Kategoria: Sin categoría

MADRILGO KARLOS III.A UNIBERTSITATEAK gonbidatu du MUTUALIA

Maiatzaren 10ean MUTUALIA-K txosten batekin parte hartu zuen Madrilgo Karlos III.a Unibertsitateak antolatutako NEGOZIAZIO KOLEKTIBOA BERDINTASUN-NEURRIAK ERAGINKORTASUNEZ EZARTZEKO BIDE GISAdeitutako mintegiaren barruan.

Eva María Blánquez Agudo andreak aurkeztu zuen mintegia, Madrilgo Karlos III.a Unibertsitatean Lanaren eta Gizarte Segurantzaren Zuzenbideko irakasle titularra denak.

Madrilgo Karlos III.a Unibertsitateko Lanaren eta Gizarte Segurantzaren Zuzenbideko irakasle titular María Teresa Alameda Castillo andreak Femeninoan ekitea gaia hartu zuen hizpide.

Osasun, Gizarte Zerbitzu eta Berdintasun Ministerioko Ángel Díaz Gutiérrez jaunak Esperientzia praktikoa erakundeetatik izeneko txostena aurkeztu zuen, eta Marta Martín García andreak zein Mercedes Ocaña Aguirre andreak Alcobendasko Udalaren esperientzia ezagutarazi zuten.

 

Mutualiako Cristina Mendiak jardun zuen mahaian Wolters Kluwer eta Adecco enpresek ere hartu zuten parte, eta CEOEko Lan Harremanen Saileko zuzendari Jordi García Viñas jauna aritu zen moderatzaile.

 

EMAKUNDE saria emateko ekitaldira gonbidatu dute MUTUALIA

Apirilaren 26an, Emakunde saria emateko ekitaldian parte hartu zuen Mutualiak, Donostiako Kursaalean. Iñigo Urkullu lehendakaria izan zen ekitaldi horren buru. Aurtengo saria Arabako Baserritar Inguruko Emakumeen Sareak eta Hitzez Baserriko Emakumeen Elkarteak eskuratu zuten.

Hori baino lehen lan-saio bat egin zuten Emakumeen ahalduntzea: berdintasunerako gakoak gaia hartuta.

 

Jakintza eta Zientzia feminismotik

Maiatzaren 4an, Cristina Mendia, MUTUALIAren ordezkari gisa, Deustuko Unibertsitatearen Bilboko Ingeniaritza Fakultatera gonbidatu zuten. Han jardunaldi hau egin zuten:

Jakintza eta Zientzia  ikuspuntu feministatik:  Matematika-hezkuntza  praktikan jartzen.

Jardunaldi horretan historia aztertu zuten zientziaren eta matematikaren arloan lorpen handiak erdietsi zituzten emakumeen gaineko ezagutza zabaltzeko, halakoen lana askotan guztiz ezezaguna izaten baita.

ADA BYRON matematikaria, Lord Byronen alaba, lehen programatzaile informatikoa izan zen.

 

 

MUTUALIA, BERDINTASUNEKO ESTATU IDAZKARITZAN

Maiatzaren 11n, Zuzendaritza Batzordeetan emakumeen eta gizonen parte-hartze orekatua lortzeko itundutako helburuari dagokionez egindako aurrerapenak aurkezteko aukera izan genuen. Zehazki, Mutualiak 2014an sinatutako Borondatezko Hitzarmenetan adostu genuen aipatutako helburua.  Emaitzak Mutualiaren aurrerapenak baieztatzen ditu, eta hala berretsi zuen Zuzendari Nagusiak, zeinak hasitako ekintzen zein egindako jarraipenaren oso balorazio positiboa egin zuen. Horrez gain, Mutualia berritasunak aurkeztu zituen eta erakundeek beraiek beren gain hartzeko hainbat ideia eman zituen enpresa bakarra izan zela adierazi zuten. Norvegiako Enbaxadarekin batera diseinatutako aipatutako programaren emaitzetan enpresek aurrera egin dezaten bultzatzea eta laguntzea zuten helburutzat ideia horiek.

