Mintegi teknikoa: berri txarrak nola komunikatu

2019/03/28

Datozen apirilaren 9an eta 10ean berri txarrak komunikatzeko mintegi teknikoa antolatu du Mutualiak. Hilaren 9an Gasteizen (Erabakimen Handiko Ospitalea) izango da eta 10ean Donostian (Pakea Klinika), 9:30etik 13:30era.

Berri txarrak jakinarazten direnean hartzen dituen pertsonaren ikuspuntua nabarmen eta negatiboki aldarazten dutenak dira.

Ez da erraza berri txarrak ematea. Nola eta noiz egin jakin behar da.

Arazo hori ezagututa, Mutualiak helburu argiekin antolatu du mintegi hau:

• Komunikatzeko giro egokia sortzearen garrantzia ezagutzea.
• Berri txarren sailkapena ezagutzea, baita horiek komunikatzeko mugak eta baldintzak ere.
• Gure komunikazio-estiloa eta gainerako pertsonena ezagutzea.
• Funtsezko teknikak bereiztea eta aplikatzen jakitea: enpatia, normalizazioa, legitimazioa, zalantzaren erabilera, ukazioari aurre egitea, etab.
• Berri txarrek eragiten dituzten erreakzioak ezagutzea.
• Hitzik gabeko komunikazioaren inpaktuaz hitz egitea.
• Emozioak kudeatzen ikastea, norberarenak eta besteenak.

Josune Fernández Gómez psikologo eta Psikologiako doktorearen eskutik, hainbat gauza ikasiko ditugu: berri txar motak, eragiten dituzten erreakzio ohikoenak, informazioa ematearen ala ez ematearen eztabaida, noiz eman, familia eta pazientearen egoera funtsezkoak direla bitartekaritza eta dialogorako, aurkitzen diren egoera bereziak, eta abar.

Jardunaldia osatzeko, Juan Ramón Barrenak eta Xabier Manzanok, Gipuzkoa eta Arabako Gurutze Gorriko Erantzun Azkarreko Larrialdi taldeko kideek, beren esperientzia helaraziko digute.