Kategoria: Sin categoría

Sonia Gutiérrez García. LGko Prestazioen arduraduna

ENPRESARIEI GOGORARAZTEA LANBIDE-GERTAKARIENGATIKO BAJA-PROZESUEN GAINEKO JAKINARAZPENEN ARLOAN ZEIN BETEBEHAR DITUZTEN

2015ean eta 2016an lortutako arrakasta dela eta, aurten berriro ere antolatu ditu Mutualiak hainbat Ahots Eskola hiru lurraldeetan.

Aurreko edizioetan bezalaxe, oraingoan ere izango dugu Alfonso Muñoz Etxebarria jaunaren laguntza; logopeda horrek 24 urteko esperientzia du hizkuntzaren disfonien eta patologien tratamenduan.

Lantegiak modu berean garatuko dira: aurrez aurreko hiru saio talde txikian, ikuspegi funtsean praktikoa eta parte-hartzailea ematearren.

Ahotsa laneko tresna da lanbide askotan, eta jasandako edozein alteraziok eragina izan dezake lan-jardueran.  Ahotsa zaintzea laneko osasunaren alderdi garrantzitsua da eta, gaur egun, jarduteko eta hobetzeko aukera handiak ditu.

Eman izena beldurrik gabe! Ahotsak eskertuko dizu.

2017ko Ahotsaren Eskolarako Izena Emateko fitxa

“Gihar eta hezurretako asaldurak. Ebaluazio ergonomikotik harago” izeneko eta Mutualiak antolatutako mintegi teknikoan Osalaneko Zuzendari Nagusia den Alberto Alonso jaunak parte hartu zuen. Jardunaldian zehar esperientzi berritzaile eta eraginkorrak erakutsi ziren, bai ergonomia parte-hartzailean bai Komunikazio eta Informazio Teknologien (KIT) erabileran.

Mintegi Teknikoa oso arrakastatsua izan zen, 120 pertsona baina gehiago bildu zirelarik bertan eta aurkeztutako txostenak  kalitatea handikoak izan zirelarik. Mutualia-Arabako lurralde zuzendaria den Juan Villar Caballero jaunak eta Prebentzio Saileko Arduraduna den Mª Mar Crespo Millán andereak aurkeztu zuten ekitaldia.

Alberto Alonso Martín-ek, Osalango Zuzendari Nagusiak, parte hartu zuen irekieran, zeinek, besteak beste, 2015. urteak 1887 gaixotasun profesionalen artean 769 muskulu eskeletiko utzi dizkigula esan zuen, horrek ia %41a suposatzen dutelarik. Betetik,gihar eta hezurretako asaldurei aurre egiteak ez dakarrela soilik langileen bizi eta osasunean onura, enpresaren ikuspuntutik  ere zentzuzkoa dela nabarmendu zuen.

Mintegiaren lehen atalean, Lan, Ingurumen eta Osasunerako Institutuan (ISTAS) ergonomoa den, Maria José Sevilla Zapater andereak ergonomia parte hartzailearen oinarriak azaldu zituen, kontzeptuak, helburuak eta  ebidentzia zientifikoa finkatuaz. Bestetik ERGOPAR (laneko jatorria duten arrisku ergonomikoen prebentziorako ergonomia parte hartzaileko prozedura)  metodoarekin aurrera eraman dituzten esperientzia praktikoen berri eman zigun.

Mintegiaren bigarren atalean sektore eta jarduera desberdinetako enpresek gihar eta hezurretako asaldurak txikitzea helburu bezala edukita izan dituzten esperientziak ezagutarazi zizkiguten.

Horrela, Athlon Koop.-eko osasun-programen arduraduna den  Edurne Jimenez Cortazar andreak ergonomia parte hartzailea posible egiten duten gakoak erakutsi zizkigun, erakunde osoaren babesaren eta parte hartzearen garrantzia azpimarratuaz: gerentzia beharrezko diren baliabideak hornitzeaz arduratuko da, langileak esku-hartzearen beharraz eta eraginkortasunaz konbentzituta egon behar dute.

Azti zentro teknologikoko ikertzaile diren  Begoña Landajo Villalain eta Marta Renteria Bilbao andreek nekazaritza eta elikagai sektoreari zuzendutako arazo muskulu eskeletikoen portala garatzean izandako esperientzia partekatu zuten. Nekazaritzako elikagaien sektoreak berezko izaera du, modu honetako esku hartzeak zailak izaten direlarik baina aldi berean oso beharrezkoak.

Innovalia Elkarteko Alicia Gonzalez andreak, “Fit4work, 4.0 industrian arrisku ergonomikoen gestiorako ebazpena” izeneko aurkezpenaren bidez TICek prebentzio estrategia pertsonalizatu eta malguak diseinatzeko unean eskaintzen dizkiguten aukerak erakutsi zizkigun. Bai ekintza ergonomikoetan bai ergonomiako prestakuntzan lagungarria da datuak modu errazean biltzen eta aurkezten baitituzte.

Azkeneko hizlaria Mercedes Ben España S.A.U.ko enpresa medikoa den Alberto Sopelana jauna izan zen eta bere enpresak garatu duen Bizkarreko Patologiaren Prebentziorako eta Tratamendurako Programa aurkeztu zigun. Programak hiru arlo lantzen ditu: ergonomia, prebentzioa eta osasunaren sustapena. Ebaluazio ergonomikoa egin eta neurriak ezartzeaz gain, langileari bere bizkarraren zaintzan paper aktiboa izan dezan informazio nahikoa eman behar zaiola azaldu zigun. Azkenik ERGOMIX, Indartze muskularreko metodo espezifikoaren  ezaugarri eta emaitzak erakutsi zizkigun.

Azkeneko mahai-inguruan bertaratuek planteatutako kontsulta desberdinak argitu ziren.

Aztertuko dugun Auzitegi Gorenaren 2016ko abenduaren 1eko 1023/2016 zenbakiko Epaiak –1690/2014 kasazio-errekurtsoan doktrina bateratzekoak–, artikulu honen tituluan planteatutako eztabaida ebazten du, hain zuzen ere, Asturiasko bidaiarien garraioko enpresa bateko (200 langile inguru dituena) Ordezkaritza Sindikalak sustatutako Gatazka Kolektiboan sortutakoa.

Autoetan planteatzen zen gaia honako hau zen: enpresak langileei nomina euskarri informatikoan jakinarazteari dagokionez hartutako alde bakarreko erabakiaren baliozkotasuna; erabakiaren ondorioz, nomina langile bakoitzaren postontzian entregatzeko modua (paperean) aldatu zen, nominak langile bakoitzaren kontu pertsonalean txertatzeko mekanismo bat ezarriz. Postontzien ondoan kokatutako terminal informatiko batetik sar zitekeen langilea kontu horretan, soldata-ordainagiria ikusteko, NANaren zenbakia eta sarbide-gakoa sartuz. Ordainagiria inprimatzeko aukera ere ematen zuen.

Hasiera batean, Lan-arloko Epaitegiak ordezkaritza sindikalak jarritako demanda onetsi zuen, eta enpresaren eskaria baliogabetu; bestalde, Asturiasko Justiziako Auzitegi Nagusiak enpresak sustatutako erregutze-errekurtsoa onetsi zuen, txertatutako aldaketari baliozkotasuna emanez.

Aurreko doktrina bat (aztertutako kasuarekiko parekotasun handiko kasu bati buruzkoa; 2011ko abenduaren 22ko kontraesanezko Epaia, 3/2011 Kasazioa) alde batera utzita, eta kontuan hartuta datuak, dokumentuak, erabakiak eta abar biltzeko eta jakinarazteko papera erabili beharrean euskarri informatikoa erabiltzea orokortu dela, eta azken sistema hori asko erabiltzen dela eremu pribatuan nahiz Administrazio Publikoan, eta bestalde, enpresak ezarritako sistema berria langileentzat erraza eta eskuragarria dela balioetsita, Auzitegi Gorenak erabaki du enpresaren erabakia zuzenbidearen araberakoa dela, eta beraz, ordezkaritza sindikalaren errekurtsoa ezetsi egin du.

Aztertutako kasuan, zuzenean aplikagarriak diren xedapenak aztertzen dira Epaian, hau da, dagokigun gatazka kolektiboa sustatzen den unean indarrean dagoen Langileen Estatutuaren 29.1 artikulua, honako hau ezartzen duena: «honela dokumentatuko da soldata: langile bakoitzari ordainagiri bana emango zaio, soldata ordaindu dela zuritzeko. Lan eta Gizarte Segurantza Ministerioak onartutako ereduari lotu behar zaio soldaten ordainagiria, salbu hitzarmen kolektiboz, edo halakorik ezean, enpresaren eta langileen ordezkarien artean lortutako akordioz beste ereduren bat onartuta; argi eta ondo banakatuta agertu behar ditu langilearen hartzeko guztiak, eta legez dagozkion kenketa guztiak».

Aipatutako eredua 1994ko abenduaren 27ko Aginduak (2014ko azaroaren 6ko Aginduak aldatu zuena) onartu zuen, baina arau horretan ez da ezartzen ordainagiri hori entregatu beharreko euskarriari buruzko ezer.

