-(e)an bidalia

Informazio juridikoa. 2017ko Otsailaren 13tik otsailaren 18ra bitartean

2017ko otsailaren 13tik 18ra buletinetan argitaratutako interes orokorreko xedapenak (BOE, EHAA, ALHAO, BAO, GAO eta EBEO)

 
 

I.- HITZARMEN KOLEKTIBO SEKTORIALAK:

 

Estatuko Aldizkari Ofiziala, 2017/02/14

  • ENPLEGU ETA GIZARTE SEGURANTZAKO MINISTERIOA. Lan hitzarmen kolektiboak.- Enplegu Zuzendaritza Nagusiaren erabakia, 2017ko otsailaren 2koa, zeinaren bidez erregistratzen eta argitaratzen baita Jabetza eta Merkataritza Erregistratzaileen eta Haien Langile Laguntzaileen II. Hitzarmen Kolektiboaren interpretazioari buruzko arbitraje laudoa. 1505. xedapena – 14 or. 

 

  • ENPLEGU ETA GIZARTE SEGURANTZAKO MINISTERIOA. Lan hitzarmen kolektiboak.- Enplegu Zuzendaritza Nagusiaren erabakia, 2017ko otsailaren 2koa, zeinaren bidez erregistratzen eta argitaratzen baita Erauzketa industria, beira industria, zeramika industria eta material horien merkataritza esklusibistarako industrien hitzarmen kolektiboko 2014, 2015 eta 2106ko soldaten berrikuspenak. 1508. xedapena – 2 or. 

 

  • ENPLEGU ETA GIZARTE SEGURANTZAKO MINISTERIOA. Lan hitzarmen kolektiboak.- Enplegu Zuzendaritza Nagusiaren erabakia, 2017ko otsailaren 2koa, zeinaren bidez erregistratzen eta argitaratzen baita Produktu kimiko industrialen eta lurringintzakoen handizkako saltzaileen eta inportatzaileen eta atxikien hitzarmen kolektiboko 2015, 2016 eta 2017ko soldaten berrikuspena. 1509. xedapena – 2 or. 

 

 

Estatuko Aldizkari Ofiziala, 2017/02/05  

 

  • ENPLEGU ETA GIZARTE SEGURANTZAKO MINISTERIOA. Lan hitzarmen kolektiboak.- Enplegu Zuzendaritza Nagusiaren erabakia, 2017ko otsailaren 2koa, zeinaren bidez erregistratzen eta argitaratzen baita Industria kimikoaren hitzarmen kolektiboko 2015, 2016 eta 2017ko soldaten berrikuspena. 1559. xedapena – 3 or. 

 

 

Gipuzkoako Aldizkari Ofiziala, 2017/02/17

  • EUSKO JAURLARITZA. LANA ETA JUSTIZIA.- Arte Grafiko eta Industria Laguntzaile, Paperaren eta Kartoiaren Manipulazio eta Argitaletxeen Gipuzkoako hitzarmen kolektiboko soldaten berrikuspena. 920. xedapena – 3 or. 
 

II.-XEDAPEN ARAUTZAILEAK:

 
BOE (Estatuko Aldizkari Ofiziala): Estatuko Aldizkari Ofizialaren linka
 

2017/02/13

  • KANPO arazoetako ETA LANKIDETZAKO MINISTERIOA. Nazioarteko akordioak.- Patenteen europar erakundea. Administrazio Kontseiluaren erabakia, 2001eko ekainaren 28koa, Europako Patentearen Hitzarmenaren testu berria onartzen duena. 1406. xedapena – 48 or. 
  • KANPO arazoetako ETA LANKIDETZAKO MINISTERIOA. Nazioarteko akordioak.- Europako Patentearen Hitzarmenaren exekuzio araudia. 1407. xedapena – 60 or.
  • Hezkuntza, KULTURA ETA KIROLETAKO MINISTERIOA.- Derrigorrezko Bigarren Hezkuntzako eta Batxilergoko oinarrizko curriculuma ezartzen duen abenduaren 26ko 26 1105/2014 Errege Dekretuaren akats zuzenketa. 1409. xedapena – 1 or. 

