“Zergatik da hain garrantzitsua eskuetako higieneari buruzko ezagutzak zabaltzen jarraitzea? Patogeno arriskutsuak ez zabaltzen laguntzen duelako arreta medikoan”: OMEk goiburu hori hautatu du 2024ko kanpainarako, gogoan izan dezagun eskuetako higienea dela infekzioak prebenitzeko neurri eraginkorrena, bai osasun-profesionalentzat, bai pazienteentzat.
Osasun Ministerioak “Eskuetako higieneak infekzioak prebenitzen ditu” esloganarekin abiarazi du 2024ko kanpaina, eta haren helburu nagusia da azpimarratzea zer garrantzitsua den eskuetako higienea laguntza-alor guztietan eta guztiontzat.
Mutualiak bat egin du egun horrekin, eta zenbait ekimen antolatu ditu pazienteen segurtasuna bermatzeko estrategiaren barruan. 2005etik, Mutualiako Eskuen Higieneko Taldeak zenbait hezkuntza-programa eta gida landu eta dibulgatu ditu, eskuak ongi nola garbitu behar diren azpimarratzeko. Bestalde, eskuak ongi garbitzen ote dakigun ebaluatzeko inkestak eta saioak ere egin ditu. Osasun-laguntzako biltzarretan ere parte hartu du, zeinetan ezagutzak, esperientziak eta jardunbide egokiak partekatu baititu.
Aurten ere, eta, bereziki, maiatzaren 5ean, Eskuetako Higienearen Egunean, Mutualiako Eskuen Higienea Taldeak gaiari buruz sentsibilizatu eta jardunbide egokiak bultzatu nahi ditu, bai bere langileen artean, bai bere pazienteen artean eta haien ingurunean., Ekimen horrekin, laguntza-kalitatearekin eta pazienteen segurtasunarekin duen konpromisoa berretsi nahi du.
Nola garbitu behar dira eskuak?
Zein dira akats nagusiak eskuak garbitzeko garaian?
