Mutualiak irisgarritasunaren alorreko 5 izarreko DIGA ziurtagiria eskuratu du, Vitoria-Gasteizen duen ospitalean

Mutualiaren Erresoluzio Handiko Ospitaleak –Vitoria-Gasteizen kokatua– irisgarritasunaren alorreko 5 izarreko DIGA ziurtagiria eskuratu du; hain zuzen, adierazle honetan lor daitekeen bikaintasun mailarik altuena da. Irisgarritasunerako eta Erantzukizun Sozialerako Fundazioak sortu eta ematen duen bereizgarria da, eta IMQ nazioarteko ziurtagiri emailearen bermea dauka.

Maila honetako bereizgarria eskuratzeak esan nahi du zentro honek aniztasun funtzionaleko irizpideak –izan fisikoak, zentzumenezkoak zein kognitiboak– aintzat hartu dituela, hartara, edozein pertsona, haren egoera edozein izanik ere, erosotasunez, segurtasunez eta erabilgarritasunez mugitu ahal izateko.

Ignacio Lekunberri Mutualiako zuzendari kudeatzaileak jaso zuen 5 izarreko DIGA ziurtagiria eskuratu izana frogatzen duen plaka, Esther Bienes Pinedo Irisgarritasunerako eta Erantzukizun Sozialerako Fundazioaren presidentearen eskutik. Ekitaldia atzo, azaroaren 29an, egin zen, Erresoluzio Handiko Ospitalean. Han izan ziren Ignacio Rodríguez, IMQko zuzendari komertziala, eta Aurretik, Mutualiaren zentro horretan ibili ziren autoritateak.

Irisgarritasunarekiko duen konpromisoaren barruan, Erresoluzio Handiko Ospitaleak maila altuko hainbat prestazio eskaintzeko neurriak hartu ditu; esate baterako, egokitutako altzariak jartzea; indukzio-sistema mugikorrak jartzea, zentroaren edozein lekutan, entzuteko desgaitasuna dutenen beharrei erantzuteko; Auditoriumean, berriz, perimetrala ipini dute. Halaber, ukimen bidezko seinaleztapena ere jarri dute. Bestalde, Mutualiak irisgarritasuna txertatu du kudeaketa-sisteman; izan ere, laguntza ematen duten langileak prestatu ditu, besteak beste, komunikatzeko, ebakuazioan laguntzeko edo Auditoriumean egiten diren ekitaldietan laguntza emateko.

Ziurtagiri hau Mutualiak irisgarritasunaren alde egin duen apustu globalaren barruan dago; izan ere, 2014az geroztik, 17 zentrok eskuratu dituzte DIGA ziurtagiriak, eta horietako hiru 5 izarrekoak dira.

Mutualiak Bezeroaren Kudeaketa Aurreratuari Euskal Saria lortu du

 

Mutualiak Bezeroaren Kudeaketa Aurreratuari Euskal Saria eskuratu du. Euskalitek banatzen duen Kudeaketa Aurreratuaren Euskal Saria kudeaketa-eremuan eman daitekeen Euskadiko sari garrantzitsuena da, eta bost elementuk osatzen dute: estrategia, berrikuntza, bezeroak, pertsonak eta gizartea. Aipatutakoen artean, aurten Bezero saria jaso du Mutualiak, eta 2016an Pertsonei dagokiena eskuratu zuen.

Kudeaketa Aurreratuari Euskal Sariaren ekitaldian jasoko du Mutualiak saria, datorren abenduaren 12an, Bilboko Euskalduna Jauregian, 18:30ean.

 

A.G.k abala eman dio 3,5 tonako ibilgailuak dauzkaten garraio enpresek tasa handiena ordainduz kotizatu behar izateari

conductor-camion

gidoilaria

Auzitegi Gorenaren Hirugarren Aretoak abala eman dio 3,5 tona metrikotik gorako zama-ahalmeneko ibilgailuak dauzkaten errepide bidezko merkantzia garraioko enpresek beren gidarien gertakari profesionalengatik eta laneko istripuengatik Gizarte Segurantzari tasa handiena ordainduz kotizatu behar izateari (ehuneko 6,70 tarifa), eta ez ehuneko 3,70ekoa.

Auzitegiak, Gizarte Segurantzaren arloko xedapen legalak aztertu eta gero, ebatzi du laneko istripuengatiko eta gaixotasun profesionalengatiko kotizazioa ez dagokiola enpresa-jarduerari soilik, badagokiola soldatapeko langilearen okupazio edo zeregin zehatzari ere.