 

2017/02/14

  • OGASUN ETA FUNTZIO PUBLIKOKO MINISTERIOA. Aurrekontuak.- HFP/114/2017 agindua, otsailaren 13koa, zeinaren bidez ematen baitira 2017rako Estatuko Aurrekontu Orokorrak egiteko arauak. 1458. xedapena – 36 or.

 

  • presidentETZA eta lurralde administrazioeTako ministerioa. Segurtasun nazionala.- PRA/115/2017 agindua, otsailaren 9koa, zeinaren bidez argitaratzen baita Segurtasun Nazionalaren Kontseiluaren erabakia, Segurtasun Nazionaleko Estrategia 2017 lantzeko prozedura onartzekoa. 1459. xedapena – 3 or. 

 

  • presidentETZA eta lurralde administrazioeTako ministerioa. Segurtasun nazionala.- PRA/116/2017 agindua, otsailaren 9koa, zeinaren bidez argitaratzen baita Segurtasun Nazionalaren Kontseiluaren erabakia, Segurtasun Nazionaleko Sistemaren funtzionamendu integratua bermatzeko mekanismoak inplementatzeari buruzkoa. 1460. xedapena – 5 or.

 

2017/02/16

  • OGASUN ETA FUNTZIO PUBLIKOko MINISTERIOA. Gizarte Segurantza. Kontabilitatea.- Estatuko Administrazioaren Kontu-hartzailetza Nagusiaren erabakia, 2017ko otsailaren 9koa, zeinak aldatzen baitu 2011ko uztailaren 1ekoa, Kontabilitate Publikoko Plan Orokorra Gizarte Segurantzako sistema osatzen duten entitateei egokitzea onartzen duena. 1572. xedapena – 3 or.

 

  • presidentETZA eta lurralde administrazioeTako ministerioa. Gizarte Segurantza. Pentsioak.- Akats zuzenketa, honako errege dekretu hau zuzentzen duena: 746/2016 Errege Dekretua, abenduaren 30ekoa, 2017ko ekitaldiko Klase Pasiboen pentsioen errebalorizazio eta osagarriei, Gizarte Segurantzaren Sistemako pentsioei eta beste prestazio sozial publikoen errebalorizazioari buruzkoa. 1573. xedapena – 1 or.
  • presidentETZA eta lurralde administrazioeTako ministerioa. Airearen kalitatea.- Akats zuzenketa, honako errege dekretu hau zuzentzen duena: 39/2017 Errege Dekretua, urtarrilaren 27koa, zeinaren bitartez aldatzen baita 102/2011 Errege Dekretua, urtarrilaren 28koa, airearen kalitatearen hobekuntzari buruzkoa.  1574. xedapena – 1 or.

 

  • enplegu eta gizarte segurantzako ministerioa. Laguntza.- Estatuko Enplegu Zerbitzu Publikoaren erabakia, 2017ko otsailaren 1ekoa, zeinaren bidez aldatzen baita honako honen indarraldia: 2013ko abuztuaren 1eko erabakia, 2014ko uztailaren 30ekoak aldatzen duena; azken horrek urtarrilaren 25eko 1/2013 Errege Lege Dekretuak luzatutako langabezia babesa agortzen duten pertsonen lanbide birkualifikazioko programaren baitako diru-laguntza osagarrien eskariak aurkezteko eta izapidetzeko modua eta epeak zehazten ditu. 1620. xedapena – 6 or. 

 

2017/02/17

  • OGASUN ETA FUNTZIO PUBLIKOko MINISTERIOA. Zerga Administrazioko Estatuko Agentzia. Kontabilitatea.- Estatuko Administrazioko Kontu-hartzailetza Nagusiaren erabakia, 2017ko otsailaren 13koa, zeinak aldatzen baitu 2015eko martxoaren 10ekoa, Estatuko zergen eta beste administrazio eta erakunde publiko batzuen baliabideen egiturari, justifikazioari, izapidetzeari eta kontu emateari buruzkoa. 1632. xedapena – 2 or. 

 

2017/02/18  

  • ESTATUBURUTZA. Dopina.- 3/2017 Errege Dekretua, otsailaren 17koa. Honen bitartez, aldatu egiten da 3/2013 Lege Organikoa, ekainaren 20koa, kirol jardunean kirolarien osasuna babesteari eta dopinaren aurka borrokatzeari buruzkoa, eta 2015eko Dopinaren Aurkako Munduko Kodeak ezarritako aldaketetara egokitzen da. 1674. xedapena – 32 or. 

