bicicletas
Itzuli

BIZIKLETAK ETA UDA

Bi hitz horiek elkartzean, burura datorkigun lehen gauza Fernando Fernán Gómezen Bizikletak udarako dira lan ospetsua da, nahiz eta, osasun-ohitura berriei eta mugikortasun berriari esker, esan daiteke dagoeneko ez direla udarako bakarrik, urte osorako baizik.

Gero eta jende gehiagok erabiltzen du bi gurpilekoa batetik bestera joateko, eta honenbestez, kirola izateaz gain, garraiobide ere bilakatu da, merezimendu osoz.

Denbora luzea igaro da Karl von Drier baroiak lehen bizikleta asmatu zuenetik, 1818an. “Arin ibiltzeko makina” goitizenez bataiatu zuten, eta, artean, klase sozial dirudunentzako denbora-pasa besterik ez zen. Haatik, zurezko “jostailu” hark gutxika-gutxika eboluzionatu zuen, harik eta gaur egun ezagutzen duguna bihurtu arte: garraiobide garbia, osasunerako hamaika onura dituena, eta patinete elektrikoarekin batera mugikortasun berriaren gakoetako bat bilakatu dena, sortu zenetik bi mende igaro diren honetan.

Horregatik, bizikleta gehien erabiltzen den hilabete hauetan, komeni da haiek erabiliz gero oso baliagarriak izango zaizkigun zenbait aholku gogoratzea.

Bizikleta batekin zirkulatzen duenak, ibilgailu baten gidaria den aldetik, zirkulazio-arau orokorrak eta espezifikoak errespetatu behar ditu. Aipa ditzagun garrantzitsuenak:

  • Segurtasunagatik, bidegorrietatik zirkulatzea gomendatzen da beti, erabiltzeko moduan badaude. Hiri-barruan bidearen eskuinaldetik ahalik eta gertuen zirkulatuko dute, aparkatutako ibilgailuekin segurtasunezko tartea utzita, eta gehienez ere biko zutabeak osatuz. Errepidean eskuineko bazterbidea erabili behar dute, existitzen baldin bada, eta jaitsiera luzeetan bakarrik atera ahal izango dira bertatik, egoera segurua izanez gero. Paraleloki edo biko ilaretan zirkulatu ahal izango dute, errepidearen eskuineko ertzera hurbilduta. Ikuspen gutxiko tarteetan eta pilaketak daudenean, aldiz, ilaran jarri beharko dute.
  • Kaskoa, betiere ondo lotua, pertsona guztientzat derrigorrezkoa da errepidean, 3 salbuespen hauetan izan ezik: igoera luzeak, muturreko beroa eta/edo arrazoi medikoak. Herri edo hirien barruan derrigorrezkoa da 16 urtetik beherakoentzat, eta oso gomendagarria denentzat.
  • Gauez, ikuspen gutxiko egoeretan eta behe-pasabide edo tuneletan zirkulatzen duten guztietan, aurreko zein atzeko argiak piztuta eramango dira, ikusteko eta ikusgai izateko. Egoera horietan guztietan, gainera, derrigorrezkoa da 150 metrotik ikusteko moduko jantzi islatzailea ere eramatea.

Horiek dira DGTk emandako aholkuak, mugikortasun-molde berrietan hain garrantzitsua den garraiobide hori era seguru eta arduratsuan erabiltzeko.

Lotutako berriak

Mutualiaren titulartasuneko webgune honek soilik helburu teknikoa duten norberaren cookieak erabiltzen ditu, eta ez du erabiltzaileen izaera pertsonaleko daturik jasotzen ez lagatzen, horien baimenik izan ezean.

Nolanahi ere, hirugarrenen webguneetarako estekak daude, eta horiek ez dute zerikusirik mutualitate honen pribatutasun-politikekin; webgune horietara sartzean erabaki ahal izango duzu horiek onartu edo ez.

ONARTU

Gure COOKIEEN POLITIKA kontsultatu dezakezu, hemen klik eginez