Prevencionar Biltzarraren bigarren edizioa ospatzen ari da Madrilen. Biltzarraren xedea da herritarrak kontzientziatzea erakundeetan laneko arriskuak prebenitzeak duen garrantziaren inguruan.

“Teoriatik praktikara” izenburupean, segurtasunaren, osasunaren eta ongizatearen esparruko adituen, enpresen, elkarteen eta erakundeen jardunbide onak eredu bihurtu eta hedatu nahi dira Biltzarraren II. edizioan, lan azpimarragarria egiten baitute. Halaber, Prevencionar Sarien II. edizioan irabazle eta finalista izan diren proiektuak zeintzuk diren jakinaraziko da.

Mutualia topaketa horretan parte hartzen ari da, eta zenbait jarduera ari da egiten:

-Hilaren 4an, Mari Mar Crespok, Mutualiaren Prebentzio Aholkularitzaren arduradunak, “LAP mutualitateetan (orainaldia, iragana eta etorkizuna)” izeneko mahai-inguruan hartuko du parte.

-Hiru poster aurkeztu dira:

“Joan-etorriek eragindako laneko lesioak murrizteko tresnak”

“MutualiaOn – muskulu-deskargarako tailerra”

“Laneko absentziak prebenitu eta kudeatzeko laguntza-plana”

Gainera, Prevencionar Biltzarraren bideo-lehiaketan hautatutako 17etako bat izan da Mutualia, Bide Segurtasuneko Kontzientziazioaren Asteari buruzko lan batekin. 3 bideo irabazleak zein diren jakinaraziko da Biltzarrari amaiera emateko zeremonian.

-Halaber, Mutualiak Prebentziozko begiradak argazki-erakusketa aurkeztu du. Erakusketa horrek laneko arriskuen prebentzioak duen garrantzia islatuko du, bai eta ikuspegi oso ezberdina eta iradokitzailea eman ere. Azalpen-testu bat dago argazki bakoitzean, eta testu horren xedea gai horren inguruko gogoeta eragitea da.