AENOR aldizkariaren azken alean, pazienteen segurtasuna hobetzeko Mutualiaren praktika egokiak jasotzen dituen artikulua argitaratu da, eta, bertan azpimarratutakoaren arabera, Mutualia izan da Osasun Asistentziari loturiko Infekzioen Zaintzari, Prebentzioari eta Kontrolari buruzko UNE 179006:2013 arauaren arabera klinikak ziurtatu dituen lehenengo erakundea.
Urriaren 19tik 21era, Asistentziako Kalitatearen Espainiako Sozietatearen (SECA) XXXIV. Kongresua egin zen Kordoban. Mutualiak bertan hartu du parte, eta mahai-ingurua eskaini du, beste hainbat mutualitaterekin batera; gainera, 4 komunikazio aurkeztu ditu.
Azken urteotan, mota honetako kongresuetan izan gara beti, eta ekarpen zientifikoak eskaini izan ditugu; izan ere, asistentziako kalitatean egindako azken aurrerapenak ezagutzeko aukera aproposa iruditzen zaigu, baita beste erakunde batzuen praktika egokiak ikasteko eta, aldi berean, Mutualiakoak hedatzeko ere.
Aurten, mutualitateek egindako mahai-inguruan hartu du parte Mutualiak; izan ere, Víctor Etxenagusiak Kudeaketa Aurreratuaren ereduari eta Mutualiak gai horretan izandako ibilbideari buruzko azalpenak eman zituen. Mahai-ingurua osoko batzarren aretoan egin zen, eta ia osorik bete zen; hortaz, bertaratutakoen artean gaiak piztutako interes handia nabarmendu daiteke.
|
Mahai-ingurua |
Parte-hartzaileak |
| I. TOPAKETA ADITUEKIN: ESTALDURA ESPEZIALIZATUKO OSASUN ERAKUNDEETAKO AKREDITAZIO-SISTEMARAKO OSAGAIAK. |
Moderatzaileak: J. A. Carrasco (ACSA), R. Manzanera (MC Mutua) eta J.J. Mira (Miguel Hernández Unibertsitatea).
Hizlariak: M. Plana (MC Mutual), M. Vazquez (Asepeyo), V. Echenagusia (Mutualia), F. García (Fremap) eta P. Santos (Ibermutuamur). |
Gainera, 2016ko kongresuan, 4 komunikazio aurkeztu ditugu.
|
Komunikazioa |
Egileak |
Formatua |
| 5S FISIKOAK OSASUN-ARLOAN EZARTZEA:DENBORA, ESPAZIOAK ETA MATERIALAK KUDEATZEA ZERBITZU KLINIKOETAN. |
C. Marino Isidro, G. Olea Goiri, |
Ahozkoa |
| PAZIENTEEK/ERABILTZAILEEK BIDALITAKO IRADOKIZUNAK: ETENGABEKO HOBEKUNTZA, ERREHABILITAZIO ZERBITZUAN. |
E. Salazar Sobrino, O. Irazustabarrena Iturrioz eta J.M. Ibañez Ibañez |
Ahozkoa |
| FOKU TALDEEK ZER GEHITZEN DUTE GURE PAZIENTEEN SEGURTASUNERAKO? |
G. Olea Goiri, C. Marino Isidro, M. Ulibarrena Sáinz eta V. Echenagusia Capelastegui |
Elektronikoa |
| MUTUALIAKO OALI-EN ZAINTZA, PREBENTZIO ETA KONTROL SISTEMA, UNE 179006:2013 ZIURTAGIRIA |
L. Sainz de Vicuña Bravo, J. De La Fuente Ortiz de Zárate, V. Echenagusia Capelastegui, M. Ulibarrena Sáinz, L. Zaldua López eta E. Romero Basterretxea |
Elektronikoa |
Zorionak eman nahi dizkiegu pazienteei eskaintzen diegun asistentziako kalitatea hobetu nahian egunero Mutualian lan egiten duten pertsonei, baita Mutualiako praktika egokiak zabaltzen eta beste erakundetakoak ikasten ahalegintzen direnei ere.