Horregatik, ondorioztatu du Aretoak, “onargarria dirudi zenbat eta handiagoa izan arrisku profesionala inoren kontura ari den langile baten kasuan, handiagoa izatea enpresariaren kotizazio-tasa. Hala nahi izan du legegileak langilea babesteko jardueraren edo okupazioaren arriskugarritasunaren arabera”.

Ebazpenak aintzat hartu du Gizarte Segurantzaren Kantabriako Justizia Auzitegi Gorenaren aurkako helegitea, zeinak agindu zuen okerreko diru-sarrera moduan itzultzea Gizarte Segurantzaren 70.888 euro garraio enpresa bati, haren iritziz oker aplikatu zitzaiolako kotizazio tasa handiena, 6,70ekoa, ehuneko 3,70ekoaren ordez.

Gorenaren ustez, “lanpostuaren partikulartasunaren kontsiderazioa jarduera profesionalarekiko beti hartu izan da aintzat laneko istripuengatiko eta gaixotasun profesionalengatiko kotizaziorako, ez Gizarte Segurantzaren oinarrizko arauarengatik soilik, baita haren arauzko garapenarengatik ere”.

“Horrenbestez –gehitu du–, langileak bere zereginean, lan motan edo okupazioan bere gain hartutako arriskua funtsezko kontua da arautegian kotizazioari dagokionez, edozein delarik ere jarduera ekonomiko enpresariala”.

Bere ebazpenean, Gorenak doktrina ezarri du justiziako auzitegi gorenen artean irizpide desberdintasunak sortuak zituen gai batean.

Paziente nahiz ahaideek gertakariak jakinarazteko aukera izango dute gure webgunean

 

Pazientearen segurtasunaren inguruko jazoerak jakinarazteko sistema berria jarri du martxan Mutualiak. Pazientearen segurtasunaren estrategia honek, hain justu, osasun arretak eragin dezakeen oinazea edota sor litzakeen kalteak murriztea du helburu. Horretarako, neurri jakinak ezartzen ditu zenbait alderditan, esaterako, infekzioen kontrolean, botiken erabilera seguruan, eta ekipoen eta jarduera klinikoaren segurtasunean. Mutualiak aldaketa batzuk gehitu ditu gaurtik aurrera, Osasun Sailburuaren 2017ko abenduaren 11ko agindua betetze aldera; haren bidez, Euskadiko osasun zentroetan gertatzen diren jazoeren berri emateko sistema zehazten da.

Hauek dira aldaketa nagusiak:

Sarbidea: Hemendik aurrera Mutualiatik kanpoko pertsonek (pazienteak, senideak, etab.) gertakarien berri eman ahal izango dute modu digitala baliatuz. Erabat anonimoa da eta webgunearen bidez egin dezakete hori, hiru tokitan, hain zuzen ere:

Langileak

Autonomoak

Osasun zerbitzuak

Horrez gain, hizkuntza aukeratu ahalko da: programa euskaraz zein gaztelaniaz dago.

Jaso izanaren adierazpena: orain arte hau ere ez zen existitzen. Orain, norbaitek (barrukoak zein kanpokoak) gertakari baten berri ematen duenean, sistemak hizkiz eta zenbakiz osatutako agiri bat itzuliko dio, jakinarazi duen pertsona bere gertakaria argi eta garbi identifikatzeko gai izan dadin, eta, hartara, jarraipena egin ahal izan dezan, hau da, analisiari lotu.

Analisiari buruzko informazioa: Mutualiatik kanpoko pertsonek orain arte ez zeukaten analisi horretarako sarbiderik. Hemendik aurrera kontsultatu ahal izango dute zein egoeratan dagoen euren jakinarazpena, eta segurtasun klinikoko lurraldekako arduradunengana jo ahal izango dute informazio eske. Horretarako, identifikatu egin behar da, eta jaso izanaren adierazpena erakutsi. Lurralde bakoitzeko segurtasun klinikorako arduradunak sentibera ez den informazioa emango dio, aurrez aurre eta ahoz.

