UNE Espainiako Normalizazio Elkarteak honako arau hau argitaratu du: UNE-ISO/PAS 45005 Zehaztapena: Laneko segurtasunaren eta osasunaren kudeaketa. COVID-19aren pandemian lan segururako jarraibide orokorrak.
UNE-ISO/PAS 45005 arauak orientazioa ematen die erakundeei COVID-19aren arriskuak kudeatzeko moduari dagokionez, lantokiko osasuna, segurtasuna eta ongizatea babesteko (telelana edo ingurune mugikorrak barne). Gainerako zuzentarau eta erregulazio nazionalen osagarri izan nahi du.
Dokumentua tamaina eta sektore guztietako erakundeei zuzenduta dago, pandemian lanean ari direnei barne: guztiz edo partzialki itxi ondoren, operazioei berriro ekingo dietenei, edo berriz ere hasteko asmoa dutenei; guztiz edo partzialki itxi diren lantokiak berriz hartuko dituztenei, edo berriak izango direnei, eta lehen aldiz lan egitea aurreikusi dutenei. Gainera, era guztietako langileen eta beste alderdi interesdun garrantzitsu batzuen babesari buruzko orientazioa ematen du.
Gidalerro honek erantzun-plan bat egiten lagunduko du, eta bide emango du egokitzapen azkarrak egiteko, arrisku-mailak edo operazio-murrizketak epe laburrean aldatzen badira.
Hala ere, ez du aholkurik ematen ingurune klinikoetan, sanitarioetan eta bestelakoetan infekzioak kontrolatzeko protokolo zehatzak ezartzearen inguruan