Dagoeneko jarri dugu martxan Iradokizun Onenaren V Saria. Sariketarekin, gure zerbitzuen kalitatea hobetzen lagunduko digun urteko ideiarik onena aitortu nahi dugu.
Ekimena gure enpresa elkartuetako eta lankide ditugun aholkularitzetako langileei xedaturik dago.
Horien lanaren eta lankidetzaren bila gabiltza, zerbitzurik onena eskaintzen lagun diezaguten eta horien mutualitatea izaten jarrai dezagun.
Gure web-orrian eta gure asistentzia-zentroetan inprimaki sinple bat eskuratu dezakezue, iradokizuna eta egilearen datuak idazteko.
Iradokizunak 2016eko abenduaren 31ra arte aurkeztu ahal izango dira eta finalisten zerrenda 2017ko urtarrilean kaleratuko da.
Irabazleak iPad bat eskuratuko du.
Ekimena zure enpresako langileen artean zabaltzea eskatzen dizugu. Zenbat eta eskaera gehiago jaso, orduan eta aukera gehiago izango ditugu gure zerbitzuak hobetzeko. Kanpainako kartelak eta bertan parte hartzeko txartelak hemendik bertatik deskarga ditzakezu.
Mila esker hobetzen laguntzeagatik
2015eko ekainaren 25ean, Mutualiak QH asistentzia-kalitate egiaztagiria jaso zuen, zehazki QH+ IZAR 1 aitortza. Egiaztagiri hori lortzen duen lehenengo mutua.
Gaur Mutualiak 2016ko azaroaren 8an Osasunaren Garapen eta Gizarteratze Institutuaren eskutik sari berri bat jasoko du: QH + 2 IZAR egiaztagiria. Mutuak asistentzia-kalitate eta etengabeko hobekuntza arloan egindako lanaren aitortza da.
Egiaztagiri hau lortzeko asmoa duten erakundeek, ondorengo aitortza mailak eskuratu ditzakete: oinarrizko zigilua, QH + izar 1 (gaur arte genuena), QH + 2 izar edo QH + 3 izar (lortu daitekeen mailarik altuena eta oso erakunde gutxik lortzen dutena).
Maila igoera hau lortzeko, sari horiek ematen dituen erakundeak kontuan hartu ditu mutuak jaso dituen azken sari eta egiaztagiriak. Horien artean aipatzekoak: Ospitaleko Infekzioen UNE 179006:2013 egiaztagiri berria, Eraginkortasun Energetikoaren UNE-ISO 50001:2011, Kudeaketa Aurreratuaren Euskal Sarian Urrezko aitortza eta gure eraikin askotan Irisgarritasunean lorturiko hobekuntzak eta, aurretiaz lorturiko egiaztagiri guztiak mantentzea.
| Aldizkari ofizialetan argitaraturiko interes orokorreko xedapenak, 2016ko urriaren 17tik 29ra bitartean (BOE, EHAA, ALHAO, BAO, GAO eta EBAO) | ||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||
|
Kepa Bilbao Zubiaur |
||||||||||||||||||||||||||||||||||||||||||||||||||||||||||||||||||||||||||||
Gure osasun-laguntzan kontrako efektuak jakinarazteko sistema zabaltzeko, pazienteen segurtasunean gertatutako kontrako gorabeherak jakinarazteko orri bat jarri da Mutualiaren webgunean.
Zuk, pazientea edo paziente baten senitartekoa zaren aldetik, kontrako gorabeheraren baten berri jakiten baduzu, agiria betetzea eta guri bidaltzea eskertuko genizuke.
Jakinarazpen horiek lagundu egiten digute gure bezeroentzat nahi dugun arreta-kalitatea areagotzeko helburu behinenean.