2019ko urtarrilaren 1etik aurrera aplikatuko den 28/2018 Errege Lege-dekretuak berritasun bat dakar, langile autonomoak bajan emandako 61. egunetik aurrera mutualitateek kontingentzia guztiengatik Gizarte Segurantzari kotizatu beharreko kopuruari dagokionez.
Auzi hori dela-eta kontsulta ugari jaso dira, berritasun horrek afiliazio-, kotizazio- eta bilketa-arloan dakartzan berritasunez jakiteko. Gizarte Segurantzaren Diruzaintza Nagusiak (GSDN) aztertu egin ditu, eta jarraian agertzen dira zehatz-mehatz azalduta.
60 egunetik gora ABE egoeran (aldi baterako ezintasunean) ematen duten autonomoen kuotak mutualitateari eransteko prozedura honakoa izango da:
GSDNk mutualitateak kotizatu beharreko aldiak identifikatuko ditu, eta Kontu-hartzailetzak mutualitateari erantsiko dio kopuru hori.
Hortaz, autonomoari ez zaio Gizarte Segurantzan baja eman behar, eta ez da inolako eskaerarik egin behar. Diruzaintzak eta mutualitateak istripuaren edo gaixotasun arruntaren ondoriozko 61. egunetik gorako baja-aldiak identifikatuko dituzte, eta Diruzaintzak guri –mutualitateei– kargatuko dizkigu aldi horri dagozkion kotizazioak.
Autonomoen bi kasu hauetan joango litzateke kotizazioa mutualitateen kontura:
1- 2018an, jarduera eteteagatiko babesa estalita zutenek, baldin eta abenduaren 28ko 28/2018 Errege Lege-dekretua indarrean sartu zen egunean aldi baterako ezintasun egoeran bazeuden, 60 egun igaro badira egoera horretan sartu zirenetik, urtarrilaren 1etik aurrera, kuoten ordainketak jaso ahal izango dituzte, kontingentzia guztiengatik. Horiek Gizarte Segurantzarekin kolaboratzen duen mutualitateak, erakunde kudeatzaileak edo, hala badagokio, Estatuko enpleguaren zerbitzu publikoak abonatuko ditu, jarduera eteteagatiko kuoten kargura.
2. 2018an, jarduera eteteagatiko babesa estali gabe zutenek, baldin eta abenduaren 28ko 28/2018 Errege Lege-dekretua indarrean sartu zen egunean aldi baterako ezintasun egoeran bazeuden, 60 egun igaro beharko dituzte egoera horretan, 2019ko urtarrilaren 1etik aurrera, kuoten ordainketak jaso ahal izateko, kontingentzia guztiengatik. Horiek Gizarte Segurantzarekin kolaboratzen duen mutualitateak, erakunde kudeatzaileak edo, hala badagokio, Estatuko enpleguaren zerbitzu publikoak abonatuko ditu, jarduera eteteagatiko kuoten kargura.
GSDNk kasu horiek hauteman beharko ditu, dagokiona kendu beharko die autonomoei hileko kotizaziotik, eta aldea mutualitateari kargatu beharko dio.
Autonomoaren kotizazioa tarifa laukoa bada edo hobari-motaren bat badu, eta mutualitateak onura hori hartzen duen autonomo batengatik kotizatu behar badu, mutualitateak ez du onurarik jasoko egoera hori dela-eta, eta kotizazio-oinarriaren kotizatu beharko du.
