Argitaratu da PJC/178/2025 Agindua, otsailaren 25ekoa, zeinaren bidez garatzen baitira Gizarte Segurantzaren kotizaziorako, langabeziarako, jarduera eteteagatiko babeserako, Soldatak Bermatzeko Funtserako eta lanbide-heziketarako 2025eko ekitaldirako lege-arauak. 

Hauek dira nobedade aipagarrienak: 

Belaunaldiarteko ekitaterako mekanismoari dagokion kotizazioa % 0,80ra igo da (% 0,67 enpresaren kontura eta % 0,13 langilearen kontura). 

Elkartasunezko kotizazio gehigarri bat jaso da gehieneko kotizazio-oinarria gainditzen duten ordainsarientzat. Kotizazioa hiru tartetan banatu da, gehieneko oinarriaren gaineko soberakinaren arabera, eta tarte bakoitzari dagozkion ehunekoak aplikatuko zaizkio. 2025ean: 

• Gehieneko oinarria % 10 bitarte gainditzen dutenei: 0,92 

• Gehieneko oinarria % 10 eta % 50 bitartean gainditzen dutenei: % 1 

• Gehieneko oinarria % 50 edo gehiagoan gainditzen duten ordainsariei: % 1,17