Besteak beste, Finlandian eta Holandan “Zero Istripu” Foroak existitzen dira. Horietan, enpresak borondatez joaten dira esperientziak partekatzera eta praktika onak zabaltzera. Kide guztiek laneko segurtasuna hobetzeko nahia dute, eta zero istripu lortzea dute helburu. Mutualiaren Prebentzio Sailean uste dugu esperientziak, ezagutzak eta gako-ideiak (prebentzioan eraginkortasuna handitu dutenak) partekatzean, hala esperientziaren berri ematen duen pertsona nola hori jasotzen duena aberasten direla.
Gure inguruko aldaketen erritmoa gero eta azkarragoa da, eta kontrolatzeko gaitasuna galdu dugu. Dagoeneko ezin gara gauzak egiteko gure moduan ezkutatu. LAPen ere, etorkizunak lan kolaboratibora, esperientzien trukera eta gure esperientziak beste ikuspuntu batzuekin alderatzera garamatza. Horregatik guztiagatik, trukerako eta kolaboraziorako espazio hau eskaintzen dugu.
Partekatzeko praktika onen bat daukazu?
LAPeko praktika on bat langileen segurtasuna eta osasuna hobetzen duen edozein jarduera da, lege betebeharretatik harago. Ez da beharrezkoa praktika konplexua edo iraultzailea izatea. Kasu askotan, praktika on bat enpresen prebentzio konpromisoaren araberakoa da, hura martxan jartzeko gastatutako baliabideen araberakoa baino gehiago. Beraz, esperientzia praktikoak, eraginkorrak, bilatzen ditugu, nolabaiteko ikuspuntu berritzaile bat dutenak, balio positiboak helarazten dituztenak, gastatutako baliabideetatik eta proiektuaren tamainatik harago.
Jar zaitez gure Prebentzio taldearekin harremanetan.
prevencion@mutualia.es
944 042 105 / 943 440 526 / 945 009 077
Zer ari dira egiten besteak?
Mutualiak, 2004tik, Mutualia Saria antolatzen du. Sari honek aitortzen du Mutualiarekin elkartutako enpresen artean, Laneko Arriskuen Prebentzioaren arloko ikerketak, garapen teknologikoa eta berrikuntza sustatu edo hedatzen dituztenak. Urte hauetan guztietan, esperientzia ugari aurkeztu dira. Gehienek erakutsi dutenez, prebentzioa egiteko modu desberdin eta eraginkorrago bat dago: lana, hobetzeko esfortzua eta esperientzian oinarritutako berrikuntza oinarri dituena, hain zuzen ere. Sektoreko enpresa liderren zenbait esperientzia kontatzen hasiko gara. Proiektu bakoitzerako, hura azaltzen duen fitxa bat prestatu dugu. Gertu-gertutik ezagutu nahi?
Fitxak GureEsperientziaPartekatua
Zerk funtzionatzen du?
100 urte baino gehiagoko historia duen entitatea da Mutualia, kidetutako enpresa talde bati zerbitzua ematen diona, eta horien artean euren sektoreetan erreferentzia diren enpresak daude. Esperientzia luze eta aberasgarria dugu, denbora honetan partekatua, hobetzeko, aurrera egiteko, eraginkorragoak izateko eta gure jarduera eremuetan eraginkortasun handiagoa lortzeko esfortzuak batuz, horien artean lan arriskuen prebentzioa sustatzea lotutako enpresen artean. Esperientzia luze horrek erakutsi digu lan arriskuen prebentzioak honi esker funtzionatzen duela:
Eredua eta konpromisoa
Guztion eredua ezinbestekoa da, zuzendaritzatik hasita, agintari, lankide eta prebentzio teknikarieekin jarraituz. Baina kanpoko eredu eta esperientziak ere garrantzitsuak dira, Prebentzioa egiteko modu ezberdina eta eraginkorragoa dagoela erakusten dutenak.
Konpromisoa ezinbestekoa da, Lan Arriskuen Prebentzioarekiko konpromisoa, lege betebeharrei edo norbere enpresari bakarrik lotu behar ez zaiona. Aldatu nahi baldin badugu, inguratzen gaituztenekiko konpromiso aktibo eta ikusgarri bati egin behar diogu aurre.
Mutualiako Prebentzio Aholkularitzan esperientzia trukaketa aktiboki sustatzeko konpromisoa hartu dugu. Hala nahi duten elkartutako enpresak animatzen ditugu, besteei lan-arriskuen prebentzioari lotutako euren esperientzia eta bizipenak kontatzera, gure Prebentzio taldearekin harremanetan jarriz.
Partekatzeko esperientziek Mutualia Sarien 9. Edizioko saria lortzeko aukera izango dute.
Zuretzat ondo funtzionatzen duen prebentzioa parteka ezazu.
Saria du
