28/2018 Errege Lege Dekretuak arauan egindako aldaketa dela-eta, 2019ko urtarrilaren 1etik aurrera, langile autonomoen kolektiboak ezinbestean hautatu behar du Gizarte Segurantzaren lankidea den mutualitate bat, osoko estaldura izateko, hala gaixotasun arrunta denean, nola lan-istripua edo lan-gaixotasuna denean, bai eta lan-jarduera utzi behar duenean ere. Gizarte Segurantzarekin estaldura kontratatuta zuten eta mutualitaterik hautatu gabe zeuden langileentzako epea joan den martxoaren 31n amaitu zen.

Ildo horretan, lan-ikuskaritzak autonomoei gutunak bidaltzen hasi da, hain zuzen, epea amaitu ondoren oraindik Gizarte Segurantzaren Institutu Nazionalean (GSIN) jarraitzen dutenei.

Mutualitate bat hautatu ezean, isun arina erazarriko da, 60 € eta 625 € artekoa, Ordena sozialeko arau-hausteei eta isunei buruzko Legeak 40.1. artikuluan jasotzen duen moduan.

Aldaketa egiteko, langile autonomoek TA-521 bete beharko dute Gizarte Segurantzaren Diruzaintza Nagusian (GSDN).