Proiektu honen helburua da hizkuntza ofizialen erabilera publikoan hizkuntza-ohitura eredugarriak adostea eta praktikan jartzea, horrela, hizkuntza-berdintasunean sakontzeko eta, ondorioz, hizkuntza-bizikidetzarako eredu orekatuagoak sortzeko.
Gipuzkoa Berdinago osatzen dugun enpresa eta erakundeok Euskaraldiaren bigarren edizioan parte hartuko dugu eta ariguneak sortzeko lanean ari gara. Euskararen erabilera sustatzea guztion eginkizuna baita. Bideoa prestatu dugu, beste erakunde eta enpresak Euskaraldian parte hartu dezaten eta euskararen sarera batu daitezen.
