Prebentziozko Begiradak argazki erakusketa ikusgai izango da Zarauzko argazki-gune esanguratsuan apirilaren 14era arte

Zarauzko Photomuseumak argazkiaren arte eta teknikaren garapena aurkezten die modu kronologikoan bisitariei, bere hastapenetatik gaurdaino, eta baita zinemaren jatorria ere. Ikusgai ditu, besteen artean, argazki tresna ugari, garai askotariko tresna optikoak eta argazki artistikoak. Aldi baterako erakusketak antolatzen ditu sarritan artista zenbaiten lanekin.

Oraingoan, Mutualiaren Prebentziozko Begiradak erakusketa egongo da ikusgai heldu den apirilaren 14ra arte. 31 argazkik osatzen dute bilduma, guztiak kontzientzia hartzeko mezuekin lagunduta. Titare eta orratz baten irudi bat –laneko istripuen unibertsalitatea islatzen duena– burutik oinetara babestuta lan egiten duten langileen irudi harrigarriak, sekulako garaieretan edota fundizio batean lan egiten duten langileen argazkiak ikusi ahal izango dira, besteen artean. Irudien imajinarioa laneko ezbeharren aurkako kontzientzia sortzeko eta guztion artean lan ingurune seguruago eta osasuntsuagoak lortzeko tresna boteretsua da.

Erakusketa ikusgai izango da Zarauzko Photomuseumean (San Ignacio, 11) asteartetik igandera, 10:00etik 14:00era eta 17:00etik 20:00era. (Astearte eta ostiraletan sarrera doakoa izango da).