Sartzen den euro bakoitzeko, Mutualiak 1,29 euro itzultzen dizkio gizarteari.
Mutualiak beste maximo bat lortu du 2025ean balio sozialaren sorkuntzan, 663,4 milioi eurora iritsi baita, hau da, % 6,8ko hazkundea izan du aurreko ekitaldiarekin alderatuta.
Emaitza horrek gure jarduerak pertsonengan, enpresa mutualistengan, administrazio publikoetan eta gizarte osoan duen eragin positiboa islatzen du. Balio soziala monetizatzeko gure ereduaren bidez, Balio Sozialaren Monetizazioan parte hartzen dugun taldeak, sortutako balio ekonomikoa ebaluatzeaz gain, asistentziaren kalitatearen, arretaren azkartasunaren, gertutasunaren, prebentzioaren, prestakuntzaren eta gure interes-taldeei laguntzearen bidez ematen ditugun onurak ere ebaluatzen ditugu.
BSEI adierazlea (Balio Sozial Erantsi Integratua) 1,29ra iritsi da berriro ere; horrek esan nahi du, sartutako euro bakoitzeko, Mutualiak 1,29 euro itzultzen dizkiola gizarteari.
2025eko inpaktu garrantzitsuenen artean hauek nabarmentzen dira:
- 102,1 milioi euro aurreztu dira, proba diagnostikoak, kirurgia eta arreta traumatologikoa azkar eskuratzeari esker.
- 48,0 milioi euro, baliabide propioen bidez emandako asistentziagatik.
- 552 milioi euro baino gehiagoko balioa sortu da paziente eta hartzaileentzat.
- 228 milioi euro baino gehiagoko eragin positiboa Administrazio Publikoentzat.
Azken urteotako bilakaerak berretsi egiten du hazkunde-joera iraunkorra: 2022an 580,8 milioi eurokoa zen, eta 2025ean 663,4 milioikoa; hala, balio partekatua sortzearekin eta gizarte-ongizatea hobetzearekin konprometitutako erakunde gisa sendotu da Mutualia.
Emaitza hori posible da Mutualia osatzen dugun pertsona guztion eguneroko konpromisoari eta partekatzen dugun asmoari esker: pertsonak zaintzea, balioa sortzea eta gizarteari eragin positiboa itzultzea.
