Sariak eta ekimenak

Prebentzioan oinarritutako kultura sustatzen dugu

Mutualia saria

Mutualiak MUTUALIA SARIAK antolatzen ditu bi urtean behin, CONFEBASK, ADEGI, CEBEK, SEA eta OSALANekin elkarlanean, Mutualiako kide diren enpresa eta langile autonomoak aintzatetsi, zabaldu eta sustatu nahi dira, enpresa eta langile horiek nabarmendu direlako laneko arriskuen prebentzioaren arloan ikerketa, garapen teknologikoko edo berrikuntza proiektu bat garatu dutelako, edo aniztasuna kudeatzearen arloan enpresetan egindako ahaleginak eta praktika egokiak direla eta. 

 

MUTUALIA SARIek bi kategoria dituzte: 

 

LANEKO ARRISKUEN PREBENTZIOAREN ARLOKO BERRIKUNTZAREN SARIA

Aurkeztutako proiektuek enpresetako eta haien inguruko pertsonen antolaketa, lan-baldintzak eta ongizatea hobetzen laguntzeko edozein esku-hartze prebentibo, produktu, sistema, tresna, irakaskuntza-material, soluzio teknologiko, kudeaketa-metodologia edo beste edozein jarduera berritzaile garatu dezakete 

ENPRESAKO ANIZTASUNAREN SARIA

Aurkezten diren proiektuek edozein esku-hartze garatu dezakete, prebentziokoa, prozedurazkoa, metodologikoa eta abar, lan-inguruneko aniztasunaren kudeaketa hobetzen laguntzeko. Proiektu horien xedea izango da lan baldintzak erakundea osatzen duten pertsonen ezaugarrietara egokitzea, jendea ez diskriminatzeko, besteak beste, genero, adin, arraza, hizkuntza edo aniztasun funtzionalagatik 

Ezagutu Mutualia Sarien 9. edizioa:

9 mutualia sariak txostena

Argazki lehiaketa

Mutualiak urtero antolatzen du Laneko Arriskuen Prebentzioari buruzko Argazki Lehiaketa. Sari banaketa apirilaren 28an egiten da, Laneko Segurtasunaren eta Osasunaren Nazioarteko Egunaren harira. Lehiaketaren asmoa da, zehazki, laneko arriskuen prebentzioak dituen balioak, zeinahi alderdiri erreparatuta, argazki bidez nabarmentzea. Eta hori guztia azken helburu bakarrarekin: laneko ezbehar kopuruaren aurkako kontzientzia sorraraztea, eta guztion artean, lan ingurune seguruagoak lortzea. Edonork parte har dezake lehiaketan, eta hauek dira sariak:

2022ko Irabazleak

 

garaiak aldatu dira zuretzat

Lehenengo saria

 Igor Otaegi, “Garaiak aldatu dira zuretzat”

motocultor

Bigarren saria

Manuel Ortiga, “Motocultor”

removiendo los restos

Hirugarren saria

Jaime Charles Bernis, “Removiendo los restos”

 

Zero bidean

Mutualiak saria ematen die laneko ezbehar kopurua murrizten laguntzen duten eta istripurik ez izateko azken helburua lortzeko lan egiten duten enpresei. Horretarako, bere enpresa elkartuen laneko istripu-tasak aztertzen ditu, eta enpresa onenak hautatzen ditu, sektorearen arabera, baldin eta 10 urteko epean ondorengo irizpideak betetzen badituzte:

  • Bere jardueraren urteko gorabehera indizea ez gainditzea, eta laneko ezbehar kopuruak beheranzko joera izatea.
  • Istripu larriak edo heriotza ekarri dutenak eduki ez izana.
  • Laneko gertakariek eragindako ezintasun iraunkorrik eduki ez izana.
  • Urtean, batez bestean, 30 langileko edo gehiagoko taldea edukitzea.
  • Prebentzioa kudeatzeko sistema egokia edukitzea.

2022ko Irabazleak

  • Talleres Escoriaza, SAU
  • ZIGOR CORPORACIÓN, S.A.
  • INGEMAT, S.L.
  • SALTO SYSTEMAS, S.L.

Mutualia Gaztea

Hiru hilean behin 11-13 urteko ikasleek Mutualiak Bilbon, Gasteizen eta Donostian dituen osasun zentroetara bisitak egiteko programa bat da. Helburu bikoitza dauka: gazteak laneko arriskuen prebentzio gaietan sentsibilizatzea eta lehen laguntzetako praktikak erakustea. Programa honetan parte hartzeko jar zaitez gurekin harremanetan.

Prebentziozko begiradak

Argazki erakusketa ibiltari bat da. Mutualiaren 2004ko lehenengo Argazki Lehiaketatik 2017. urtera arte aurkeztu dituzten lanen artean egindako hautapen batek osatzen du. 31 argazki daude, ikuspegi askotariko eta iradokitzaile batekin prebentzioaren garrantzia islatzen dutenak. Argazki bakoitzak bere azalpenezko testua dauka. Azken batean, gaiari buruz gogoeta egiteko gonbidapen bat da.

Webgune honek cookiak erabiltzen ditu informazioa biltzeko, gure zerbitzuak hobetzeko eta zure arakatze ohiturak aztertzeko.

Nabigatzen jarraitzen baduzu, beraren instalazioa onartzea dakar.

OK