Ohiko eta Ezohiko Batzar Nagusietarako deialdia

2018/06/26

batzar nagusia

Mutualiaren Zuzendaritza Batzordeak Ohiko eta Ezohiko Batzar Nagusietarako deialdia luzatu die enpresario kideei, datorren uztailaren 20rako.

Mutualia Gizarte Segurantzarekin lankidetza duen 2 zk.ko mutuaren Zuzendaritza Batzordeak hauxe erabaki du aurtengo martxoaren 22an eta maiatzaren 29an egindako bileretan, urriaren 30eko 8/2015 Legegintzako Errege Dekretuko 86. artikuluetan eta Estatutuetako 22. eta 23. artikuluetan xedatutakoari jarraituz: empresario kideei Ohiko eta Ezohiko Batzar Nagusietarako deialdia egitea. Datorren uztailaren 20ean egingo dira hurrenez hurren, 11:30ean lehen deialdia eta bigarrenean 12:00etan, Donostian, Pakea Klinikan (Arriola pasealekua, 26).

Ohiko Batzar Nagusiaren gai zerrenda

Presidentearen agurra.
Zuzendaritza Batzordearen kudeaketa-txostena, ondare historikoaren dotazioak eta aplikazioak, memoria, balantzeak eta emaitzen kontuak onartu, hala badagokio, Gizarte Segurantzaren Kontu Hartzailetza Nagusiaren ikuskaritza-txostenak jakinarazi ostean. Era berean, 2017ko emaitza ekonomiko positibo eta soberakinaren aplikazioa.
Jakinarazi eta onartu, hala badagokio, 2019ko aurrekontuen aurreproiektua eta Zuzendaritza Batzordeari Gizarte Segurantzako Aurrekontuen Proiektuan beharrezkoak diren aldaketak egiteko eskubidea.
Zuzendaritza Batzordeko kideak izendatu eta berritu.
Prestazio Berezien Batzordearen kudeaketaren berri eman.
Bilerako akta berresteko eta onartzeko bi ikuskatzaile izendatu.
Presidentearen hitzaldia.
Norberak lekarkeena.

Ezohiko Batzar Nagusiaren gai zerrenda

Zuzendaritza Batzordeak proposatuta, onartu indarrean dauden erakundearen Estatutuen aldaketak, abenduaren 26ko 35/2014 Legean xedatutakoarekin bat egin dezaten; horren bidez, Gizarte Segurantzaren Lege Orokorraren testu bategina aldatzen da lan-istripuen eta gaixotasun profesionalen mutualitateen araubide juridikoari dagokionez, Gizarte Segurantzaren Lege Orokorraren testu bategina onartzen duen urriaren 30eko 8/2015 Legegintzako Errege Dekretuan txertatuta dago.
Aurreko proposamena onartzen bada, Zuzendaritza Batzordeari baimen zabala eta zehatza eman, Enplegu eta Gizarte Segurantzako Ministerioak proposatutako iruzkinak, aldaketak edota zuzenketak Estatutuen testuan txertatzeko.
Bilerako akta berresteko eta onartzeko bi ikuskatzaile izendatu.

Memoria, balantzeak eta emaitzen kontuak –Gizarte Segurantzaren Kontu Hartzailetza Nagusiaren ikuskaritza txostenak jakin ostean– mutuaren webgunean ikus daitezke (www.mutualia.es), Batzar Nagusiaren aurreko 15 egunetan azken horiek Mutualiari jakinarazi bazaizkio, eta jakinarazpenaren datatik aurrera beti.

Legitimazioa egiaztatzeko ezarri beharreko era eta baldintzak:

Mutualiako enpresario kide guztiek izango dute parte hartzeko eskubidea, betiere batzar nagusiaren egunean elkartzeko hitzarmena indarrean badute, hala ere betebehar sozialak egunean dituztenek baino ez dute bozkatzeko eskubiderik izango.

Bertaratzeko eta botoa emateko eskubidei dagokienez, jakinarazten dizuegu Mutualiaren egoitza sozialean eta operatiboan kontrol-erregistroa dagoela, Batzar Nagusiaren datarekin eguneratuta dagoena. Erregistro honetan, enpresario kideen zerrenda dago, baita betebehar sozialak egunean dituzten enpresena ere. Eskakizun horiek egiaztatu ahal izango dira elkartze dokumentua eta GSDN ziurtagiriaren bidez.

Mutuako kide diren enpresarioek, beraiek edo eskuordetze bidez, Batzar Nagusietan parte hartu nahi badute, bertaratzeko edota botoa eskuordetzeko txartela eduki beharko dute. Txartel hori Mutualiaren zentroetan eskura daiteke, edo, bestela, www.mutualia.es webgunean. Eskuordetze botoa Mutualiaren kide den beste enpresario baten esku baino ezin daiteke utzi.

Zalantzaren bat baduzu edo zerbait kontsultatu behar baduzu, deitu zenbaki honetara: 944 252 503.

Bilbaon, 2018ko maiatzaren 29an

Zuzendaritza Batzordearen izenean

PRESIDENTEA

Dokumentazioa: