Azken berri juridikoak. Interes orokorreko antolamenduak, buletinetan argitaratuta (E.A.E., E.H.A.A., A.L.H.A.O., B.A.O., G.A.O. eta E.B.A.O.). Maiatzaren 11tik 17rako astea.
Mutualex 61
Mutualex 60
Azken berri juridikoak. Interes orokorreko antolamenduak, buletinetan argitaratuta (E.A.E., E.H.A.A., A.L.H.A.O., B.A.O., G.A.O. eta E.B.A.O.). Maiatzaren 4tik 10erako astea.
Mutualiak bere ziurtapenak mantentzen ditu Aenor-en ikuskaritzaren ondotik
AENORek Mutualiaren zentroak ikuskatu ditu maiatzaren 3tik 10era. Henao kaleko egoitza operatiboa, Ercilla Klinika, Pakea Klinika, eta Basauri, Beasain, Azkoitia, Gernika eta Zamudioko laguntza-zentroak bisitatu dituzte ikuskariek, eta Mutualiako 75 pertsonarekin baino gehiagorekin hitz egin dute.
Ikuskaritzaren emaitza oso positiboa izan da. 4 Adostasunik Ez txiki bakarrik jaso dira (6 ziurtagiriren ikuskaritzan), beste hainbat puntu sendo eta zenbait ohar eta hobekuntza-eremuz gain.
Hori horrela, ziurtapen hauek mantentzea lortu du Mutualiak: Kalitatea, Ingurumena, Laneko Arriskuen Prebentzioa, Infekzioak, Pazienteen segurtasuna eta Energia-eraginkortasuna.
Lanaldiaren derrigorrezko ordutegi erregistroa maiatzaren 12tik aurrera
Igande honetatik, maiatzaren 12tik aurrera, enpresa guztiek derrigor egin beharko dute langile bakoitzaren lanaldi erregistroa, lan jardunaren hasierako eta amaierako ordutegiak zehaztuz. Enpresek pairatzen duten lan prekarietateari aurre egin asmoz abiarazi du neurri berria espainiar Gobernuak, eta era berean, lan ordutegien mugak betetzea bermatzeko xedearekin, bai lanaldi osoko jardunetan bai lanaldi partzialeko kontratuetan ere. Lan ordutegien erregistroa behar bezala betetzen ez duten enpresek zigor larriak jaso ditzaketela jakinarazi du Lan Ikuskaritzak.
Mutualian zure eskura jartzen dugu ordutegien erregistroa egiten lagunduko dizun txantiloia, hilabetean betetako ordutegien zenbatekoa jakin dezazun.
MUTUALEX 59
Azken berri juridikoak. Interes orokorreko antolamenduak, buletinetan argitaratuta (E.A.E., E.H.A.A., A.L.H.A.O., B.A.O., G.A.O. eta E.B.A.O.).
Sariak eta aitortzak Laneko Segurtasunaren eta Osasunaren Munduko Eguna ospatzeko
Laneko Arriskuen Prebentzioa zabaltzeko hartuta duen konpromisoaren barruan, Mutualiak ekitaldia ospatu zuen joan den maiatzaren 3an Bilbon, Laneko Segurtasunaren eta Osasunaren Munduko Egunaren harira. Bertan, Mutualiako Laneko Arriskuen Prebentzioko XVI. Argazki Lehiaketako sariak banatzeaz gainera, Zero Bidean aintzatespena eman zien Mutualiak aurten ere ezbehar-tasa txikieneko enpresei.
“Prebentzio Panoramika” leloarekin, 2019. urte honetan Mutualiako Prebentzio Aholkularitzak Laneko Arriskuen Prebentzioari buruzko Mutualia Argazki Lehiaketaren 16. edizioa jarri du martxan.
Lehiaketaren espiritua da edozein arlotan Laneko Arriskuen Prebentzioaren balioak argazkien bidez azpimarratzea eta gai honen inguruan hausnarketa bat egitera gonbidatzea. Hori guztia, laneko ezbehar-kopuruaren aurka kontzientziatzeko, eta, besteak beste, laneko ingurune seguru eta osasuntsuagoak lortzeko azken helburuarekin.
Hauek izan dira Laneko Arriskuen Prebentzioari buruzko Mutualia Argazki Lehiaketaren irabazleak:
1. Saria, 1.200 eurokoa, Francisco Javier Domínguez Garcíarentzat, “Que no te pique la abeja” argazkiagatik.
2. Saria, 900 eurokoa, Isabel Moreno Torresentzat, “Puerto” argazkiagatik.
3. Saria, 600 eurokoa, Oskar Rodríguez Fernándezentzat, “Nocturnidad II” argazkiagatik.
Halaber, Zero Bidean aintzatespena eman zitzaien VIII. edizio honetan, aurtengo ezbehar-tasa txikieneko enpresei: Campezo Obras y Servicios SA, Cosmo Consult Iniker SAU, PKF Attest Servicios Empresariales SL, Siemens Engines SAU eta Unilever Foods Industrial España SLU.
Mutualiako zuzendari kudeatzaile Ignacio Lekunberri jauna izan zen hitzorduan bertan, eta azken urteetan zehar ezbehar-tasan izan den jaitsiera nabarmendu zuen irekiera-hitzaldian. Hala adierazi zuen: “bilakaera hori enpresen, instituzioen, erakunde sindikalen eta langileen inplikazioari esker lortu da”.
Ekitaldian zehar, Enpresa zuzendaritzan doktorea eta IESE Business Schooleko ikertzaile elkartua den Pilar García Lombardía andreak emandako “Metodologías de innovación en PRL: Design Thinking” hitzaldia entzun ahal izan zuten bertan izan zirenek.