EAE-KO ENPRESETAN BERDINTASUNA ETA SEXUAGATIK EZ BEREIZTEA SUSTATZEN

Bilbon maiatzaren 11n egin zuten EAEko enpresetan berdintasuna eta sexuagatiko bereizkeriarik eza sustatzen jardunaldiaren barruan Eusko Jaurlaritzako Enplegu eta Gizarte Politiketako sailburu Ángel Toñak eta Emakunde-Emakumearen Euskal Erakundeko zuzendari Izaskun Landaidak Erakundearen eta autonomia-erkidegoko administrazio orokorraren arteko hitzarmena sinatu zuten emakumeen eta gizonen arteko berdintasun eraginkorra sustatzeko eta Euskal Autonomia Erkidegoko enpresetan sexuagatiko bereizkeria-egoerak prebenitu edo deuseztatzeko.

Ángel Toñak eta Izaskun Landaidak ez ezik, Euskal Autonomia Erkidegoko Lan eta Gizarte Segurantzaren Ikuskaritzako zuzendariorde Ricardo Minguezek eta Vigoko Unibertsitateko Laneko eta Gizarte Segurantzako Zuzenbidean katedradun Jaime Cabeza Pereirok ere hartu zuten parte, eta Sexu-bereizkeria lan-harremanetan izeneko txostena aurkeztu zuten.

«Euskal Autonomia Erkidegoko lan-merkatuan emakumeen eta gizonen arteko desoreka handia dago oraindik, emakumeen eta gizonen arteko tratu-ezberdintasunak gertatzen dira lan-arloan, generoko soldata-arraila ez da desagertu, eta sexuagatiko jazarpen-egoerak daude lan-arloan. Hori guztia egiaztatuta, Eusko Jaurlaritzako Enplegu eta Gizarte Politiketako sailburuak, Euskal Autonomia Erkidegoko Administrazio Orokorraren ordezkari gisa, eta Emakunde-Emakumearen Euskal Erakundeko zuzendariak hitzarmena sinatu dute. Bi aldeek lankidetzan aritzeko konpromisoa hartzen dute horren bidez, nork bere eskumen-esparruan, emakumeen eta gizonen arteko aukera- eta tratu-berdintasuna erreala eta eraginkorra izateko baldintzak sustatzeko; hain zuzen, lana eskuratzeko baldintzetan, prestakuntzan, sustapenean, ordainsarietan eta kontratuak azkentzeko orduan».

Mutualiaren ordezkari Maria BODON eta Jose Ignacio VALBUENA aritu ziren, biak ala biak Berdintasunerako Batzordeko kide, eta Maria Eugenia Bengoetxeak ere hartu zuen parte.

MUTUALIA INNOBASQUE-N

 

Maiatzaren 20an, Bizkaiko Teknologia Parkeko Innobasquen MUTUALIAk bere ezagutza espezializatua partekatu zuen Brunch & Learn: Lana eta familia bateragarri egiteko neurriek erakundeetan duten eragina izeneko jardunaldian. Besteak beste galdera hauek aztertu zituzten: Nola eragiten dute lana eta familia bateragarri egiteko neurriek pertsonen gogobetetzean eta talentua erakartzeko gaitasunean? eta Zein balio ekonomiko du pertsonentzat lana eta familia bateragarri egiteak? 

 

Adimen enpresak Estatu osoan ospe korporatiboari buruzko eginiko azterketan oinarritutako datuekin egindako txosten zabala aurkeztu zuen, eta Euskaltelek bere kasu praktikoa aurkeztu zuen.

Horren ostean WorldKafe bat izan zen, non enpresek eta profesionalek gure erakundeetako lana eta familia bateragarri egitearen oraina eta etorkizuna planteatu genituen.

 

GIZONEN ETA EMAKUMEEN ARTEKO LAN-BEREIZKERIA ETA SOLDATA-ARRAILA

Maiatzaren 21ean, MUTUALIAk LAN-BEREIZKERIA ETA SOLDATA-ARRAILAri buruzko jardunaldian parte hartu zuen Ramón Rubial Fundazioak gonbidatuta. Zehazki, Cristina Mendia izan zen erakundearen ordezkaria. Jardunaldi horretan Deustuko Unibertsitateko irakasle titular eta ikertzaile MARIA SILVESTREk eta UGT eta CCOO sindikatuen bi ordezkarik ere hartu zuten parte.

