MUTUALIA deitu zuen pasa den asteartean (martxoak 7) Rosa Urtubi PWN Bilboko presidenteak (Professional Women’s Network Bilbo), Bilboko Yimby gunean egitekoa zen Emakume inspiratzaileak zikloko hitzaldira. Bertan, Rosa María Calaf TVEren korrespontsal izandakoak parte hartu behar zuen. Kazetariak hiru hamarkadako esperientzia profesionala pilatu du, baita makina bat sari ere: nabarmentzekoak, Women Together saria, berdintasunaren aldeko ibilbide profesionala dela-eta; Ondas saria, 2001eko lan profesional onenarengatik; eta Prentsaren Nazioarteko Klubaren saria, 2006an atzerrian egindako lan onenarengatik.

Ezin izan zen bertaratu Cristina Mendía, Galiziako Xuntak gonbidatuta, LIDER-A «Lidergoa femeninoan» kongresuan hizlari ari zelako. Alabaina, Mutualiaren izenean Mónica Carballo Berdintasunerako Batzordeko kidea bertaratu zen.

Ibilbide profesionalean lidergoa lortzeko borrokaren ikono ezaguna den emakumea entzun ahal izan genuen ekitaldian, eta gazteek talentua eskuratzeko eta profesional seniorrek helburuak betetzeko beharrezkoak diren gakoak eskaini zituen

Jardunaldiaren formatua bereziki nabarmendu behar da; izan ere, hizlaria kazetari batekin solasean jarri zuten zen, eta horrek atera zizkion aitorpen aberasgarrienak Rosa María Calafi, elkarrizketa-formatu ohikoan. Elkarrizketa laster bihurtu zen solasaldi ordea, eta elkarrizketatua bezain protagonista bihurtu zen elkarrizketatzailea.

Baiki, ekitaldia inspiratzailea eta oso aberasgarria izan zen.