Mutualiak lehenengo INNOVABIDE aintzatespena jaso du, bide-segurtasuna kudeatzearen esparruan egin dituen jardunbide onak direla-eta.
MutualiakEusko JaurlaritzarenSegurtasuneko sailburuorde Josu Zubiagareneskutik jaso zuen aintzatespena, Bilbon abenduaren 12an egindako ekitaldi batean. Bertan, Mutualiak bide-segurtasuna kudeatzearen esparruan egindako jardunbide onak nabarmendu zituen.
Ekitaldi horretan, gainera, gure enpresa elkartua den Protón Electrónica S.L.U.k INNOVABIDE aipamen berezia jaso zuen, eta, horren bidez, arlo horretan haren kudeaketa etengabe hobetu nahian egindako esfortzua aitortu zen. Horrez gainera, Protón Electrónica S.L.U.k, Fernández Aedo S.L.k, Ingeteamek eta Urkide hezkuntza-zentroak aukera izan zuten bide-segurtasunarekin lotutako jardunbide onei buruzko beren ereduak aurkezteko.
INNOVABIDE sarea, alegia, bide-segurtasunaren alorrean kudeaketa hobetzeko konpromisoa duten Euskadiko Enpresen Sarea, 2018an jarri zuen martxan Eusko Jaurlaritzaren Segurtasun Sailaren Trafiko Zuzendaritzak, trafikoko laneko istripuetan (“in itinere” eta “in mision”) zendutako pertsonen eta larri zauritutakoen kopurua % 40 murrizteko asmoz. Euskadiko edozein enpresa, doan eta edozein dela ere bere tamaina edo lan-esparrua, sarearen parte izan daiteke, bai eta, hala, bide-segurtasunarekin lotutako enpresa-kudeaketarekiko konpromisoa hartu ere.
Mutualiatik, gure enpresa elkartu guztiak gonbidatu nahi ditugu INNOVABIDErekin bat egitera, bai eta ikastearen eta beste erakunde batzuekin ezagutzak trukatzearen onurak hartzera ere.