Aurreko apirilaren 28an KONTZILIAZIOARI BURUZKO FOROA egin zen Bilbon, Deustuko Unibertsitateko Business Schooleko Icaza entzungelan, PWNk antolatuta (Professional Women’s Network).

AITOR BALZA gure lankideak kontziliazioko bere esperientzia kontatu zigun: Bere semea jaio eta gero lanaldiaren murrizketa eskatu zuen, umearen zaintzan era aktiboan parte hartu ahal izateko.

Mutualiak erantzukidetasuna sustatzen du gizonei horrelako kontziliazio-neurriak eskatzea erraztuz, eta Foroan parte hartu zuen Petronor eta Innobasque erakundeekin batera, besteak beste. Hitzaldiak amaitu zirenean solasaldi bat egin zen forora bertaratu ziren pertsonekin batera. Jendeak interes handia erakutsi zuen eta galderak egin zizkien bai hizlariei bai Aitorri, eta azken horrek bere esperientzia kontatu zion publikoari, guztiak poz-pozik utziz.

Publikoak esker onez entzun zituen Aitorren azalpenak, eta oso positiboa iruditu zitzaien gizonek ere erakundeek eskaintzen dizkieten kontziliazio-neurriak hartzen hastea. Hori dela eta gonbidatu zuten Mutualia, erreferentzia bat delako.

Gerentearen aurkezpena,Guillermo Imaz:

 Ekonomia eta Enpresa Zientzien lizentziaduna ESTEn eta MBA Executive Deustuko Unibertsitatean. Madrilen lau urte multinazional iparamerikar batean lanean eman eta gero, Eyherren sartu zen 1995ean, gerentearen laguntzaile bezala. César Trocaolarekin batera, enpresa erosi zuen 2009an. Bera ere Enpresa Zientzien lizentziaduna eta MBA Executive da Deustuko Unibertsitatean. Elkarrekin, enpresaren hazkundea eta dibertsifikazioa sustatu zuten ingeniaritza-saila indartuz eta puntako sektore batzuetan zuen presentzia sendotuz (besteak beste, sektore aeronautikoan, automobilgintzan eta energia-sektorean).

 

Beren hazkunde-estrategia berrikuntzan eta konponbide berrien garapenean oinarritzen da, bai eta azpikontratazio-politika batean ere. Horrela, Eyherrek beretzat gordetzen ditu egiteko batzuk, horietan eman dezakeen balioa oso altua delako (adibidez, diseinua edo amaierako muntaketa eta puntuan jartzea), baina malgutasuna dauka bere ekoizpen-ahalmena asko igotzeko. Estrategia hori jarraituz, bikoitza fakturatu dute 2015ean.

 

Zer egiten du enpresak eta noiz sortu zen?

 

Eyher 1953an sortu zen. Industrian zamak mugitzeko konponbideak diseinatu eta ekoizten ditu, 500 kilotik 300 tonaraino, bai eta pertsonak igotzeko konponbideak ere. Ekoizten dituen gaien artean plataforma jasotzaileak eta zamak iraultzeko makinak daude, AGVak, etab.

Hogeita zortzi langile ditu eta ia jarduera-sektore guztietan egiten du lan, baina azkenaldian indar gehien izaten ari den sektorea aeronautikoa da.

Hegan – Euskadiko Aeronautika Klusterreko kide da Eyher. Irabazi asmorik gabeko erakunde pribatu horrek Euskadiko aeronautika eta espazioko sektoreko eragileak biltzen ditu. Sektore hori ordezkatu eta dinamizatzea da haren helburua, epe labur, ertain eta luzeko lehiakortasuna handitzeko. Horretarako, lankidetza eta berrikuntza sustatzen dituzte enpresen eta beste agenteen artean, elkarlanean sektoreko erronka estrategikoei erantzuna emanez.