 

Gimnasia

ekfb

Dotoretasunaz, abileziaz eta emozioez

Duela gutxi egin da Euskalgym gimnasia gala sonatua. Europa mailan garrantzitsuenetako bat da, eta Euskal Federazioak ahalegin handia egiten du urterik urte gero eta zale gehiago –praktikatzeko zein hura jarraitzeko– dituen kirol diziplina hau erakutsi eta hedatzeko. Atal honetan, Euskal Kirol Federazioen Batasunetik indarra, malgutasuna, dotoretasuna eta zalutasuna eskatzen duten ariketa fisikoak dituen modalitate honen onurak azaldu nahi ditugu. Printzipioz, nabarmendu dezakegu gimnasiak erreakzionatzeko abiadura azkartzen duela, espazioko orientazioa hobetzen duela, malgutasuna handitzen duela, gihar multzoak indartzen dituela, gehiegizko pisuari aurre egiten laguntzen duela, odolaren zirkulazioa eta toxinen drainatzea hobetzen duela, jarrera txarrak zuzentzen laguntzen duela, musikarako belarria eta erritmorako, harmoniarako eta estetikarako sena garatzen duela, emozioak adierazten laguntzen duela eta memoria lantzeko/trebatzeko balio duela. Oro har, kirol honetan gazte hasten da, nahiz eta adin guztietan jasotzen diren kirol hau egitearen onurak; izan ere, lerro hauetan azpimarratzen dugun moduan, gihar guztien malgutasuna areagotzen du, eta lagundu egiten du egoera fisikoa nabarmen hobetzen. Gimnasia egiten dutenek gogorarazten dute zaluagoak direla, kiloak galtzen dituztela eta malguagoak direla. Hori bai, gimnasia erritmikoa eta artistikoa kirol gogorrak dira, eta dedikazio handia eskatzen dute. Baina ekinez gero, ezin utzi. Horrez gainera, gimnasia erritmikoak musikaren bidez erlaxatzen laguntzen du, eta, abesti bakoitzaren erritmoari jarraitu behar zaionez, koordinazioa ere areagotzen du.

Trebetasuna, dotorezia eta akrobazia, horra hor gimnasia erritmikoak lantzen dituen beste ezaugarri batzuk. Espezialitate hau lantzerakoan, kontuan izan behar da gero eta neska-mutil gehiago erakartzen dituen kirol honetan, garatzen laguntzen duten beste hainbat abilezia aipagarri daudela: malgutasuna, indarra, elastikotasuna eta koordinazioa. Trebetasun horiek garatzen joaten dira, era progresiboan, entrenatzen den heinean. Hori dela-eta, gimnasiaren onurak aztertzen hasitakoan, gaitasun horiek lagundu egiten dute trebetasunak egiaztatzen.

Gimnasia artistikoa, bestalde, kirol olinpikoa da, gizonezkoek eta emakumezkoek aparteko kategorietan egiten dutena. Hainbat aparatu eta modalitatetan jarduerak egitean datza. Lehiaketetan, epaileek kalifikatzen dituzte kirolari bakoitzaren jarduerak. Izan ere, makina bakoitzak eta ariketa bakoitzak, generoaren arabera, klasifikazio bat izaten du. Gimnasia artistikoan jarduteko ezinbestekoa da aparatu desberdinak kontrolatzea eta ezagutzea. Besteak beste, zorua, oreka barra, jauzi-zaldia eta barra asimetrikoak, barra finkoa, barra paraleloak, zaldi arkuduna eta eraztunak, eta orobat zoruko ariketak. Ez dira nahastu behar gimnasia artistikoa eta gimnasia erritmikoa. Azken hori gehiago da estetikari eta musikari lotutako diziplina bat, lehenxeago aipatu dugun moduan. Lerro hauen bitartez bai gimnasia erritmikoa bai artistikoa egitea gomendatzen dizuegu, beti era progresiboan, eta nork bere mugak eta helburuak gogoan dituela. Mantentze-ariketak egin daitezke; izan ere, elastikotasun eta malgutasun handiagoa eskatzen duten ariketak egiteko gai diziplina honetan denbora gehien daramatenak izango dira soilik. Euskal Federazioak antzeman du gero eta gazte gehiago aritzen direla diziplina honetan, eta guztiek erakuts ditzakete euren trebetasunak antolatutako lehiaketetan.

Emakumeak martxan

nikzuekinbat

Mutualiako JSET taldearen ardura da, Mutualiko pertsonei gure inguruan “beste errealitate” bat bizi dutenen egoeraren berri ematea eta hau dela eta, ALBOANekin elkarlanean hasi ginen duela urte batzuk beraien ekintzen berri emanez.

