SUESKOLA Fundazioak 15 urte bete ditu suteak prebenitzeko eta itzaltzeko prestakuntzan. Sorreratik, 50.000 pertsona baino gehiago igaro dira instalazioetatik, segurtasunarekin eta larrialdien aurreko erantzunarekin lotutako hainbat arlotan trebatzeko.
15. urteurrena ospatzeko, Gipuzkoako Foru Aldundiak ekitaldi instituzional bat antolatu zuen martxoaren 28an, SUESKOLAren laguntzaile, babesle eta bezero nagusiak omentzeko, tartean MUTUALIA. Ekitaldia Eider Mendoza diputatu nagusiak zuzendu zuen, eta Fundazioaren ibilbidean bidelagun izan diren 50 erakunde baino gehiago bildu ziren
15. urteurrena ospatzeko, Gipuzkoako Foru Aldundiak ekitaldi instituzional bat antolatu zuen martxoaren 28an, SUESKOLAren laguntzaile, babesle eta bezero nagusiak omentzeko, tartean MUTUALIA. Ekitaldia Eider Mendoza diputatu nagusiak zuzendu zuen, eta Fundazioaren ibilbidean bidelagun izan diren 50 erakunde baino gehiago bildu ziren
Iñigo Aldasoro, Su Eskolako zuzendariak fundazioak etengabeko prestakuntzarekin eta arrisku berrietara egokitzearekin duen konpromisoa azpimarratu zuen. Adierazi zuenez, helburua da Gipuzkoan eta Euskadin suteak prebenitzeko lanean jarraitzea, “SUESKOLAk, arrisku berriei nola aurre egin irakasteaz gain, teknika eta gailu berritzaileekin ere egiten du trebakuntza, larrialdi egoerei modu eraginkorragoan erantzun ahal izateko”.
15 urte hauetan, SUESKOLAk Ordiziako instalazioetan eta Bizkaiko Foru Aldundiak Ispasterren duen maniobra-parkean garatu du bere prestakuntza-jarduera. Azpiegitura horiei esker, trebatze praktiko eta errealistak egin daitezke, segurtasun estandar gorenekin. Talde prestatzailearen esperientzia eta ezagutza funtsezkoak izan dira arrakasta lortzeko. Bere instruktoreek ibilbide eta errekonozimendu luzea dute, eta sektoreko prestakuntza zentro nagusietan jaso dute formazioa. Gainera, trebakuntza jaso dute Frantzian, Ingalaterran eta Suedian, eta segurtasun eta larrialdietako kongresu nazionaletan eta nazioartekoetan parte hartu ohi dute.
Enpresentzako trebakuntza eta sentsibilizazioa
SUESKOLAren prestakuntza-eskaintzan enpresetako langileentzako programak daude, beren behar espezifikoen arabera diseinatuak, arrisku maila txikiko konpainietatik hasi eta substantzia arriskutsuekin lan egiten duten industria kimikoetaraino, istripu larriak
Beste jarduera-eremu bat ikerketa eta garapena izan da, enpresa eta zentro teknologikoekin lankidetzan. Landu dituen proiektuen artean, sute kasuan trenak kolapsatzeko probak, sukalde industrialetan eta autozerbitzuko gasolindegietan sua itzaltzeko sistemak garatzea eta suhiltzaileen jantzietan hobekuntzak egitea daude.