Badirudi lehen irakurketatik ordainagiria paperezko euskarrian entregatu behar dela ondorioztatzen dela, langileak soldataren ordainagiria sinatu behar duelako, baina lehen uste hori hutsalduta geratzen da, ez baita beharrezkoa langileak soldata-ordainagiriaren bi aleetako bat sinatzea, soldata banku-transferentzia bidez ordaintzen denean, frogagirian jasota geratzen delako.

Horregatik guztiagatik, Auzitegi Gorenak ebatzi du aipatutako kasuan –soldata-ordainagiria terminal informatikoaren bitartez balia daiteke, baita haren kopia bat lortu ere–, betetzen dela soldata-ordainagiriaren kopia entregatzearen helburuarekin, hau da, langileak likidatutako zenbatekoak jaso dituela eta likidazioa osatzen duten ordainketa- eta deskontu-kontzeptuak argi ezagutzen dituela bermatzea; bestalde, adierazten du paperezko euskarriaren ordez euskarri informatikoa ezartzeak ez diola kalterik edo eragozpenik eragiten langileari, eta ezin dela enpresak ezarritako sistema zailtzat hartu, beraz, enpresaren erabakia baliozkotzat jotzen du, enpresa pribatuek nahiz Administrazio Publikoek teknologia berrien aplikazioan izan duten jarrerarekin bat etorriz.

Raquel Martínez. Mutualiako lege-aholkularitzako abokatua

Mutualiaren Prestazio Berezien Batzordeak 2016ko ekitaldian onartutako eta urte honetako otsailean ezarritako beste gizarte-laguntza kolektibo bat.

Kirol Egokituaren Euskal Federazioaren jarduerak aintzat hartuta, eta Osakirol Proiektua –GaituzSport Fundazioak 2016ko irailaren 14an aurkeztu ziguna– balioetsi ondoren, Batzordeko kideek proiektu hau onartu egin dute, Mutualiako pentsiodunen alde. Osakirol Proiektua desgaitasun fisikoa, sentsoriala, fisiologikoa edo mentala –lan-istripuz edo -gaixotasunez sortutakoa– duten pertsonei zuzendutako osasun- eta gizarteratze-proiektu bat da, Jarduera Fisiko Egokitua baliatzen duena.

Jarduera fisikoa jarduera fisiko egokituaren berezko eskakizunetara ondo egokitutako instalazio publikoetan garatuko da, beste erabiltzaileekin batera, honako zentro hauetan:

• Bilbo: San Inazioko kiroldegia (Bilbao Kirolak)

• Donostia: Hegalak Kirol Zentroa Hegalak Zabalik Fundazioa

• Gasteiz: Almudena Cid Zentroa Zuzenak Fundazioa

Programaren helburu nagusia honako hau da: berregokitze funtzionalari eta gizarteratzeari laguntzea, osasunaren kontzeptu orokor batetik (errekuperazio fisikoa, psikikoa eta gizarte-harremanei dagokiena). Hori guztia diziplina anitzeko ikuspegiarekin.

Aisialdi atsegina eskaini nahi da, gure Errehabilitazio Zerbitzuetako fakultatibo arduradunek proposatzen dituzten Mutualiako pentsiodunei beren gaitasun fisiko eta mentalei eusten eta hobetzen lagunduz, autoestimua handituz eta gizarteratze-prozesua sustatuz.

Kirol-jarduera gehienez 10 pertsonaz osatutako taldeetan egingo da, gure Errehabilitazio Zerbitzuetako fakultatiboen kontrolarekin eta jarraipenarekin. Hasiera batean, Lurralde Zuzendaritza bakoitzean gutxienez talde bat osatuko litzateke urtean, eta gastuen hasierako aurrekontuak programan agertzen diren kontzeptu guztiak bilduko lituzke (18.000 € inguru urtean), baina gizarte-laguntzako prestazio bat denez, Mutualiara atxikitako –edo bere babespeko– desgaitu bakoitzari agindutako eta bakoitzak gauzatutako jarduera fisikoaren arabera indibidualizatuko da gastua.

Otsailean osatu dira ekainera arte Lehen Osakirol Proiektuan parte hartuko duten lehen hiru taldeak. Horrela, ezintasun iraunkorra duten sei pentsiodun parte hartzen ari dira Arabako Lurralde Zuzendaritzan, beste sei, Gipuzkoakoan eta beste zazpi, Bizkaikoan. Otsailaren 13an ekin zioten jarduera fisikoari, baina desgaitu gehiago sar daitezke taldeetan, talde bakoitzean hamar partaideko kopurua osatu arte.

