Beste urte batez, Mutualiak bat egin du Europako Mugikortasun Jasangarriaren Astearen deialdiarekin, irailaren 16tik 22ra.

Mugikortasun jasangarriaren oinarrian ingurumeneko arazoen gaineko kezka eta bide segurtasuna sustatzeko nahia dago, hiri garbiagoak eta, era berean, seguruagoak sortzeko helburuarekin. Bide segurtasuneko estrategiaren zutabeetako bat da efizienteagoak, osasungarriagoak eta jasangarriagoak diren mugikortasun ereduak sustatzea: oinez ibiltzea eta bizikleta nahiz garraiobide publikoak erabiltzea.

Ez dugu ahaztu behar oraindik ere gehienok autoz mugitzen garela.

2019ko errepideetako istripuen kopuruei buruzko datuak harrigarriak izan dira; izan ere, udan 46 hildako gutxiago egon ziren aurrekoaren aldean, eta are erregistroak daudenetik hildako gutxien izaten dituzten hilabeteekin (apirila, ekaina eta abuztua) alderatuta ere.

Horrenbestez, urte hau historiako urterik onena izan da, 1.098 hildako izan baitira; aurreko urteetako datuak hobetu dira, eta balio handiagoa dauka, 2019an desplazamendu gehiago egin baitira, ibilgailu eta gidari gehiagorekin, gainera.

Hortaz, datu hauek frogatzen dute istripuak eragotzi daitezkeela.

Segi dezagun lanean; izan ere, oraindik ere:

· hildakoen % 20k ez zeraman jarrita segurtasun-uhalik,

· eta hildakoen % 40 alkoholaren edo drogen eraginpean zegoen.

Jarrai dezagun mugikortasun modu berrien gorakada ikertzen eta ikasten: bizikleten, ziklomotorren, motoen, patinete elektrikoen eta abarren erabileraren igoera, esaterako. Gazteenen artean eragin izugarria ari da izaten.

Batez ere, bateratu ditzagun indarrak haien alde, bide segurtasunaren funtsa heztea eta sentsibilizatzea baita, eta zenbat eta gazteago egin, askoz hobe.

Ez badugu amore ematen eta mugikortasun modu berriak era arduratsuan geure egiten baditugu, dugun erronka eta helburu itzela erdietsiko dugu: 0 hildako izatea errepideetan.

Mutualiaren Prebentzio-Aholkularitz