EHAA (Euskal Herriko Agintaritzaren Aldizkaria): Euskal Herriko Agintaritzaren Aldizkariaren linka
 

2017/02/13  

 

  • ENPLEGU ETA GIZARTE POLITIKETAKO SAILA.- AKATS ZUZENKETA, dekretu honena: urtarrilaren 17ko 16/2017 Dekretua, Gizarte-larrialdiko laguntzen dekretua aldatzen duena. 784. xedapena – 1 or.

 

 
ALHAO (Arabako LHren Aldizkari Ofiziala):  Arabako Lurralde Historikoaren Aldizkari Ofiziala
 

 
BAO (Bizkaiko Aldizkari Ofiziala): Bizkaiko Aldizkari Ofizialaren linka
 

 
GAO (Gipuzkoako Aldizkari Ofiziala): Gipuzkoako Aldizkari Ofizialaren linka

 
 

2017/02/14

  • OGASUN ETA FINANTZA SAILA.- Akats zuzenketa. 21/2017 FORU AGINDUA, urtarrilaren 10ekoa, zeinaren bidez onartzen baitira Ondare eskualdatze eta egintza juridiko Dokumentatuen Zergaren, Oinordetza eta Dohaintzen gaineko Zergaren, Garraiobide jakin batzuen gaineko Zerga Bereziaren eta Aberastasunaren eta Fortuna Handien gaineko Zergaren kudeaketan aplikatu daitezkeen ibilgailu eta itsasontzien salmentarako batez besteko prezioak. 986. xedapena – 2 or. 

 

2017/02/16

  • OGASUN ETA FINANTZA SAILA.- Akats zuzenketa. 21/2017 FORU AGINDUA, urtarrilaren 10ekoa, zeinaren bidez onartzen baitira Ondare eskualdatze eta egintza juridiko Dokumentatuen Zergaren, Oinordetza eta Dohaintzen gaineko Zergaren, Garraiobide jakin batzuen gaineko Zerga Bereziaren eta Aberastasunaren eta Fortuna Handien gaineko Zergaren kudeaketan aplikatu daitezkeen ibilgailu eta itsasontzien salmentarako batez besteko prezioak (21/2017 Foru Agindua, urtarrilaren 10ekoa). 1089. xedapena – 2 or. 

 
EBEO (Europar Batasunaren Egunkari Ofiziala): Europar Batasunaren Egunkari Ofizialaren linka

Informazio juridikoa. 2017ko Otsailaren 13tik otsailaren 18ra bitartean (PDF)

-(e)an bidalia

Informazio juridikoa. 2017ko Otsailaren 06tik otsailaren 11ra bitartean

2017ko otsailaren 6tik 11ra buletinetan argitaratutako interes orokorreko xedapenak (BOE, EHAA, ALHAO, BAO, GAO eta EBEO)

 
 

I.- HITZARMEN KOLEKTIBO SEKTORIALAK:

 

Arabako Lurralde Historikoaren Aldizkari Ofiziala, 2017/02/08

 

  • HITZARMEN KOLEKTIBO PROBINTZIALA. ARABA. Eusko Jaurlaritza (Enplegu eta Gizarte Politiketako Saila).- Arabako hezkuntza-aisialdiko eta animazio soziokulturaleko enpresen sektorearentzako hitzarmen kolektiboa. 409. xedapena – 44 or.

 

Bizkaiko Aldizkari Ofiziala, 2017/02/09

 

  • HITZARMEN KOLEKTIBO PROBINTZIALA. BIZKAIA. Lan eta Justizia Saila.-Erabakia, Laneko, Enpleguko eta Gizarte Politiketako Bizkaiko lurralde ordezkariena. Honen bidez, Bizkaiko Kirol-lokalen eta Kirol-zelaien sektoreko hitzarmen kolektiboaren 2017ko soldaten berrikuspena erregistratu, gordailatu eta argitaratzea xedatzen da (hitzarmen kodea 48001455011981). 15. or. eta hur.

