Ekainaren 15etik 30era, Laneko Segurtasun eta Osasunerako Institutu Nazionalak “Nire lana ere osasuna da” kanpaina abiarazi du lan-eremuan osasuna sustatzeko.
Kanpainak osasunaren eta lanaren arteko lotura azpimarratzen du. Osasun-egoerak eragina izan dezake lan-eremuan, eta lanean igarotzen den denboraren ondorioz, ingurune ezin hobea da langileen osasunean eragin positiboa sortzen duten Laneko Osasun Programak ezartzeko. Era berean, osasuna hobetzen laguntzen duten programa horietan ezinbestekoa da langileek parte hartzea.
Laneko Segurtasun eta Osasunerako Institutu Nazionalaren kanpaina honen helburua da enpresak osasunaren sustapenari buruz gehiago kontzientziatzea eta Laneko Osasun Programek eskaintzen duten ezagutza hobetzea.
Kanpainari eta materialei buruzko informazioa
Mutualiak enpresa osasuntsu eta osasungarri gisa garatzeko konpromisoan lagun egiten die enpresei, eta, MutualiaOn!, Enpresa Eredu Osasungarriaren bidez, hura osatzen duten alderdietako bakoitzean helburuak ezartzen, planifikatzen eta jarduerak egiten laguntzen die:
- Lan-giro fisikoa
- Absentziak prebenitzea eta kudeatzea
- Osasuna zaintzea
- Ongizate emozionala
- Ingurunean parte hartzea
Enpresa Osasungarriaren proiektuan laguntzea nahi baduzu, jar zaitez harremanetan Mutualiako Prebentzio Aholkularitzarekin.