Eyherrez gain, enpresak (Aernnova, ITP, Sener, Alestis, DanobatGroup, DMP edo KortaGroup), zentro teknologikoak (IK4 edo Tecnalia) eta prestakuntza-zentroak (Deustuko Unibertsitatea edo Mondragon Unibertsitatea) dira Heganeko kide.

 

 Merkataritza Ganberak ETE industrial onenaren saria eman dizue 2015ean. Zer esan nahi du sari horrek?

 Sari hori onespen handia izan da Eyherreko erakunde guztiarentzat. Izan ere, Merkataritza ganbera Gipuzkoako industriaren garapenaren alde eta, ondorioz, Gipuzkoako gizarte guztiaren garapenaren alde ari den erakundea da. Horrek esan nahi du ondo ari garela, baina oraindik bide luzea geratzen zaigu nahi dugun lekura iritsi arte.

Interes orokorreko xedapenak, aldizkari ofizialetan (BOE, EHAA, ALHAO, BAO, GAO, EBAO) 2016ko maiatzaren 16tik 21era argitaratuak

I.-HITZARMEN KOLEKTIBO SEKTORIALAK: Estatuko Aldizkari Ofiziala, 2016-05-16 ENPLEGU ETA GIZARTE SEGURANTZA MINISTERIOA 2016ko maiatzaren 3ko Ebazpena, Enpleguko Zuzendaritza Nagusiarena, Ikus-entzunezko obren produktoreen eta haietan zerbitzua egiten duten aktoreen arteko lan-harremanak arautzeko Estatu mailako III. hitzarmen kolektiboa erregistratu eta argitaratzen duena. 4703. xedapena – 20 or. 2016ko maiatzaren 3ko Ebazpena, Enpleguko Zuzendaritza Nagusiarena, Unibertsitate pribatuen, unibertsitate-zentro pribatuen eta graduondoko prestakuntza-zentroen VII. hitzarmen kolektibo nazionala erregistratzen eta argitaratzen duena. 4705. xedapena – 24 or. Estatuko Aldizkari Ofiziala, 2016-05-18 ENPLEGU ETA GIZARTE SEGURANTZA MINISTERIOA 2016ko maiatzaren 3ko Ebazpena, Enpleguko Zuzendaritza Nagusiarena, Ikus-entzunezko obren produktoreen eta haietan zerbitzua egiten duten figuranteen arteko lan-harremanak arautzeko Estatu mailako hitzarmen kolektiboa erregistratu eta argitaratzen duena. 4758. xedapena – 8 or. 2016ko maiatzaren 3ko Ebazpena, Enpleguko Zuzendaritza Nagusiarena, Hotz industrialen hitzarmen kolektiboa erregistratzen eta argitaratzen duena. 4759. xedapena – 36 or. 2016ko maiatzaren 5eko Ebazpena, Enpleguko Zuzendaritza Nagusiarena, Dantzaleku eta diskoteketako langileen soldata-taulei buruzko akordioaren akta eta langile horien Estatu mailako hitzarmen kolektiboaren 1., 11. eta 29. artikuluen eta III. eranskinaren aldaketa erregistratzen eta argitaratzen dituena. 4760. xedapena – 8 or. Estatuko Aldizkari Ofiziala, 2016-05-19 ENPLEGU ETA GIZARTE SEGURANTZA MINISTERIOA 2016ko maiatzaren 3ko Ebazpena, Enpleguko Zuzendaritza Nagusiarena, Ore, paper eta kartoiaren hitzarmen kolektiboa erregistratzen eta argitaratzen duena. 4790. xedapena – 87 or.   II.-ARAU-XEDAPENAK BOE (Estatuko Aldizkari Ofiziala): 2016-05-17 EKONOMIA ETA LEHIAKORTASUN MINISTERIOA ·         Kontu Auditoretza. Tasak.- 2016ko maiatzaren 10eko Ebazpena, Kontabilitate eta Kontu Auditoretza Institutuarena, Kontu Auditoretzaren uztailaren 20ko 22/2015 Legearen 88. artikuluak xedatzen duen tasa ordaintzean autolikidazioa aurkezteko prozedura eta tasa hori telematikoki ordaintzeko baldintzak ezartzen dituena. 4714. xedapena – 3 or. 2016-05-18 OSASUN, GIZARTE ZERBITZU ETA BERDINTASUNERAKO MINISTERIOA. ·         Substantzia eta produktu psikotropikoak.- SSI/748/2016 Agindua, maiatzaren 11koa, zeinaren bitartez substantzia eta prestakin medizinal psikotropikoak eta haien fabrikazioa, banaketa, preskripzioa eta ematea arautzen dituen urriaren 6ko 2829/1977 Errege Dekretuaren I. eranskinean zenbat substantzia sartzen diren eta 1-bentzilpiperazina (BZP) substantzia kontrol-zerrendatik transferitzen den. 4737. xedapena – 3 or. 2016-05-19 LEHENDAKARITZA MINISTERIOA ·         Diru-sarrerak itzultzea.