EMW 2022
Itzuli

BIDE-HEZKUNTZA; BIZI-HEZKUNTZA

Agerikoa da gurasoak kezkatuta daudela seme-alaben ongizate eta osasunagatik, eta saiatzen direla baliorik onenak transmititzen. Alde horretatik, oso garrantzitsua da haien bide-hezkuntzan eragitea, modu onuragarrian eta txikitatik.

Bide-hezkuntza beharrezkoa da, nola etorkizunerako, hala orainerako, adingabeak baitira trafiko-istripuengatiko arrisku-talde nagusietako bat.

Denok dakigunez, txikitan, ez daude garatuta gaitasun psikofisiko eta arrazoibidezko jakin batzuk, ez eta pertzepzio sentsitiboak eta psikomotrizitateak ere; horregatik, pertsona helduek lagundu behar dituzte beti.

Familia da haiek gidatzen eta jarraibide eta adibide zuzenak ematen lehena, eta, beraz, haien bide-ikaskuntzaren lehen arduraduna. Ez dugu ahaztu behar adin horretan ikaskuntza bikarioa dela, eta, beraz, instruktorea baino gehiago, jarraitu beharreko eredua dela.

Eredu bihurtzean, eredua eman behar da, arauak urratu beharrean. Esaterako, segurtasun-uhala erabili eta jarri behar diegu beti, bizikletaz ibiltzean kaskoa eta horretarako dauden erreiak erabili behar ditugu, araudiaren berri eman behar diegu haientzat egokia den moduan, eta garraio publikoan bidaiatzen dugunean errespetua erakutsi behar diegu.

Bestalde, badakigu adin horietan oso egokia dela jolas edo erronka txikiak egitea. Emaitza eraginkorragoak lortzeko, komeni da haientzat dibertigarria den modu batean egitea.

Nabarmendu behar da, bide-hezkuntza eraginkorragoa eta osoagoa izan dadin, komeni dela gurasoek irakatsitako portaera- eta balio-eredu horiek indartzea familiatik haratago duten ingurunean, hau da, ikastetxeetan.

Ildo horretan, Eusko Jaurlaritzak, bide-segurtasunean duen garrantziaren eta ondorioen jakitun, “Hezkuntzatik prebenitzea” programan, hezkuntza-eragile guztien eta, bereziki, ikastetxeen eskura jartzen ditu haurrentzako eta nerabeentzako hainbat ekintza eta baliabide.

Programa honek ertzainak eta udaltzainak prestatzen ditu, adin desberdinei egokitutako bide-segurtasunari buruzko nozioak emateko ikastetxeetan. Gainera, programa eta gida didaktiko batzuk jartzen ditu interesa duten erakunde, zentro eta pertsonen eskura. Hori guztia web orrian dago ikusgai (www.trafikoa.eus).

Ondorio gisa, bide-heziketa jasotzen duten adingabeek aukera gutxiago dute istripuren bat izateko, heldu arduratsuagoak izango dira, eta arauak ezagutuko dituzte; beraz, gidari hobeak, oinezko hobeak, txirrindulari hobeak eta bidaiari hobeak izango dira.

Semana europea22

https://mobilityweek.eu/campaign-resources/ 

Lotutako berriak

Mutualiaren titulartasuneko webgune honek soilik helburu teknikoa duten norberaren cookieak erabiltzen ditu, eta ez du erabiltzaileen izaera pertsonaleko daturik jasotzen ez lagatzen, horien baimenik izan ezean.

Nolanahi ere, hirugarrenen webguneetarako estekak daude, eta horiek ez dute zerikusirik mutualitate honen pribatutasun-politikekin; webgune horietara sartzean erabaki ahal izango duzu horiek onartu edo ez.

ONARTU

Gure COOKIEEN POLITIKA kontsultatu dezakezu, hemen klik eginez