Mutualiak Kudeaketa Aurreratuaren urrezko A Euskal Saria jaso du. Sari honek kudeaketa-praktiketan aurreratuen dauden eta interes-talde guztien gogobetetze orekatua bilatzen duten erakundeak saritzen ditu.
Sariak banatzeko ekitaldia abenduaren 19an egin da Gasteizko Europa Jauregian. Mutualiaren aldetik, Verónica Huidobrok, Antolakuntza eta Arriskuen Kudeaketako zuzendariak, urrezko A jaso du, eta hark nabarmendu duenez, “kudeaketa aurreratuaren eredua tresna ezin hobea da erakunde baten kudeaketa hobetzeko”.
Aitorpen berri horrek indartu egiten du Mutualiak kudeaketa aurreratuarekin eta Euskalitek bultzatutako ereduarekin duen konpromisoa. Horren ondorioz, 2015ean urrezko A lortu zuen “garatutako mailarekin”, eta, oraingoan, “maila aurreratua” lortu du, aitorpen horren mailarik gorena.
