Mutualiaren Gasteizko Erabakimen Handiko Ospitaleak Q Sostenible Evolution Excellence Plus zigiluaren aitorpena lortu du, aitorpen horrekin lortu daitekeen kalifikaziorik handiena.
Ziurtagiria Mutualiaren Erabakimen Handiko Ospitalean bertan banatu zen, Gasteizen. Ekitaldian, Antonio Montañok, Enpresa Iraunkorraren Nazioarteko Kontseiluko (CIES) presidenteak, Q Sostenible Evolution Excellence Plus zigilua eman zion Marta Barredo Mutualiako 2. lehendakariordeari.
Ekitaldian, CIESko lehendakariak nabarmendu zuen Estatuko eraikin iraunkorrenetako bat dela, eta puntuazio handienekoa Q Sostenible ziurtagiria daukatenen artean.
Ercilla Klinikaren eraikinek eta Mutualiak Bilbon duen egoitzak lortutakoei gehitzen zaie aitorpen hori, Mutualiak, ingurumen-inpaktua minimizatuz eta baliabideak modu eraginkorragoan erabiliz, iraunkortasuna hobetzeko egindako lanaren eta hartutako konpromisoaren ondorio.
Q Sostenible aitorpena Eraikuntza Jasangarriaren Nazioarteko Ziurtagiria da, Enpresa Iraunkorraren Nazioarteko Kontseiluak (CIES) kudeatua eta Eraikuntza Jasangarriaren Nazioarteko Kontseiluak babestua. Trantsizio Ekologikorako eta Erronka Demografikorako Ministerioaren (Biodibertsitate Fundazioa) laguntza du.