 

 
 

II.-XEDAPEN ARAUTZAILEAK:

 
BOE (Estatuko Aldizkari Ofiziala): Estatuko Aldizkari Ofizialaren linka
 

2017/02/96

  • ENERGIA, TURISMO ETA AGENDA DIGITALAREN MINISTERIOA. Gas, petrolio eta kondentsatuen erauzketaren balioaren gaineko zerga. 2017/78/ETU agindua, urtarrilaren 31koa, zeinaren bidez arautzen baitira Gas, petrolio eta kondentsatuen erauzketaren balioaren gaineko zergari buruzko eta hidrokarburo hobiak ustiatzeko emakiden gaineko lurren jabeei egin beharreko ordainketak zehazteko erreferentziazko parametroei buruzko zenbait alderdi. 1169. xedapena – 11 or.

2017/02/07

  • GORTE NAGUSIAK. Premiazko neurriak.- Ebazpena, 2017ko urtarrilaren 31koa, Diputatuen Kongresuarena, zeinak ematen baitu agindua errege lege-dekretu hau baliozkotzeko erabakia argitaratzeko: 1/2017 Errege Lege Dekretua, abenduaren 20koa, zoru-klausulen arloan kontsumitzaileak babesteko premiazko neurriak arautzen dituena. 1203. xedapena – 1 or.
  • GORTE NAGUSIAK. Premiazko neurriak.- Ebazpena, 2017ko urtarrilaren 31koa, Diputatuen Kongresuarena, honako errege lege-dekretu hau baliozkotzeko erabakia argitaratzeko agindua ematen duena: 6/2016 Errege Lege Dekretua, abenduaren 23koa, Gazte Bermearen Sistema Nazionala sustatzeko premiazko neurriak arautzen dituena. 1204. xedapena – 1 or.
  • GORTE NAGUSIAK. Sektore elektrikoa.- Ebazpena, 2017ko urtarrilaren 31koa, Diputatuen Kongresuarena, honako errege lege-dekretu hau baliozkotzeko erabakia argitaratzeko agindua ematen duena: 7/2016 Errege Lege Dekretua, abenduaren 23koa, bonu sozialaren kostuaren finantzaketa mekanismoa eta energia elektrikoaren kontsumitzaile ahula babesteko beste neurri batzuk arautzen dituena. 1205. xedapena – 1 or.
  • BARNE MINISTERIOA. Prozedura Administratiboak. Kudeaketa informatizatua.-  Zuzendariordetzaren ebazpena, 2017ko otsailaren 3koa, zeinak ezartzen baitu Nortasun Agiri Nazionalari, Pasaporteari eta Azterketa, Baimen eta Lehiaketei dagozkien tasak bitarteko telematikoen bidez ordaintzeko prozedura. 1206. xedapena – 3 or.

2017/02/10

  • OGASUN ETA FUNTZIO PUBLIKOAREN MINISTERIOA. Pertsona fisikoen errentaren gaineko zerga.- HFP/105/2017 agindua, otsailaren 6koa. Honen bidez, honakoak onartzen dira: 121 eredua, “Pertsona Fisikoen Errentaren gaineko Zerga. Familia ugariagatiko edo ezintasuna duten pertsonak kargura izateagatiko kenkariak. Aitorpena aurkeztera behartuta ez dauden zergadunek kenkarirako eskubidea lagatzearen jakinarazpena”, eta 122 eredua, “Pertsona Fisikoen Errentaren gaineko Zerga. Familia ugariagatiko, ezintasuna duten pertsonak kargura izateagatiko edo bi seme-alabaren guraso izan eta legez banandutako edo ezkontza-loturarik gabeko aurreko ahaide izateagatiko kenkariak. Aitorpena aurkeztera behartuta ez dauden zergadunen kenkarirako eskubidea arautzea”; era berean, horiek aurkezteko tokia, modua eta epea ezartzen da, eta beste zerga arau bat aldatzen da. 1334. xedapena – 10 or.
  • balore merkatuaren batzorde nazionala. Barne Araudia.- Ebazpena, 2017ko otsailaren 7koa, Balore Merkatuaren Batzorde Nazionalaren Kontseiluarena, zeinaren bidez aldatzen baita Batzordearen Barne Araudia. 1335. xedapena – 3 or.

