Miren Elgarresta Larrabide, Gipuzkoako Foru Aldundiko Emakumeen eta Gizonen Berdintasunerako Organokozuzendariak MUTUALIA gonbidatu zuen, mutua-arloko enpresa aitortua eta erreferentziazkoa den aldetik, 2017ko martxoaren 7an Gipuzkoako Foru Aldundiaren jauregian (Donostia) egin zen World Cafean parte hartzeko.
Organoaren ildo estrategikoen barnean egin zen ekimen hura, bizitza pertsonala eta familiako eta laneko bizitza bateragarri egiteari buruzko gogoetarako eta ezagutza eraikitzeko eremu bat zabaltzeko asmoz.
Euskadiko eta Gipuzkoako gizarte-ordezkaritza zabala bildu zen ekitaldian eta emaitzak Aldundia osatzen ari den Kontziliazio Erantzukiderako Foru-planean txertatuko dira.
Jardunaldiko gogoeta batzuk:
- Seme-alabak zaintzeko eszedentzien % 5 bakarrik eskatu dituzte gizonezkoek.
- Kopuru batzuk aldatzeko, zenbakiak baino zerbait gehiago aldatu behar da.
Bizitzako esparru guztietan ardura partekatua izateak emango digu aukera gure lurraldean egiazko berdintasuna lor dadin emakumeen eta gizonen artean, arlo pertsonalean eta familiako eta laneko bizitzan.
Mutualiaren izenean, Alfonso Lizarbe Kudeaketa-segimenduko Batzordeko kidea eta Ana Alargunsoro Mutualiako Berdintasunerako Batzordeko kidea izan ziren bertan.