- 191/2016 Errege Dekretua, maiatzaren 6koa, Estatuko Herri Ogasunak bidegabeko diru-sarrerak, zerga- eta aduana-arlokoak ez direnak, nola itzuli arautzekoa. 4777. xedapena – 5 or. AUZITEGI GORENA ·         Epaiak.- 2016ko otsailaren 9ko Epaia, Auzitegi Gorenaren Hirugarren Epaimahaiarena, abenduaren 19ko 1073/2014 Errege Dekretuaren lehen artikuluaren hemeretzigarren zenbakia ezeztatzen duena. 1073/2014 Dekretu horrek honako erregelamendu hauek aldatzen ditu: Balio Erantsiaren gaineko Zergaren Erregelamendua, abenduaren 29ko 1624/1992 Errege Dekretuak onartua; zergak kudeatu eta ikuskatzeko eta zergak aplikatzeko prozeduren arau komunak garatzeko jarduera eta prozeduren Erregelamendu Orokorra, uztailaren 27ko 1065/2007 Errege Dekretuak onartua; eta Fakturatzeko betebeharra arautzen duen Erregelamendua, azaroaren 30eko 1619/2012 Errege Dekretuak onartua. Zehazki, testuak biltzen duen tartekia ezeztatzen du: «…betiere Estatuko Administrazioan zergak ordaintzen baditu». 4778. xedapena – 1 or. 2016-05-20 NEKAZARITZA, ELIKADURA ETA INGURUMEN MINISTERIOA ·         Haziak eta mintegiko landareak. Araudia.- AAA/765/2016 Agindua, maiatzaren 13koa, otsailaren 11ko 170/2011 Errege Dekretuak onartutako barietate komertzialen erregelamendu orokorreko IV. eta VII. eranskinak aldatzen dituena. 4809. xedapena – 3 or. EKONOMIA ETA LEHIAKORTASUN MINISTERIOA ·         Kontabilitate Plan Orokorra.- 2016ko maiatzaren 18ko Ebazpena, Kontabilitate eta Kontu Auditoretza Institutuarena, 2016ko otsailaren 9ko Ebazpeneko akatsak zuzentzekoa (Ebazpen hark urteko kontuak erregistratzeko, balioztatzeko eta egiteko arauak garatzen ditu, irabazien gaineko zergaren kontabilitateari begira). 4810. xedapena – 1 or. 2016-05-21 LEHENDAKARITZA MINISTERIOA ·         Gailu elektrikoak eta elektronikoak.- Maiatzaren 19ko PRE/772/2016 Agindua, gailu elektriko eta elektronikoetan substantzia arriskutsu jakin batzuk erabiltzeko mugei buruzko martxoaren 22ko 219/2013 Errege Dekretuaren IV. eranskina aldatzen duena. 4860. xedapena – 2 or. EHAA (Euskal Herriko Agintaritzaren Aldizkaria): 2016-05-17 GIPUZKOAKO FORU ALDUNDIA ·         1/2016 FORU ARAUA, martxoaren 14koa, Zergen Foru Arau Orokorra aldatzen duena Foru Ogasunarekin zerga zorrak edo zehapenak dituztenen zerrendak aldizka argitaratzea ezartzeko, zordun horiek zirkunstantzia jakin batzuetan daudenean. 2053. xedapena – 4 or. 2016-05-19 LEHENDAKARITZA 6/2016 LEGEA, maiatzaren 12koa, Euskadiko Hirugarren Sektore Sozialari buruzkoa. 2096. xedapena – 19 or. 2016-05-20 LEHENDAKARITZA 75/2016 DEKRETUA, maiatzaren 17koa, Terrorismoaren Biktimen Partaidetzarako Euskal Kontseiluarena. 2119. xedapena – 4 or.   ALHAO (Arabako Lurralde Historikoko Aldizkari Ofiziala):  BAO (Bizkaiko Aldizkari Ofiziala): 2016-05-07 Ogasun eta Finantza Saila Ogasun eta Finantzen foru diputatuaren 972/2016 FORU AGINDUA, maiatzaren 10ekoa. Foru agindu honen bidez, batez besteko salmenta-prezioak onartu dira, Ondare Eskualdaketen eta Egintza Juridiko Dokumentatuen gaineko Zerga, Oinordetza eta Dohaintzen gaineko Zerga, eta Zenbait Garraiobideren gaineko Zerga Berezia kudeatzean aplikatzeko, prezio horiek 2015eko abenduaren 21eko 2413/2015 Foru Aginduaren bidez onartu ez ziren kasuetarako. 1429. xedapena – 7. or. eta hurrengoak.   GAO (Gipuzkoako Aldizkari Ofiziala): EBAO (Europar Batasuneko Aldizkari Ofiziala):

