Langabeziagatiko babesa amaitu zaien pertsonen lanbide-prestakuntza eguneratzeko programa (Prepara plana) ohiz kanpo eta denbora mugaturako berriz aktibatzea onesteko Errege Lege Dekretua 2018ko apirilaren 30era arte luzatu da, eta sei hilabetean behin programa automatikoki luzatuko da, garai horretako azken Biztanleria Aktiboaren Inkestaren (BAI) arabera langabezia-tasa ehuneko 18 baino handiagoa bada.

Indarraldia amaitu ondoren, beharrezkoa zen beste programa bat onartzea, etorkizunari begira langabeen babes-maila mantentzeko. Baina, era berean, beharrezkoa zen abuztuaren 16aren eta araua onesteko egunaren artean langabeziagatiko babesa amaitu zitzaien pertsonak ere bertan sartzea. Horrela, aurreko programei dagokienez, etenaldi bat egotea eta langabeak babesik gabe uztea saihestu da. Horrek justifikatzen du araua premiaz onetsi izana.