Itzuli

ABSENTZIA GUTXIAGO MUTUALIA ON!-EKIN 

Muskulu eta hezurretako nahasmenduak dira laneko absentzien lehen kausa, hala nola bizkarreko minak edo goiko gorputz-adarretako minak.  

Ebidentzia zientifikoak argi erakutsi du horrelako min eta gaitzak izateko arriskua gutxiagotzen duela egunero jarduera fisikoa neurrian egiteak. Kirolariak muskuluak berotu eta luzamenduak egiten ditu ahalegin fisiko bat egin aurretik; lan aktiboa duten pertsonek ere horixe egin behar dute. Hori horrela izan arren, enpresa askok ez dute lan-arloan espazio egokirik, langileei eguneroko zereginetarako prestatzeko aukera emateko edota, ildo beretik, lanaldian metatutako karga fisikoa kudeatzeko. 

Horregatik, MUTUALIAn asmo sendo bat hartu genuen: gure enpresa elkartuei horrelako egoeretarako irtenbide bat eskaintzea, langileek beren lanpostuan jarduera fisikoa neurrian egiteko aukera izan zezaten programa bat diseinatuz; muskulu eta hezurretako nahasmenduak murriztea eta, bide batez, osasun-egoera orokorra hobetzea zuen horrek helburu. 

Horrela, duela 5 urte, MUTUALIA ON! sortu zen, eta, orduz geroztik, hainbat jarduera-sektoretako enpresa ugarirekin lan egin dugu, eta, horri esker, nabarmen murriztu dira enpresa horietako langileen artean muskulu eta hezurretako nahasmenduen ondoriozko absentziak. 

Programa honen bidez, langileek eguneroko zereginetarako prestatzeko ohitura hartzea lortu dugu, eta muskuluak berotu eta luzatzeko ariketen errutina bat abian jartzea; horrela, gorputzaren tenperatura, odol-fluxua eta muskuluen elastikotasuna eta malgutasuna handitzea lortzen dute, lan-jardueraren bidez metatutako karga fisikoa kudeatzen dute, eta lesionatzeko arriskua murrizten da. 

Programa hau berrikusi eta dinamizatzeko zereginak amaitu ondoren, galdera-sorta bat egiten da programa gauzatzeko bidea eman diguten langile horien artean, eta horien gogobetetasun maila eta beren osasun-egoeran antzeman duten hobekuntza balioesten dira.  

Haiek egindako ekarpenetan jasotakoaren arabera, hauek dira adierazle nagusiak: 

  • % 91,4k egin du proposatutako errutina. 
  • % 86,2k uste du proposatutako errutina egokia dela bere lan-jarduerarako. 
  • % 89,9k proposatutako errutina bere zereginekin bateratu ahal izan du, lanpostuan eta laneko arroparekin egiten denez. 
  • % 53,2k bere muskulu eta hezurretako ondoezak murriztu direla sumatu du. 

Programan parte hartu nahi baduzu edo programari buruzko informazio gehiago izan nahi baduzu, jarri harremanetan gurekin: prebentzioa@mutualia.eus 


LAGUNTZA-MATERIALA

Gihar deskargako tailerraren horma-irudia

Gihar deskargako Z-card tailerra

Lotutako berriak

Mutualiaren titulartasuneko webgune honek soilik helburu teknikoa duten norberaren cookieak erabiltzen ditu, eta ez du erabiltzaileen izaera pertsonaleko daturik jasotzen ez lagatzen, horien baimenik izan ezean.

Nolanahi ere, hirugarrenen webguneetarako estekak daude, eta horiek ez dute zerikusirik mutualitate honen pribatutasun-politikekin; webgune horietara sartzean erabaki ahal izango duzu horiek onartu edo ez.

ONARTU

Gure COOKIEEN POLITIKA kontsultatu dezakezu, hemen klik eginez