Bizkarraren behe aldean izan ohi dugun mina da lunbalgia, bizkarrezurraren gihar eta hezurren egitura eskeletikoan sortzen dena. Laneko esparruan gertatzen diren osasun-arazoen artean garrantzitsuenetakoa da, eta gazteei, helduei zein adinekoei eragiten die.

Biztanleen %80k pairatu du halako mina, gutxienez bizian behin. Jatorriari dagokionez, bizkarreko gihar eta ligamenduen distentsioak eragiten du gehienetan, bat-bateko mugimenduak egin edota gauza pisutsuak altxatzen ditugunean, esaterako.

Mina egun gutxiren buruan desagertzen bada ere, zenbait kasutan, prozesua kronifikatu, eta, ondorioz, min hori areagotu egiten da berriro ere; behar bezala tratatzen ez dugunean, batik bat.  Lunbalgiaren sintoma ohikoenak hauek dira: mina gorputzeko puntu lokalizaturen batean, hanturak edota giharretako kontrakturak.  Sintoma horiekin batera bestelakoak ere ager daitezke, esaterako, inurridura, paralisiak, etab.  Nerbio ziatikoa narritatzen denean hankan izan ohi den minarekin ere lotzen dugu lunbalgia, zenbait kasutan.

Prebentzioari dagokionez, aholku hauek jarrai daitezke:

– Mantendu zaitez fisikoki aktibo, eta saihestu sedentarismoa.

– Eguneroko jardunean, bete itzazu jarrerari buruzko higiene-arauak.

– Mina izanez gero, zaindu zeure burua, eta egin kontsulta osasun arloko profesionalen bati.

Lunbalgia diagnostikatzen digutenean, badira mina arintzeko lagungarriak izan daitezkeen zenbait neurri:

– Erabateko atsedena agindu baldin badizute, ahal izanez gero, ez egon 2-3 egun baino gehiago ohean.

– Ekin iezaiozu zure ohiko jarduerari (sozialari, kirol arlokoari eta lanekoari) ahalik eta lasterren, sintomak gutxitu ahala.

– Zaindu gorputzeko jarrera-higienea, eta saihestu bizkarraldeko gainkargak.

– Aplikatu beroa edo hotza min duzun zonaldean.

– arraitu osasun arloko profesionalak agindutako tratamendu farmakologikoa eta egin gomendatu dizkizun ariketak.

