Uda ondoren, irailean mintegi teknikoak eta beste ekitaldi batzuk antolatzen jarraituko dugu. Jarraian, aurreikusita ditugun ekitaldiak aurreratuko dizkizugu.
«LAN-ABSENTISMOAREN KUDEAKETA: IKUSPEGI TRADIZIONALETIK HARAGO» mintegia
Absenteen jarraipena eta kontrola egiteko ohiko ikuspegia ez dela nahikoa egiaztatu da denboran zehar; hori dela eta, guztiz beharrezkoa da absentismoaren fenomenoaren ikuspegia zabaltzea eta ikuspegi berriak aurkitzen saiatzea, absentismo-adierazleak kudeatu eta onartzeko moduko kopuruetara berriro eraman ahal izateko. Jardunaldi honek Bilbon eta Donostian izandako arrakastaren ondoren, iraileko 28an Gasteizen errepikatuko dugu.
«LANEKO ARRISKUEN PREBENTZIOA INTEGRATZEA, ERDI-MAILAKO BURUAK ETA PREBENTZIOKO TEKNIKARIAK LIDERGOAN TREBATUZ» mintegia.
Jardunaldi honen bidez, erdi-mailako arduradunei, zuzendariei eta prebentzioko teknikariei Laneko Arriskuen Prebentzioa integratzeko legezko betebeharrean haien inplikazioaren eta lidergoaren beharraren berri eman nahi diegu, eta egunerokoan lidergo hori garatu ahal izateko beharrezko esperientziak eta tresnak eman. Urriaren hasierarako (3rarko seguraski) , Bilbon, programatutako jardunaldia.
Eskuliburu berri baten aurkezpena, urriaren bukaeran, Bilbon; eskuliburu berri baten aurkezpena egingo dugu: «Prebentzioa eta lehen laguntzak ostalaritzan».
«GAITASUN PROFESIONALAK ENTRENATZEA ESTRESA SAIHESTEKO ETA GATAZKAK KONPONTZEKO» mintegia.
Maila profesionalean, buruko nekea, egitekoaren konplexutasuna, horrek sortzen dituen itxaropenak, oreka, norberaren ezaugarriak eta abar direla eta, gure lana behar bezala eta eraginkortasunez egiteko baliabide pertsonalik gabe geratzen gara batzuetan. Horrek, kasu batzuetan, antsietatea, autoestimu baxua, mentalki gainezka egitea eta abar eragin ditzake. Mintegi honetan emozioen autokontrolerako teknikak, gaitasun sozialen garapena, denbora kudeatzeko teknikak… emango dira ezagutzera. Honako deialdi hauek egitea aurreikusi da: Iraileko 21ean, Donostian; urriko 24ean, Gasteizen eta azaroko 28an, Bilbon
«BEREZIKI SENTIBERAK DIREN LANGILEEN GAINEKO KUDEAKETA PREBENTIBOA» mintegia
Donostian, azaroan egingo den jardunaldiaren helburua «langile bereziki sentiberen» kontzeptua mugatzea da, haiei buruzko araudi juridikoa ezagutzeko eta langile horien babesa bermatzen duen kudeaketa prebentiboaren gakoak lantzeko. Esparru bakoitzeko jendea egongo da, eta haien esperientziaren berri emango digute.
Programen inguruko informazioa eta noiz eta non emango diren unean-unean jakinaraziko da, haiek egin baino aste batzuk lehenago. Gure eskaintza zuen interesekoa izango delakoan, zuen zain geratzen gara.