Ia gainean dugu azaroaren 25a, Emakumeen aurkako Indarkeria Desagerrarazteko Nazioarteko Eguna. Horren harira, ALBOANek gonbidapena egin nahi dizue Emakumeak martxan kanpainan parte hartzeko.

Ekintza horren bidez, mundu osoan indarkeria jasaten duten milaka emakumeen errealitatea, lekukotzak eta ahotsak ezagutarazi nahi ditugu gure inguruan. Hasteko, gehien ezkutatzen den drama humanitarioetako bat izango dugu ardatz: etorkizun hobeagoaren bila beren etxea utzi behar izaten duten emakumeena. Zehazki, Afrikako 5 eskualdeetako kasuak ikusiko ditugu. Haiek dira benetako protagonistak eta ALBOANetik sinesten dugu beren indarrean, hobetzeko duten gogoan, beren aukeretan, beren adorean, beren ametsetan… Sinesmen osoa dugu haiengan.

“Bidea egitea” erabakitzen duten mundu osoko emakumeen egoera oso kaltebera izaten da, beren herrialdea, eskualdea edo testuingurua gorabehera. Bide luzea egin behar izaten dute. Askotan herrialde ugari zeharkatzen dituzte, inolako babesik gabe, eta askotariko indarkeriak jasan behar izaten dituzte. Indarkeria horietako batzuk herrialdetik atera aurretik ere pairatzen dituzte (ezkontza goiztiarra, emakumeen genitalen mutilazioa eta gizonekiko menpekotasuna, beteak beste). Ondorioz, emakume eta neskatoek indarkeria fisikoa eta psikologikoa jasaten dute, eskola utzi behar izaten dute eta gizonekiko menpekotasun ekonomikoa izaten dute. Horri gehitu behar zaio leku askotan gatazka armatuak edo goseteak daudela, eta hortaz, ihes egin beste aukerarik ez dute izaten. Alabaina, bidean zehar are zailtasun gehiago topatzen dituzte.

ALBOANen munduko hainbat lekutako erakundeekin batera lan egiten dugu, esaterako Errefuxiatuentzako Jesuiten Zerbitzuarekin, uste baitugu emakume horiek aukera bat merezi dutela beren zauriak sendatu eta etorkizunari aurrez aurre begiratzeko

Mutualiako JSET taldekideok “Emakumeok Martxan” ekimenenean parte hartzera gonbidatu nahi zaituztegu.

Emakume hauen testigantza jaso zuten Kongresuan izan zen Mutualia eta nahiz eta askotan errealitatteak fizkizioa gainditu, beraien bizipenen istorioak entzuteak merezi du. Ezagutu emakumeen historiak esteka honetan: www.mujeresenmarcha.org

#nikzuekinbat

Emakumeen kontrako indarkeriaren aurkako Nazioarteko Egunarekin bat

Urtero bezala, Mutualiak bat egin du azaroaren 25ean ospatuko den Emakumeen Kontrako Indarkeriaren aurkako Nazioarteko Egunarekin.

Badakizu zergatik den azaroaren 25a Emakumeenganako Indarkeriaren Aurkako Nazioarteko Eguna?

1960ko azaroaren 25ean hiru Mirabal ahizpak (Patria, Minerva eta María Teresa), “Tximeletak”, hil zituzten Dominikar Errepublikan, Rafael Leonidas Trujilloren erregimenaren aginduz.

​Mirabal ahizpak ospetsuak ziren euren aktibismoagatik, eta “Tximeletak” ezizena zuten. Las hermanas ​filmean, euren istorioa kontatzen da.​

Hori dela eta, A25 egiten da urtero, mundu osoan emakumeenganako indarkeria salatzeko eta herrialde guztietan hori desagerrarazteko politikak eskatzeko.

Deialdia mugimendu feminista latinoamerikarrak abiarazi zuen 1981. urtean, hil zituzten eguna omentzeko. 1999an, Nazio Batuen Batzar Nagusiak bere hartu zuen aldarrikapen-eguna, 1999ko abenduaren 17ko 54/134 ebazpenaren bidez, eta mundu osoko gobernu, erakunde eta gobernuz kanpoko erakundeei, gonbit egin zien emakumeenganako indarkeriaren arazoari buruzko iritzi publikoa sentsibilizatzera bideratutako jardueretako deia egin zezaten.

