Mutualiak guztien eskura jarri ditu bere jarduerari buruzko datuak, modu librean erabili eta partekatu ahal izateko.

Dokumentu horiek Mutualiaren Atari Korporatiboan daude, dokumentu eta txostenen atalean.

Gaur egun, zenbait adierazle daude eskuragarri, hala nola bajei (kontingentzia profesionalen eta arrunten ondoriozkoak), lan-istripuei eta gaixotasun profesionalei (baja eragin dutenak eta ez dutenak) buruzko estatistikak, eta haurdunaldiko eta edoskitzaroko arriskuen espedienteei eta adingabeen zainketari buruzko adierazleak. Datu horiek mutuaren datu-basetik eskuratzen dira zuzenean eta denbora errealean.

Mutualiak bere sei balioetako bat, gardentasuna, aplikatuz ezarri du zerbitzu hau, informazioa edozein unetan eskuratu eta gizartean ezagutza kritikoa sortzeko erabiltzearen kultura bultzatzeko.