Badatoz Gabonetako ospakizun-egunak, eta ohikoa izaten da lagun, senide eta lankideekin une atseginak igarotzea.
Garrantzitsua da gogoan izatea ospakizunetan arriskuak ere izan daitezkeela. Funtsezkoa da kontuan hartzea segurtasuna eta prebentzioa lehenetsi behar direla Gabon seguruak eta ustekabekorik gabeak izateko.
Eztarri-trabatzearen eta -buxatzearen arriskua izan ohi da ospakizunetako arrisku ohikoenetako bat. Une horretan zer egin behar den jakitea erabakigarria da, eta istripu larriak saihestu daitezke. Jakingo zenuke Heimlich-en maniobra egiten?
Eta norbaitek bihotz-geldialdia izango balu, jakingo zenuke zer egin?
Mutualiak, Educator programaren barruan, bi eduki berri jarri ditu eskura, bideo- eta infografia-formatuetan:
- Nola jokatu helduetan gorputz arrotzak eztarrian trabatuz gero. Bizkor eta eraginkortasunez jokatzeko eta ondorio larriak saihesteko aholku praktikoak.
- Nola egin bihotz-biriken bizkortzea helduetan eta nola erabili desfibriladorea. Ikusi gure azalpen-bideoa eta infografia, larrialdi-egoera batean erabakigarriak izan daitezkeen teknika garrantzitsuak ikasteko.
Educator programaren helburua da osasuneko eta higiene- eta osasun-arloko ezagutzak zabaltzea enpresei eta haietako langileei, jakin dezaten nola jokatu lan-istripu bat gertatzen bada, eta pazienteei eta haien zaintzaileei, beren osasun-prozesuan modu aktiboan parte hartzera bultzatzeko.
Eta gogoan izan neurriz jokatzea ezinbestekoa dela Gabon osasungarriak izateko. Oreka aurkitu behar da ohitura osasungarrien hiru ardatz nagusien artean: nutrizioa, jarduera fisikoa eta ongizate emozionala.
Mutualiak, osasunarekiko eta ongizatearekiko konpromisoari eutsiz, guztiok ospakizun seguruak bizitzeko baliabideak ematen dizkigu.
