MUTUALIAk, Gizarte Segurantzarekin lankidetza duen 2 zk.ko mutuak, asistentzia zentroen irisgarritasunarekin nahiz eremu digitalen erabilerraztasunarekin duen konpromisoa dela-eta, berriz ere lortu du gardentasun atariaren ziurtagiria.
Irisgarritasunerako eta Erantzukizun Sozialerako Fundazioak erabilerraztasun graduaren egiaztatze prozesua AIS 2/2018 Arauaren arabera egin du, eta honetan datza:
• Datuak hartzea, erregistroa eta ikuskaritza.
• Egiaztatze-azterketa osatzea.
• Irizpen-proposamena.
Egindako egiaztapenei esker, maila globalean ondoriozta daiteke interfazeko hainbat osagaik webgunerako sarbide egokia eskaintzen dutela, eta nabigazioa osoa eta ulergarria dela aztertutako bide guztietan eta erabiltzaile multzo zabal batentzat; halaber, maila altuko prestazioak ditu webgunearen bateragarritasunari dagokionez, nabigatzaile gehienek, laguntza teknikokoek eta beste erabiltzaile-agente batzuek interpretatu ahal izateko.
Horregatik guztiagatik, ondorioztatu da “GARDENTASUN ATARIA” (https://transparencia.mutualia.eus/) webguneak 4 izarri dagokion erabilerraztasun maila lortu duela, AIS 2/2018 Arauaren arabera, modalitate honetan: “2020ko iraila baino lehen funtzionamenduan zegoen eremu digitala (webgunea).
Ziurtagiri hau eskuratzea Mutualiak erabilerraztasunaren eta irisgarritasunaren alde egin duen apustu globalaren barruan dago. Hala, 2014az geroztik 17 zentrok lortu dute dagoeneko DIGA ziurtagiria, eta horietatik hiru 5 izarrekin, gainera.