Ekintza kolektibo honekin espero dugu lortzea Sir Ludwig Guttmannek duela urte asko adierazitakoa, eta guk Proiektu Termaletako desgaituengan atsegin handiz antzeman duguna:

«Errehabilitazio fisikoan eta psikikoan funtsezko elementua da kirola, desgaitasuna duen pertsonak bere buruarekiko konfiantza berreskuratzeko, adimena garatzeko eta lehiakortasun- eta adiskidetasun-espiritua sustatzeko».

(Sir Ludwing Guttmann, 1948)

TALDE ERAGILEA / GRUPO MOTOR

Otsailaren 17an, DenBBora Sarearen TALDE ERAGILEAK lan-saio bat egin zuen BIZKAIKO FORU ALDUNDIAREN egoitzan.  Hainbat enpresa gaude talde honetan, esaterako, VIRTUAL WARE, ARTEZ, TORREZURI, GUEDAN, EROSKI ZUBIETXE eta MUTUALIA, eta une honetan, 29 enpresak osatzen dugu Denbbora Sarea; Sare hau Bizkaiko Foru Aldundiaren eta Bilboko Udalaren ekimenez sortutako lankidetza publiko-pribatua da, Denbora Erabiltzeko Modu Berrietan interesa duten Bizkaiko beste enpresa batzuk ere lankide izanik.

Topaketaren helburua DenBBora SAREAren NAZIOARTEKO IV. Jardunaldia prestatzea izan zen; jardunaldi hori apirilaren 7an izango da, Bizkaia Arenan (Abandoibarra 3) eta honako hau izango da gaia:

PARTAIDETZA ETA ITUNAK,denborak modu berrian kudeatzeko enpresetan

Jardunaldi horretan Irabazi ekonomikoei buruzko ikerketa egingo da.

Bileraren amaieran, jarduera ludiko bat egiteko aukera izan genuen; izan ere, bisita gidatu interesgarri bat egin genuen Foru Jauregira. Jauregi hori 1900ekoa da, denborak beste modu batean kudeatzen ziren garaikoa, hain zuzen ere. Gaur egun, denboraren erabileran BERRITZAILE izatea dagokigu, eta horretan ahalegintzen gara DenBBora Sarean.

Sareari buruz gehiago jakiteko, honako helbide honetara jo dezakezu: www.denbbora.net

Hiztegi elebiduna

LAN SAIOA. SESION DE TRABAJO

2017ko OTSAILAREN 17a,  17 de Febrero de 2017,

BIZKAIKO FORU LIBURUTEGIKO ARETOA.

DIPUTACION FORAL DE BIZKAIA. Biblioteca Foral

JARDUERA LUDIKOA AUKERAN, BISITA GIDATUA. FORU JAUREGIAN

 ACTIVIDAD LÚDICA OPCIONAL  VISITA GUIADA en el PALACIO FORAL.

HELBURUAK. OBJETIVOS

2017ko lan-plana. Plan de trabajo 2017

Nazioarteko Jardunaldiaren Programa. 2017ko apirila Programa de la Jornada Internacional. Abril 2017

Irabazi ekonomikoei buruzko ikerketa. Estudio sobre los beneficios económicos.

2017ko otsailaren 2an, Cristina Mendiak –Mutualiaren ordezkari gisa– Másfamilia Fundazioaren X. urteurrena ospatzeko jardunaldian parte hartu zuen Osasun, Gizarte Zerbitzu eta Berdintasun Ministerioan.

Ekitaldian, 80 erakundek jaso zuten bateragarritasun-bereizgarria Dolors Monserrat ministroaren eskutik, guztiak ere 2016an Familiarekiko Arduratsuak diren Enpresen ziurtagiria jasotako enpresak.

Ekitaldia Cadena 100 irrati-kateko Javi Nieves esatariak aurkeztu zuen, beren enpresetan bateragarritasuna kudeatzearen aldeko apustua egin duten erakundeen lidergoa nabarmenduz.

550 enpresak baino gehiagok txertatu dituzte bateragarritasun-neurriak beren kudeaketan, 500.000tik gora langileri eta beren familiei onura ekarriz. MUTUALIA da enpresa horietako bat.

Másfamilia Fundazioaren presidente Antonio Trueba hamar urte hauetan Fundazioak garatu dituen jardueren laburpena egin zien bertaratuei; esan zuenez, «ez dira urte errazak izan», eta Gobernuari eskatu zion bateragarritasuna barne hartzen duten klausula sozialak ezartzeko kontratazio publikoan.