Emakumeen Nazioarteko Egunean, Mutualiak bat egiten du Berdintasun Ministerioak bultzatutako “Con M de Movimiento” kanpainarekin. Kanpaina horren helburua gizartea sentsibilizatzea, genero-berdintasun erreala sustatzea eta helburu partekatuak lortzeko bidean aurrera egitea da. 

Euskadin, “ZUETAZ HARRO” kanpainaren leloa partekatzen dugu. Eusko Jaurlaritzako Berdintasun, Justizia eta Gizarte Politiketako Sailak, Emakundek, hiru Foru Aldundiek eta EUDELek bultzatutako kanpaina. 

“ZUETAZ HARRO” da leloa, esaldi honekin batera: “Ahaldundutako emakume bakoitzaren atzean ahalduntzera bultzatu duen beste emakume bat egon da“. Adineko emakumeek gazteenen ahalduntzean egiten duten ekarpena nabarmentzen du, belaunaldien arteko harremanaren garrantzia azpimarratuz. 

Eta harrotasun espiritu horrekin, Mutualiak bere kanpaina partikularra abiarazi nahi izan du, intranetaren bidez, pertsona guztiak parte hartzera animatuz, beren bizitzetan aztarna esanguratsua utzi duten emakumeen istorioak parteka ditzaten, hala nola amonak, amak, ahizpak, lagunak,… 

Mutualia harro dago bere taldeko kide diren emakume guztietaz. Bere konpromisoarekin eta dedikazioarekin, Mutualiaren helburua betetzen dute: pertsonen osasunerako, segurtasunerako eta ongizaterako eskubidea bermatzea; hurbiltasuna, efizientzia, profesionaltasuna, abangoardismoa, gardentasuna eta taldea bezalako balioekin, konfiantzazko elkarrekintza bihurtzen dute, iraunkorra eta eskaintzen dituen zerbitzu aurreratuen kalitatea eta gizatasunezko tratua direla-eta aitortua izan dadin. 
Mutualiak, gainera, bere zuzendaritza-organoetan emakumeen presentzia sustatzeko konpromisoa du: Zuzendaritza Batzordeak 60-40 kuotetatik gorako ratioak dituzten emakumeen presentzia du, eta Batzorde Betearazleak 5 pertsona ditu, horietatik 4 emakumeak (3 presidenteordetza eta idazkari 1). 

M8an, Mutualia ere “ZUETAZ HARRO” sentitzen da.