Mutualia, Gizarte Segurantzarekin Lankidetza duen 2 zk.ko mutuak Ohiko Batzar Orokorra egin du, eta 2020ko ekitaldiko balantze ekonomikoa eta jarduera onartu ditu. Guztira 497,5 milioiko diru-sarrerak izan dira, eta 374,1 milioi bideratu dira prestazioak ordaintzera; horietatik 150,3 milioi pandemiaren ondoriozko beharrizan-egoeretan sortu dira.

2020ko ekitaldian, nabarmentzekoa izan da pandemiaren ondorioz, prestazioak asko handitu direla, bai bajen hazkundearekin zuzenean lotuta daudenak, bai langile autonomoentzat onartutako aparteko prestazioak. Horren ondorioz, 2 milioi euroko emaitza negatiboa izan da. Mutualitateen finantziazio defizitak sektorearen bideragarritasuna arriskuan jartzen du, baina Mutualiako presidente Urtsa Erraztik mutuaren osasun ona azpimarratu du, eta datozen urteetan 40 milioi euro baino gehiago inbertituko ditu, bere Ondare Historikoaren kargura, bi ospitale eraikitzeko, bata Bilbon eta bestea Donostian. Bestalde, Ignacio Lekunberri Mutualiako zuzendari kudeatzaileak mutualitateen jasangarritasunerako gizarteari balioa emateak duen garrantzia azpimarratu du, eta adierazi du “Mutualiak 630 milioi euro baino gehiago” eman dituela kontabilitate sozialeko eredu baten arabera.

Mutualiako Erabakimen Handiko Ospitaleko ekitaldi-aretoan egin den Batzar Orokorraren ondoren, “Mutualiarekin Elkarrizketak”-en bigarren edizioa egin da. Oraingoan, Denis Itxaso González Espainiako Gobernuak Euskal Autonomia Erkidegoan duen ordezkaria izan da bertan. Mutualiako presidenteak eta presidenteordeek egindako elkarrizketan, Nerea Garmendia eta Marta Barredo, Denis Itxaso Espainiako Gobernuaren ordezkariak gogorarazi duenez, Europako funtsak eskuratzeko “urrezko araua” aldibereko lehiakortasuna da. “Ez da garaia eta ez dago arrazoirik Europar Batasuneko estatuek hitzartutako funts komunitarioen kudeaketan mesfidantza sortzeko. NextGenerationEU programaren tramitazioan dagoen kogobernantzari esker, diru-laguntzen % 50 inguru erkidegoetako gobernuek kudeatuko dituzte. Europar Batasunak berak adostu du estatu kideekin nola banatu behar den dirua, deialdi publiko eta gardenen bidez. Ez dago mesfidantzarako arrazoirik, eta, hain zuzen ere, euskal enpresa-sarea da hobekien ulertzen duena Espainiako Gobernuak plana diseinatzeko erabili duen ikuspegi integrala “.

Beste urte batez, Batzar Nagusiak bere diseinuan eta antolaketan, ingurumen-neurriak txertatzen ditu, Erronka Garbia metodologiari jarraituz. Prozedura horrek aukera ematen du ekitaldiak egiteak ingurumenean eragiten dituen eragin negatiboak murrizteko.