2017/02/11

  • ENPLEGU ETA GIZARTE SEGURANTZAKO MINISTERIOA. Gizarte Segurantza.- ESS/106/2017 agindua, otsailaren 9koa, 2017ko ekitaldirako Gizarte Segurantzaren, langabeziaren, jarduera eteteagatiko babesaren, Soldata Bermeko Funtsaren eta lanbide prestakuntzaren kotizazioen legezko arauak garatzen dituena. 1369. xedapena – 34 or.

EHAA (Euskal Herriko Agintaritzaren Aldizkaria): Euskal Herriko Agintaritzaren Aldizkariaren linka
 

 
ALHAO (Arabako LHren Aldizkari Ofiziala): Arabako Lurralde Historikoaren Aldizkari Ofiziala
 

 
BAO (Bizkaiko Aldizkari Ofiziala): Bizkaiko Aldizkari Ofizialaren linka
2017/02/07

  • OGASUN ETA FINANTZA SAILA.- Bizkaiko Foru Aldundiaren 6/2017 FORU DEKRETUA, urtarrilaren 31koa. Honen bitartez, Bizkaiko Foru Aldundiaren ekainaren 28ko 118/2016 Foru Dekretuak onesten duen Bizkaiko Lurralde Historikoko Higiezinen Foru Katastroaren Erregelamendua aldatzen da. 3. or. eta hur.

2017/02/08

  • GIZARTE EKINTZA SAILA.- Gizarte Ekintzako foru diputatuaren 5218/2017 FORU AGINDUA, otsailaren 1ekoa. Honen bidez, Bizkaiko Foru Aldundiak indarrean duen egiturara egokitzen da 2013ko martxoaren 7ko 13451/2013 Foru Agindua. 3. or. eta hur.
GAO (Gipuzkoako Aldizkari Ofiziala): Gipuzkoako Aldizkari Ofizialaren linka

 
 

2017/02/07

  • GIPUZKOAKO LURRALDE HISTORIKOKO XEDAPEN OROKORRAK. Diputatu nagusia. 2017ko urtarrilaren 24ko 2/2017 FORU DEKRETUA, 2015eko ekainaren 2ko 15/2015 Foru Dekretua aldatzen duena; Dekretu horrek Gipuzkoako Lurralde Historikoan mendekotasuna dutenentzako arreta zentroen erabiltzaileen ekarpen ekonomikoaren araubidea arautzen du. 207. xedapena – 3 or.
EBEO (Europar Batasunaren Egunkari Ofiziala): Europar Batasunaren Egunkari Ofizialaren linka

Informazio juridikoa. 2017ko Otsailaren 06tik otsailaren 11ra bitartean (PDF)

-(e)an bidalia

Langile autonomoen 2017ko kotizazioak.

2017ko Estatuko Aurrekontu Orokorrak (EAO) onartu zain, Langile Autonomoen Araubide Bereziko (LAAB) gutxieneko kotizazio-oinarriak hileko 893,10 euroan izoztuta jarraituko du –hamar langile autonomotik zortzik kotizatzen dute gutxieneko oinarri horren arabera–.

Horrela jasota dago urte horretarako Gizarte Segurantza, langabezia, jarduera eteteagatiko babes, Soldatak Bermatzeko Funts eta lanbide heziketako kotizazioko lege-mailako arauak garatzen dituen Aginduaren zirriborroan.

Aldiz, autonomo sozietarioen gutxieneko kotizazio-oinarria izoztu ordez % 8 igoko da, hau da, araubide orokorreko gutxieneko kotizazio-oinarriak izango duen igoera berbera izango du.

LAABeko 2017ko gehieneko kotizazio-oinarria araubide orokorrekoaren berbera izango da, hau da, hileko 3.751,20 eurokoa.

Aginduan zehazten denez, 2017ko urtarrilaren 1ean 47 urte baino gutxiago dituzten autonomoen kasuan, beraiek hautatu ahal izango dute kotizazio-oinarria, aurretik zehaztutako mugen barruan (893,1 eurotik 3.751,2 eurora). Era berean, LAABen alta egin, data horretan 47 urte izan eta azken kotizazio-oinarria (2016ko abendua) hileko 1.964,7 eurokoa edo gehiagokoa duten langileek ere kotizazio-oinarria hautatu ahal izango, muga horien barruan.