Nola egin eskuen garbiketa eraginkorra infekzioei aurre egiteko
Ba al zenekien zein garrantzitsua den eskuen garbiketa osasun arloan infekzioei aurre egiteko?
Igande honetan, maiatzak 5, OMEk (Osasunaren Mundu Erakundea) sustatutako esku higienearen nazioarteko kanpaina ospatzen du. Pazientearen segurtasunarekin lotutako estrategiari jarraituz, Mutualiak bat egingo du aipatu egitasmoarekin, aurten “Arreta garbia guztiontzat – Zure esku dago” lelopean.
Pazienteak gure partaide bihurtu nahi ditugu aurten Mutualian, eta horretarako animatzen ditugu guri gogorarazten zein garrantzitsua den eskuen garbiketa infekzioei aurre egiteko.
“Biziak salbatu: garbi itzazu eskuak” OMEk sustatzen duen mundu mailako kanpaina da. 2009an abiatu zen programa hau osasun arloko langileei laguntzeko helburuarekin, arlo horretako eskuen higienea hobetzeko asmoarekin, hain justu. Kontsultetan neurriak hartzea du xede, eskuen garbiketa zuzenak osasun arloan sor daitezkeen infekzioak murrizten lagun dezakeela adierazteko, eta hartara, pazientearen segurtasuna bermatzeko.
Ba al dakizu nola egin eskuen garbiketa zuzena? Azalduko dizugu.
Pala
Gorputz eta buru azkartasuna
Pala ere historia luzeko gure beste kiroletako bat da. Unión de Federaciones Deportivas Vascas-Euskal Kirol Federazioen Batasunaren atal honetatik modalitate ikusgarri honen abantailen berri emango dugu; larruzko pala (erakargarria eta ikusgarria, abiaduraren ondorioz), pala motza (espezialitate fisikoagoa) edo gomazko paleta (gero eta neska gehiago ari dira hemen) modalitateak ditu. Euskal elkarte askok hartzen dute parte txapelketetan urte osoan zehar; joan den mendeko 60ko eta 70eko hamarkadetan zabaldu zen pilota modalitate hau, eta gaur egun bere erakarmena berreskuratu du espezialista handiekin eta zaletu ugarirekin; izan ere, astero aritzen dira tradizioa duen betiko kirol honetan. Frontoia da palaz aritzeko santutegia, eszenatoki bikaina, eta laburra edo luzea izan daiteke. Gure lurraldeetako ia udalerri guztietan dago kirol honetan aritzeko instalazioaren bat, eta pisua galtzeko kirol bikaina da, palan arituz gero gantz ugari erretzen baita. Ordubetez arituta 200 kaloria baino gehiago galdu daitezke, eta, intentsitatearen arabera, gehiago ere bai, espezialitate honetan askotan binaka aritzen baita, atzelari eta aurrelari batekin bikote bakoitzean. Gainera, gurean hainbesteko tradizioa duen kirol hau ona da zirkulazioa, erresistentzia eta malgutasuna hobetzeko. Eta hanketako muskuluak indartzeko ere bai. Eta honi guztiari jarduera fisiko ona gehituz gero, onurak are handiagoak izango dira. Palan aritzea intentsitate handiko kirola da, pilotari bakoitzak egindako esfortzuaren eta partidu bakoitzaren arabera; pilotariek mugimendu batzuk egin behar izaten dituzte, eta besoak berotu behar izaten dituzte partidua hasi aurretik, lesioak saihesteko. Palak beheko trena indartzen du, gluteoak eta abdominalak ere bai, eta pilota jotzeko prestatzen den bakoitzean tentsioan jarri behar izaten da, frontisetik eman ahal izateko. Kirol osoa da, eta adin guztietako kirolarientzat egokia, gorputz osoa erabiltzen baita. Ezin ahaztu egiten diren lasterketa-saioak, joan-etorrietako abiadura, kokapena, erreflexuak, jotzeko indarra edo teknika eta pilota jasotzerakoan eta pilotaren ibilbidea irakurtzerakoan behar diren oreka eta koordinazioa. Hori dela eta, jokaldi bakoitza eta tanto bakoitza gauzatzeko gorputz eta buru bizkorra izatea lagungarria da, eta frontoiaren ikuspegi espaziala izatea ere bai.
Erresistentzia fisikoa ere garatzen da partiduaren iraupenaren arabera; beraz, esfortzua dosifikatzen ikasten da. Trebezia ere kontuan izan behar da frontoian palan jokatzerakoan, kirol osoa denez, gaitasun bat baino gehiago sustatzen baititu. Lehen aipatu dugun malgutasuna ere hobetu egiten da, pilota batetik bestera aldea baitago botea egiteko orduan, bai altuerari bai abiadurari dagokionez, eta, horren ondorioz, posturaz aldatu behar izaten da kolpe bakoitzean. Indarra ere funtsezkoa da tantoak lortzeko. Azken finean, palan jokatzea ariketa kardiobaskular bikaina da, eta aldiro jokatzea osasuntsua da bihotzarentzat, abantaila fisikoak eta psikologikoak ditu, odoleko presioa eta nerbioetako tentsioa jaisteaz gain. Frontoia eta dibertsioa zain dituzue. Pilota joko unibertsala da, eta jokoa bere ezaugarrietara egokitzeko meritua izan du, aldaketak ekarri ditu, pilotan jokatzeko mota berriak sortu dira, bai eta instalazio eta jokorako material berriak ere.