Udarekin batera, tenperatura altuak iristen dira, eta gehiegizko beroak langileari erasan diezaioke. Gorputzak baditu mekanismoak berora egokitzeko, baina, tenperatura oso altua denean, bero-kolpea gerta daiteke, eta ondorio larriak edo oso larriak eragin ditzake osasunerako.
Sintoma nagusiak hauek dira: gorputzeko tenperatura igotzea, buruko mina, zorabioak, gorakoak, arranpak, takikardiak… Eta horrek akidura, nahastea eta konbultsioak ekar ditzake, baita konorte-galera ere.
Langileek jakitun izan behar dute arrisku horietaz, eta prebentzio-neurri guztiak hartu behar dituzte; enpresaren zuzendaritzak aurrez eman beharko die neurri horien berri.
Bero-kolperik ez izateko gomendio nagusiak
- Ez egon eguzkitan luzaroan.
- Kontsultatu UV erradiazioa: baxua, neurrizkoa, altua, oso altua, muturrekoa.
- Hidratazioa: edan etengabe, nahiz eta egarririk izan ez.
- Babestu eguzkitik; batez ere, burua eta lepoa. UV izpiekiko babesa duten eguzkitako betaurrekoak erabili. Kolore argiko jantzi lasaiak erabili, halako moldez non gorputzaren zati handiena estaliko duen. Erabili azala babesteko kremak.
- Saiatu ez erretzen, otordu oparorik ez egiten eta edari alkoholdunik ez edaten.
- Ez egin ariketarik bero handieneko orduetan (12:00etatik 17:00etara).
Nola jokatu bero-kolpea hartu duen pertsona batekin?
- Jarri pertsona gerizpea eta giro freskoa dagoen leku batean.
- Kordea badu, eman ura.
- Kordea galdua badu, jarri etzanda, albo batera begira, eta saiatu freskatzen ura edo oihal bustiak erabilita.
- Deitu 112ra, eta jarraitu osasun zerbitzuetakoen jarraibideei.
Prebentzioa enpresan
- Langileak prestatu; beroari lotutako arriskuei aurre egiteko prebentzio-neurriak jakinarazi, baita haren eraginak eta izan ditzakeen ondorioak ere.
- Langileei azaldu nola jokatu behar duten aipatutako sintomaren bat izanez gero; egiten ari diren jarduera eten beharko dute.
- Atsedenaldiak maiz egin ditzaten ahalbidetu eta etenaldien maiztasuna areagotu; betiere, leku freskoetan.
- Laneko ordutegiak egokitu. Txandak ezarri esposizioaren denbora edo intentsitatea murritz dadin, ahal dela.
- Esposiziorik txikiena dagoen orduetarako planifikatu zereginik astunenak.
- Isolatuta lan egitea saihestu.
- Langilearen babeserako baliabide egokiak eman: hidratazioa, jantziak, eguzkitako krema…
Informazio gehiago:
Osalan: “Estrés térmico: recomendaciones para trabajar con calor”
Kataluniako Generalitatea: “El calor durante la jornada de trabajo en verano”