Urte horretako urtarrilaren 1ean 47 urte dituzten eta hileko 1.964,7 euro baino gutxiagoko kotizazio-oinarria duten autonomoek, ezingo dute zenbateko hori baino handiagoa den oinarririk hautatu, aukera hori 2017ko ekainaren 30a baino lehen gauzatu ezean –urte honetako uztailaren 1etik aurrera izango lituzke ondorioak–.

Bestalde, Agindu honen zirriborroan jasotzen denez, datorren urtarrilaren 1ean 48 urte edo gehiago beteta dituzten autonomoen kotizazio-oinarria hileko 963,30 euro eta 1.964,70 euro bitartekoa izango da, ohiz kanpoko kasuren batean izan ezik.

50 urte bete baino lehenago Gizarte Segurantzaren edozein araubidetan bost urtez edo gehiagoz kotizatu duten autonomoen kasuan, hileko 893,1 euro eta 1.964,70 euro arteko kotizazio-oinarria izan beharko dute euren azken kotizazio-oinarria 1.964,7 eurokoa edo txikiagoa izan baldin bada. Kopuru hori gaindituz gero, kotizazio-oinarria hileko 893,10 euro eta kopuru hori gehi % 1 artekoa izango da.

Kotizazioen koadroa erantsi dugu, iazko datuen alderaketa barne hartuta.

Taula PDF Formatuan

-(e)an bidalia

Martxan jarri da Lan Arriskuen Prebentzioari buruzko Argazkigintzaren Mutualiako XIV. Lehiaketa

Izena emateko epea 2017ko otsailaren 17an ireki, eta martxoaren 17an amaituko da.

Azken edizioetan interes eta arrakasta handia lortuta, 14. edizioa antolatu dugu aurten, lan arriskuen prebentzioaren errealitatea azaleratzen jarraitzeko helburuarekin. Hori dela eta, gonbit egiten dizuegu Lan Arriskuen Prebentzioari buruzko Argazkigintzaren Mutualiako Lehiaketaren aurtengo edizioan parte hartzeko.

Aurten hainbat berritasun ditugu:

  • Izena emateko epea 2017ko otsailaren 17an ireki, eta martxoaren 17an amaituko da.
  • Epaimahaiaren epaia apelaezina izango da, eta 2017ko apirilaren amaieran jakinaraziko da.
  • Ez da onartuko “hodeitik” deskargatu beharreko argazkirik.
  • Aurten, ekitaldi batean entregatuko dira sariak. Apirilaren 28an izango da, Laneko Segurtasun eta Osasunaren Nazioarteko Egunaren harira.
  • Era berean, egun hori dela-eta, Prebentziozko begiradak izeneko erakusketa bat inauguratuko da, argazkigintza lehiaketaren edizio guztietako argazkien hautaketa batekin.

Beraz, parte hartzeko epeak aurreratu ditugu aurten. Hortaz, unea iritsi da kamera atera, eta laneko arriskuen prebentzioaren errealitatea harrapatzeko, laneko segurtasunaren eta osasunaren arazoari buruzko kontzientzia eta sentsibilizazioa sortzen laguntzeko.

Sariak, ordea, ez dira aldatu:

  • Lehenengo saria: 1.200 €
  • Bigarren saria: 900 €
  • Hirugarren saria: 600 €

Argazkien gaia lan arriskuen prebentzioa izango da, argazkien bidez horren balioak nabarmenduz, eta, horretarako, arrisku-egoerak edo praktika onak erakutsiz; azken horiek oso modu positiboan baloratuko dira. Gaiak Estatuko errealitatea soilik izan behar du oinarri. Aurkezten den argazki bakoitzeko, “Deskribapen-orria” izeneko formularioaren ale bat bete beharko da. Bertan, irudian ikusgai dagoen arrisku-egoera edo praktika ona deskribatu beharko da.

