informe consumo
Itzuli

Kontsumo Ministerioak “Espainiako biztanleentzako gomendio dietetiko jasangarriei eta jarduera fisikoari buruzko gomendioen txostena” aurkeztu du. 

Elikadura Segurtasunaren eta Nutrizioaren Espainiako Agentziaren (AESAN) Batzorde Zientifikoak bizimodu osasungarri eta jasangarrirako gomendioak jasotzen dituen txostena egin du; dieta osasungarria sustatzeko jarraibideak eguneratu ditu bertan, bai eta ingurumenaren gaineko eragina aztertu eta bizitza aktiborako aholkuak eman ere. 

Txostena egiteko, OMEk osasunari eta ingurumenaren jasangarritasunari buruz ezarritako jarraibideak bete dira, eta, orobat, kontuan hartu dira bai Elikagaien Segurtasunerako Europako Agintaritzaren (EFSA) iradokizunak bai ebidentzia zientifiko berrienak. 

AESANen ustez, dieta askotarikoak eta orekatuak, pertsonen osasuna eta ongizatea hobetzeaz gain, ingurumenaren gaineko inpaktua txikiagoa izatea eragiten du. Horretarako, elikagai begetal gehiago eta animalia jatorriko elikagai gutxiago kontsumitzea proposatzen du, eta, elikagai horien nutrizio edukiaz gain, elikagai horiek jatea eta sukaldaritza prozesua ere hartzen ditu kontuan. 

Proposamena, zehazki, honako jarraibide hauetan oinarritzen da: egunero 3 barazki anoa eta 2-3 fruta anoa kontsumitzea, otordu nagusietan oliba-olioa kontsumitzea egunero, bai janaria prestatzeko bai ontzeko, egunero 3-6 zereal anoa hartzea, ahal dela integralak eta ale osokoak, 2-4 anoatik 0-3 anoara murriztea egunero esnearen kontsumoa, ur asko edatea eta patatak neurrian kontsumitzea. 

Lekaleen asteko kontsumoa 2 anoatik 4 anoara handitzen joatea, pixkana, egunero kontsumitzera iritsi arte, landare proteinen iturri nagusia delako eta ingurumen inpaktu txikiagoa duelako. Haragiaren kontsumoa astean 2-4 anoakoa izatetik 0-3 izatera murriztea, eta kontsumitzen den haragi hori ahal dela hegaztien eta untxien haragia izatea. Arrainak eta itsaskiak, astean 3 anoa (arrain urdina, gehienbat). Astean 4 arrautza bitarte kontsumitzea. Fruitu lehor naturalen kontsumoa ere pixkanaka handitzea, eta egunero jatera iristea. Gatza eta gantz eta azukre askoko elikagai ultraprozesatuak murriztea. 

Era berean, Nazio Batuen Garapen Jasangarrirako Helburuekin bat datozen jarduera fisikoko jarraibideak eguneratu ditu. Gomendioak adin tarteen arabera ezartzen dira, helburu nagusia izanik jarduera fisikoa hainbat arlotan sustatzea bizimodu osasungarria edukitzeko, hala nola lanean, eskoletan, kirol jardueretan, joan-etorrietan, eguneroko zereginetan eta etxeko lanetan. 

Biztanle helduak. Gomendioa da astean 150 eta 300 minutu bitarteko jarduera aerobiko moderatua egitea, hala nola azkar ibiltzea, bizikletan ibiltzea, dantza egitea edo 75 eta 150 minutu bitarteko jarduera bizia egitea, esaterako, eskailerak azkar igotzea, korrika egitea, igeri egitea, etab. 

Haurrak eta nerabeak. Gomendagarria da egunero gutxienez 60 minutuz jarduera fisiko aerobiko moderatua egitea, eta astean hiru egunez gutxienez jarduera fisiko bizia (kirola egitea) eta gutxienez hiru astez hezurdura hazteko jarduerak egitea (inpaktuak edo jauziak beharrezkoak diren jarduerak, norberaren gorputzaren pisua kargatzea behar dutenak…). 

Lotutako berriak

Mutualiaren titulartasuneko webgune honek soilik helburu teknikoa duten norberaren cookieak erabiltzen ditu, eta ez du erabiltzaileen izaera pertsonaleko daturik jasotzen ez lagatzen, horien baimenik izan ezean.

Nolanahi ere, hirugarrenen webguneetarako estekak daude, eta horiek ez dute zerikusirik mutualitate honen pribatutasun-politikekin; webgune horietara sartzean erabaki ahal izango duzu horiek onartu edo ez.

ONARTU

Gure COOKIEEN POLITIKA kontsultatu dezakezu, hemen klik eginez