa.
Emaitza aipagarriak
Hauek dira adierazle aipagarrienak, besteak beste: itxarote-denbora, jasotako arreta, instalazioak eta tratua (azken horrek 9,05 puntu lortu ditu lehen aldiz).
- Itxarote-denbora: Joera positiboari eutsi zaio, eta 8,91ko batez besteko nota erdietsi da. Horrek erakusten du inplementatutako kudeaketa-sistema eraginkorra dela.
- Informazioa: Gardentasunak eta komunikazio eraginkorrak indargune izaten jarraitzen dute, 8,87ko batez besteko puntuazioarekin.
- Arreta pertsonalizatua: Tratu goxo eta profesionalak balorazio handia izaten jarraitzen dute, eta 9,05eko batezbestekoa lortu dute.
- Instalazioak: Instalazioen erosotasunak eta segurtasunak estandar handia izaten jarraitzen dute, eta 9,13 puntu lortu dituzte batez beste.
- Balorazio orokorra: Pazientearen gogobetetze orokorrak 8,74 puntu lortu ditu.
Ondoen baloratutako zerbitzuak
Ospitalizazioa (9,53) eta Errehabilitazioa eta Fisioterapia (8,95) zerbitzuek baloraziorik onena izaten jarraitzen dute; horren atzetik daude Kontingentzia Profesionaleko (KP) Kontsultak eta Larrialdiak (8,81) eta Kontingentzia Arrunteko (KA) Kontsultak (8,74).
Gomendatze-indize garbia (NPS) – Net Promoter Score
Mutualiaren osasun-eremu osoko NPS indizea % 57,15ekoa da. Indize hori kalkulatzeko, kenketa bat egin behar da: 1etik 6ra bitarteko puntuazioa eman diguten paziente gaitzesleen ehunekoa ken 9 eta 10 puntu eman dizkiguten paziente sustatzaileen ehunekoa.
Gomendatze-ehunekoa (sustatzaileak)
9 eta 10 puntu eman dituzten pazienteen ehunekoari dagokienez, % 68,11 lortu da KPn, eta % 65,05 KAn; horrek erakusten du hobekuntza bat egon dela eta gomendatze- eta gogobetetze-mailak handiak direla.
Mutualiak kalitatearekin, etengabeko hobekuntzarekin eta pazientea ardatz duen arretarekin duen konpromisoa berresten du, eta, besteak beste, gertutasunean, efizientzian eta profesionaltasunean nabarmentzen da.