 

Informazio gehiago:   Mutualia.eus    prevencion@mutualia.es

944 042 105      943 440 526       945 009 077

Lehiaketaren oinarriak

-(e)an bidalia

KPI aplikatzeari buruzko zalantza

Gure aholkularitza kolaboratzaileetako batek KPI aplikatzeari buruzko zalantza bat helarazi dio gure Aholkularitza Juridikoari. Jarraian jaso dugu zalantza, gaia gehixeago argitzeko asmoz, behin baino gehiagotan galdetzen baituzue.

Probintziako hitzarmen kolektibo batean adierazi digute KPI SOLDATA-TAULEN GAINEAN aplikatu behar dela. Zein KPI aplikatu behar dugu, probintziakoa ala Estatukoa?

Adibidez: Bizkaiko Ostalaritza Hitzarmenekoak xedatutakoaren arabera, 2017ko ekitaldirako I. eranskineko Ordainsarien Taularen berrikuspena zera da: 2016ko KPI portzentajezko 0,40 puntu handituta.

 

ESTATUKO KPI portzentajezko 1,6 da, eta BIZKAIKO KPI, berriz, portzentajezko 1,7.

 

Zer gertatzen da KPI zehazten ez den hitzarmen kolektiboekin? Zein irizpideri jarraitu behar diogu?

 

Iruzkina:

 

Kontsumoko prezioen indizeak (KPI) familiek kontsumitzen dituzten ondasunen eta zerbitzuen, kontsumo-funtzio zehatzetan, prezio normaletan lortutakoen prezioen eboluzio koiunturalaren neurri estatistiko bat eskaintzen du.

 

Informazio-iturria Estatistikako Institutu Nazionalak (EIN) egindako estatistika da; hilero egiten du eta Estatuari dagokio. Indize orokor bat eskaintzen da, baita produktu- eta zerbitzu-multzokako prezioen indize bat ere, dela Estatu osorako dela Euskal Autonomia Erkidegorako; urteko batezbestekoen berri ematen da, baita erreferentzia-aldien arteko aldakuntzen eta gehikuntzen berri ere.

EUSTATek EAEkoak ematen ditu.

 

Negoziazio kolektiborik ezean, ez dago inongo gidalerrorik, KPI datu estatistiko bat baita. Hala ere, Estatukoa aplikatuko dela ulertzen da, probintziakoa aplikatu nahiko balitz, ziur aski, legokiokeen hitzarmenean jasota bailegoke.

-(e)an bidalia

Estatuko Enplegu Zerbitzu Publikoaren kontratuen gida

Urtarrilean eguneratu genuen kontratuen gidak lan-kontratuen eta kontrataziorako pizgarrien arloan indarrean den araudi osoa jasotzen du.

Gidaren xedea gure lan-merkatuan jarduten duten erabiltzaile eta eragileen informazio-eskaerari erantzuna ematea da; gainera, kontratu-ereduen administrazio alorreko sinplifikazio berrira egokitzen da, eta lau kontratu-ereduak (mugagabea, aldi batekoa, prestakuntzara eta ikaskuntzara xedatua, eta praktikak egiteko kontratua) erraz ezagutzeko eskuliburu gisa egituratuta dago. Era berean, horien ezaugarri eta baldintza zehatzak jasotzen dira, langilearen eta/edo enpresariaren berezitasunak kontuan hartuta.

 https://www.sepe.es/contenidos/que_es_el_sepe/publicaciones/pdf/pdf_empleo/guia_contratos.pdf
-(e)an bidalia

Kotizazioak kontsultatzeko orri berria langileentzat

Gizarte Segurantzako egoitza elektronikoak kotizazioaren informazioaren berri erraz izateko aukera eskaintzen die langileei. Zehatz-mehatz azalduko dizugu nola sartu zerbitzu horretara eta zertarako balio duen.

Zer eratako kontratua duzu? Zein kotizazio-taldetan zaude? Zure enpresak zuzen eman al du zure kotizazio-oinarrien berri? Datu horien mende dago gure lan-bizitza, eta horien arabera kalkulatzen dira gure prestazioak. Ikus dezagun nola lor ditzakezun modu erraz batean, Gizarte Segurantzaren egoitza elektronikoaren bidez.