Mutualiak aurten ere modu aktiboan hartu nahi du parte egun honen omenaldian, zenbait bide baliatuz:

– Gure zentroetan puntu morea ikusgai jartzea.

Eusko Jaurlaritzaren adierazpenari atxikitzea, baita erakundeen kanpainei  ere.

– Pertsona guztiei gonbit egitea indarkeriarekiko arbuioa ikusaraz dezaten, gure sare sozialak puntu morez bete ditzaten, traola honekin: #Azaroak25 ​#25Noviembre

 

Abian da Euskaraldia Mutualian!

Gaur da Euskaraldiaren lehen eguna; soinean Ahobizi edo Belarriprest txapak jartzeko eguna; eta hizkuntza ohiturak berdefinitzen hasteko eguna. Euskararen herrian inoiz egin den ariketa sozial ausartena izango da Euskaraldia, eta noski, Mutualiak ere parte hartuko du. Esperientzia hau euskara ulertu eta hitz egiten dutenei zuzenduta dago baina Euskaraldian izen eman ez dutenek ere lagundu dezakete, adibidez, Euskaraldian zehar egiten diren ekimenekin bat eginez.

Azken bi hilabeteetan, Mutualiako Euskaraldia taldeak hamaika egun hauetan egiteko hainbat ekintza antolatu ditu. Erronkarako prest gaude!

 

 

MUTUALEX EPAIA 2018KO AZAROA

epaia

AUZITEGI GORENAK AMAIERA EMAN DIO, 2018/05/11KO BERE EBAZPEN DUELA GUTXIKOAN (RCUD 3012/2016), SEGURTASUN NEURRIEN FALTARENGATIKO ERREKARGUAREN EFEKTUAREN ATZERAERAGINARI BURUZKO EZTABAIDARI

epaia
Doktrinaren Batasunerako Kasazio Helegitean ebatzi den afera da segurtasun neurrien faltarengatiko prestazioen errekarguaren efektuaren data zehaztea, kasu batean non ez den onuradunek egindako helegite-eskaririk egon, Lan Ikuskaritzaren jarduera baizik.
Zehazki, kontua zen erabakitzea INSSk (Gizarte Segurantzako Institutu Nazionalak) aitortutako errekarguaren efektu ekonomikoei hiru hilabete atzera eragin behar zitzaien LGSSren 43.1 artikulua aplikatuz (Gaur 53.1 artikulua LGSS 2015), gizarte segurantzako prestazioekiko, eta hiru atzeraeragin-alternatiba planteatu dira:
1. Gizarte Segurantzako Institutu Nazionalak errekarguaren aitortza egin zuen datatik aurrera.
2. Interesdunak egindako eskariaren datatik aurrera, edo, hala badagokio, prozedura lan ikuskaritzaren ekimenez hasi den datatik aurrera.
3. Gertakari profesionalak eragindako prestazioen aitortzatik aurrera.
Zigor, kalte-ordain eta sari elementuak dauzkan instituzio konplexua dela aitortu arren, Auzitegi Gorenak, duela gutxiko jurisprudentzian oinarrituta, nabarmendu du, alderdi zigortzaileen gainetik, izaera dudarik gabe saritzaileko tratamendu legala daukala, eta ondorioztatzen du honako hau: “errekarguaren atzeraeragineko efektuak errekarguaren (ez prestazioaren) eskariaren beraren dataren aurreko hiru hilabeteetara mugatu behar dira, baina, kasu batzuetan, onuradunaren eskariaren egiaztapenik ez dagoenean, halakotzat (eskaritzat) jo ahal izango da errekargua sustatzen duen aldez aurreko jarduera administratiboa”.
Auzitegi Gorenak ebatzitako kasu zehatzean, hain zuzen ere, ez dago hildako langilearen alargunaren errekargu-eskaririk, eta Lan Ikuskaritzaren jarduera egiaztatzen da, 2010eko irailaren 30eko data duen agiri batean, zeinak Gaixotasun Profesionalarengatik %50ean ordaindutako gizarte segurantzako prestazio guztien errekargua enpresari aplikatzea proposatu zuen, Auzitegiak ebatzi zuelarik errekarguaren efektuen atzeraeragina, sortutako alarguntasun-prestazioaren gainean, ikuskaritza-jardueraren data baino hiru hilabete lehenagotik hasita, hau da, 2010eko ekainaren 30etik aurrera.

EPAIA PDF
Susana Castaños
Mutualiako Aholkularitza Juridikoa