Dibertsitatearen eta inklusioaren kudeaketa enpresa-balio estrategiko bat da edozein erakunderentzat. Mutualiak, balio horiek duten garrantziaz jabetuta, bere interes-taldeak osatzen dituzten pertsonen aukera-berdintasuna, diskriminaziorik eza, ekitatea, aniztasuna eta inklusioa erraztu eta bultzatuko dituen ingurune bat lortu nahi du. Horregatik, Mutualiak, 2021-2025 aldirako Plan Estrategikoan, lehentasunezko proiektu gisa identifikatu zuen dibertsitate-plan bat lantzea.
Behar hori gogobetetzeko, Mutualiak Dibertsitate Batzordea sortu zuen 2022an, eta 2023an, 2023-2025 aldirako Dibertsitate eta Inklusio Politika eta Plana onartu zituen; lehenengo fase honetan, Mutualiako langile eta bezeroei aplikatzen zaizkie.
Mutualiarentzat, mutuarekiko harremanari eragiten dioten pertsona fisiko eta juridikoen desberdintasun indibidualen multzoa da dibertsitatea, eta, inklusio-estrategia gisa, Mutualiak konpromisoa hartzen du haien dibertsitatea errespetatu, baloratu eta kudeatzeko, gizartean balioa gehitzeko.
I. Dibertsitate eta Inklusio Plan honen helburua da zenbait jarduera-ildo, ekintza eta helburu definitzea, aukera emango dutenak, Plan Estrategikoan txertatuta, erakundeko pertsonen kudeaketan haiek identifikatu eta lehenetsitako elementuak sartzeko, eta, halaber, mutuak garatzen dituen zerbitzu eta produktuek bezeroen ezaugarri indibidualak gogobetetzea. Horrez gainera, lan-ingurune askotariko eta inklusiboak sortzearen beharrari buruz kontzientziatu nahi du, onuragarria baita erakundeentzat, gizartearentzat eta garapen jasangarriarentzat. Hala, Mutualiak erabaki du 2024a Dibertsitatearen Urtea izango dela mutuan. Hori ospatzeko, sentsibilizazio- eta kontzientziazio-ekintzak egingo dira kultura inklusiboa bultzatzeko; hots, erakundearen interes-taldeak osatzen dituzten pertsona guztien identitatea, berezitasunak eta dignitatea aintzatetsi eta defendatuko dituen kultura bultzatzeko.
Mutualiak aurreiritziak eta desberdintasun- eta diskriminazio-egoerak murrizten lagundu nahi du, gizarte askotarikoa eta inklusiboa lortzeko.