Sartu Gizarte Segurantzaren egoitza elektronikoan, hautatu «Hiritarrak» atala eta aukeratu «Kotizazioa» aukera. Ziurtagiri digitalarekin sar zaitezke (NAN elektronikoa eta Gizarte Segurantzak jaulkitako beste ziurtagiri batzuk) edo erabiltzailea eta pasahitza sistemaren bitartez; azken hori Cl@ve sistemaren bidez lortzen da.

Gizarte Segurantzaren Diruzaintza Nagusiak, hilabetea amaitutakoan, zure kotizazioari dagokion informazioa emango dizu. Horrek zure kuotak kalkulatzeko behar duzun informazio guztia jasotzen du: kontratu mota, kotizazio-taldea, enpresaren jarduera eta zure kotizazioan eragiten duten egoerak, adibidez, gaixotasuneko edo amatasuneko bajak.

Gainera enpresak zure soldataren arabera, kalkulatutako kotizazio-oinarriak agertuko dira. Gizarte Segurantzaren prestazioak kalkulatzen direnean kontuan hartzen direnak dira.

Kotizazio-tasa era agertuko da; kotizazio-oinarriari aplikatzen zaion portzentajea da, kuotak kalkulatzeko; enpresari dagokion tasa eta langileari dagokiona bereizten dira.

Langile gisa zein kuota ordaintzen duzun jakingo duzu. Zati hori zure soldatatik kentzen dizutena da. Baita enpresak zugatik zein kuota ordaintzen duen ere.

Zerbitzu hori Likidazio Zuzeneko Sisteman edo RED Zuzenean sartu diren enpresetako langileentzat dago eskura. Izatez, 2011. urtetik, ia enpresa guztiek dute datuak modu telematikoan bidaltzeko betebeharra.

Sistema horien bidez bidalitako aldietako informazioa ematen da bakarrik. Hori bai, hau zure enpresak zure kotizazio-oinarrien berri zuzen eta garaiz ematen duen jakiteko modu egokia bada ere, informazio horrek ez du esan nahi kuotak sartu direnik.

 

 https://sede.seg-social.gob.es/
-(e)an bidalia

ESS/77/2017 Agindua

itsasoko araubide bereziko bigarren eta hirugarren taldeetako langileek 2017an Gizarte Segurantzari egin beharreko kotizazioaren oinarriak

ESS/77/2017 Agindua, otsailaren 3koa, itsasoko araubide bereziko bigarren eta hirugarren taldeetako langileek 2017an Gizarte Segurantzari egin beharreko kotizazioaren oinarriak ezartzen dituena.

 

 

Agindu horren bitartez, gertakari arruntengatiko edo profesionalengatiko kotizaziorako oinarri bakarrak zehazten dira, probintziaren, arrantza-modalitatearen eta kategoria profesionalaren arabera, 2016. urtean jasotako ordainsarien batez besteko balioak aintzat hartuta.

 

Itsasoko langileen Gizarte Segurantzako araubide berezian babestutako kontingentzia eta egoera guztietarako, Arrantza-sektoreko langileen gizarte-babesa arautzen duen Legearen (urriaren 21eko 47/2015 Legea) 10. artikuluko bigarren eta hirugarren taldeetako langileen kotizazio-oinarri bakarrak agindu horren eranskinetan agertzen diren zenbatekoak izango dira 2017rako, kalterik egin gabe koefiziente zuzentzaileei buruz urriaren 21eko 47/2015 Legearen 11. artikuluan ezarritakoari.

 

Norberaren konturako langileei dagokienez, eta kontuan izanik beren kotizazioak hilekoak direla, kotizazio-oinarria aldatu behar duten kasuetan –probintzia, arrantza-modalitatea edo kategoria profesionala aldatzeagatik–, aldaketa horiek hurrengo hilabeteko lehen egunetik aurrera sortuko dituzte ondoreak, eta, ordura arte, lehen kotizatzen zuten kotizazio-oinarriarekin jarraituko dute.

 

Kotizazio-alderik egonez gero agindu horretan ezarritako kotizazio-oinarrien eta 2017ko urtarrilaren 1etik aurrera egindako kotizazioen artean, 2017ko apirilaren azkeneko egunean bukatzen den epean sartu ahal izango dira kotizazio-alde horiek, errekargurik gabe.

 

2017ko otsailaren 5ean jarri zen indarrean, baina 2017ko urtarrilaren 1etik izanik ondoreak.