Gizarte Segurantzaren Diruzaintza Orokorrak RED sistemak eskaintzen dituen funtzionaltasunak areagotu ditu; hots, on line transakzio berri bat diseinatu du Langile Autonomoen Araubide Berezian (aurrerantzean LAAB) kotizazio-oinarria aldatzea eskatu ahal izateko, Gizarte Segurantzaren administrazioetara joan beharrik izan gabe. Funtzionaltasun berri hori langileok sar daitezkeen RED zerbitzuen barruan jasoko da, Gizarte Segurantzaren webgunean. Funtzionaltasun berrira sartu ahal izateko, RED sistemak behar bezala baimenduta egoteaz gain, baimendunak LAABen kotizazio-oinarria aldatu nahi zaion langilearen afiliazio-zenbakia esleituta izan beharko du. Hemendik sartu beharko da zerbitzu berrira: «RED zerbitzuak / Benetako Online Inskripzioa eta Afiliazioa / Langile Autonomoen Araubide Berezia». Honako izapide hauek egin ahal izango dira:
– Kotizazio-oinarria aldatzea eskatzea.
– Kotizazio-oinarria automatikoki errebalorizatzea eskatzea.
– Kotizazio-oinarria aldatzeko eskaera deuseztatzea.
– Kotizazio-basea automatikoki errebalorizatzea deuseztatzea.
Gainera, eskuliburu bat egongo da erabiltzaile guztien esku, labur eta erraz azalduta zer pauso eman behar dituzten RED sistemako erabiltzaileek LAABen transakzio berri hau erabiltzeko.
