#AtxikiduraEguna2024 da gaur, “Indartu zure atxikidura, irabazi osasuna”. Pazienteek eta osasun-arloko profesionalek ELKARREKIN lan egin behar dugu atxikidura hobetzeko. Denok gara protagonista.
Gaur, “Medikamentuekiko atxikidura eta informazioaren eguna”ren 15. edizioa dugu. Ekimen horren bidez, ospitale-farmaziako 100 zerbitzuk baino gehiagok gogorarazten diete pazienteei garrantzitsua dela tratamenduaren jarraibideak betetzea eta medikamentu bakoitzaren hartualdiak ez ahaztea.
Atxikidura behar baino okerragoa izan daiteke tratamendu kronikoak dituzten paziente adindunen % 50ean, osasun mentaleko tratamenduan dauden pazienteen % 44-56an, eta inhalatutako kortikoideak hartzen dituzten pazienteen % 60an.
Atxikidura terapeutikoa pertsona guztiengan kontuan hartu beharreko funtsezko alderdi bat da, tratamendua eta patologia edozein direla ere. Atxikidura sustatzeko, osasun-profesional guztien parte-hartzea behar da. Alde horretatik, ospitale-farmazialariok eginkizun bikoitza dugu:
- Atxikidura egokia sustatzea: banakako arreta farmazeutikoa, medikamentuei buruzko informazioa, jarraibideak sinplifikatzea, plan terapeutikoa antolatzea…
- Atxikiduraren balorazioa eta jarraipena
Atxikidurarik eza —nahita edo nahi gabe gertatzen delarik ere— arazo konplexua da, hainbat faktorek eragiten baitute, eta faktore horiek guztiak identifikatuz ekin behar zaio arazoari.
Nola hobetu tratamenduarekiko atxikidura?
Kontuan izan beharreko alderdiak:
- Pazientea ez epaitzea eta errudun ez sentiaraztea
- Esku-hartzeak indibidualizatzea
- Pazientearen eta profesionalaren artean konfiantza sortzea
Ospitaleko Farmaziaren Espainiako Elkartearen infografia deskargatu
Susana Urrutia García
Mutualiako ospitale-farmazialaria
