Maiatzaren 12an Erizaintzaren Nazioarteko Eguna ospatuko dugu. Erizaintza modernoaren sortzailetzat jotzen den Florence Nightingalen jaiotzaren urteurrena zela-eta sortu zen ospakizuna, herritarren aldeko lan txalogarri horretan munduan diharduten erizain guztiei ondo merezitako omenaldia egiteko. 

Aurten, gai hau izango du Erizaintzaren Nazioarteko Egunak: “Ahots bat gidari. Etorkizuneranzko begirada osasun-arreta emateko”. Horren bitartez, ikusarazi nahi da erizaintza etorkizunari begira dagoela eta jarduteko modu berriak aurkituko dituela; hala, pazienteei emandako arreta eraldatuko du etengabe. 

 
Mutualian omenaldi txikia egin nahi diegu gure erizain kideei. Lerro batzuk, haien eguneroko lana goresteko, eskerrak emateko une zailetan beti hor egoten direnei, oso gertu, gu zaintzeko eta onena emateko konpromiso zintzoarekin. Eta “zer esan nahi du zure lanbideak” gaiari buruz bidali dizkiguten erantzun batzuk bildu ditugu. 

“Erizainak izatea erabaki genuen, eta gure lanbidea bizi-estilo bihurtu genuen. Erizaina izan behar nuela sentitzen nuen” 
“25 urte baino gehiago erizain lanetan, eta oraindik ikasteko, irakasteko eta talde lanean jarraitzeko gogoz; ez da etorkizun txarra, ez?” 
“Pazienteekin konpromisoa hartzea da nire benetako bokazioa” 
“Zaintzen dugun gaixo bakoitzak zerbait berri erakusten digulako” 
“Ez dakit zergatik izan nahi nuen erizain, baina badakit ez diodala izateari utzi nahi” 
“Pazienteei laguntzea zaurgarritasun-momentuetan, eta zaindu nahi ditudala erakustea” 
“Ez da nik adieraz dezakedan zerbait, sentitzen dut…” 
“Seguru nago egon nahi dudan lekuan egon nahi dudala, eta nire lanaz gozatzeko zortea dudala” 

Eskerrik asko pertsonen zaintza lanbide bihurtzea erabakitzen dutenei.