Ez dago zalantzarik: eraldaketa digitalak hobetu egiten du enpresek interes-taldeekiko duten harremana, baina, era berean, informazioaren segurtasunari eta datuen babesari eragin diezaioketen arriskuak ere badakartza.
Mutualiaren xedea da pertsonei osasunerako, segurtasunerako eta ongizaterako eskubideak bermatzea, eta segurtasun horren barruan sartzen da haien datuen babesa. Horregatik, aspaldi zehaztu zuen mutualitateak gailu eta prozedura elektronikoak erabiltzetik eratorritako arriskuak kudeatzeko estrategia. Lehenik, AENORek egiaztatutako ISO/IEC/27001 ziurtagiria lortu zen, informazioaren segurtasunari dagokiona; orain, berriz, Segurtasun Eskema Nazionalaren (SEN) araberako ziurtagiria lortu da, hori ere AENORek emana.
Mutualiako Informazio Sistemen Sailak aurrerantzean ere lan egingo du arreta-zerbitzu digitalak hobetzeko, une oro berma daitezen informazioaren segurtasuna eta datuen babesa.