 

Bizkarraldeko eta gerrialdeko bizkarrezurra indartzea

Pelbisaren erretrobertsioa

Gerrialdeko bizkarrezurra luzatzea

Abdominalen isometrikoak

ariketa taula (gaztelaniaz)

Interes orokorreko xedapenak, 2016ko maiatzaren 9tik 14ra bitarteko buletinetan argitaratutakoak (BOE, EHAA, ALHAO, BAO, GAO eta EBAO).

I.- HITZARMEN KOLEKTIBO SEKTORIALAK: II.-XEDAPEN NORMATIBOAK: BOE (Estatuko Aldizkari Ofiziala) Eguna: 2016-05-10 INDUSTRIA, ENERGIA ETA TURISMO MINISTERIOA ·         Bateragarritasun elektromagnetikoa.- Maiatzaren 6ko 186/2016 Errege Dekretua, ekipo elektriko eta elektronikoen bateragarritasun elektromagnetikoa arautzen duena. 4442 xedapena – 24 orrialde ·         Energia elektrikoa.- Maiatzaren 6ko 187/2016 Errege Dekretua, tentsio muga jakinetan erabiltzera bideratutako material elektrikoaren segurtasun betebeharrak arautzen dituena. 4443 xedapena – 16 orrialde ·         Telekomunikazioak.- Maiatzaren 6ko 188/2016 Errege Dekretua, ekipo erradioelektrikoak merkaturatu eta zerbitzuan zein erabilpenean jartzeko baldintzak ezartzen dituen araudia onartzen duena, eta adostasuna ebaluatzeko prozedura, merkatuaren zaintza eta telekomunikazio ekipoen erregimen zigortzailea arautzen dituena. 4444 xedapena – 40 orrialde Eguna: 2016-05-11 INDUSTRIA, ENERGIA ETA TURISMO MINISTERIOA ·         Jabari publiko erradioelektrikoa.- 2016ko maiatzaren 5eko Telekomunikazio eta Informazio Gizarterako Estatu Idazkaritzaren Ebazpena, jabari publiko erradiolektrikoa erabiltzeko aldez aurreko ikuskaritza behin-behinean teknikari batek emandako ziurtagiri bategatik ordezkatzen duena komunikazio elektronikoen zerbitzuko estazio erradioeletrikoen 800 MHz-ko frekuentzia-bandan. 4473 xedapena – 3 orrialde Eguna:2016-05-12 JUSTIZIA MINISTERIOA ·         Administrazio prozedurak. Kudeaketa informatizatua.- Maiatzaren 4ko JUS/698/2016 Agindua, interesatuen izenean espainiar herritartasuna eskatzeko eskaerak elektronikoki aurkezteko gaikuntza hitzarmenak izenpetzeko baldintzak eta betebeharrak ezartzen dituena. 4505 xedapena – 5 orrialde NEKAZARITZA, ELIKADURA ETA INGURUMEN MINISTERIOA ·         Hondakinak eta lurzoru kutsatuak.- Maiatzaren 9ko AAA/699/2016 Agindua, hondakinen eta lurzoru kutsatuen uztailaren 28ko 22/2911 Legearen II. eranskineko R1 operazioa aldatzen duena.4507 xedapena – 3 orrialde. Eguna: 2016-05-14 ENPLEGU ETA GIZARTE SEGURANTZAKO MINISTERIOA ·         Profesionaltasun ziurtagiriak.- Maiatzaren 9ko ESS/722/2016 Agindua, teleformakuntza modalitatean eman daitezkeen profesionaltasun ziurtagirien eskaintza zabaldu eta teleformakuntza emateko baldintzak ezartzen dituena. 4636 xedapena – 46 orrialde ·         Enplegurako lanbide heziketa.- Maiatzaren 9ko ESS/723/2016 Agindua, Hezkuntza Espezialitateen Katalogoan aurreikusi gabeko formakuntza eskaintzeko hezkuntzako erakundeek aurkeztu behar duten erantzukizunpeko adierazpenaren eredu espezifikoa garatzen duena. 4637 xedapena – 8 orrialde EKONOMIA ETA LEHIAKORTASUN MINISTERIOA ·         Aseguru pribatuak.- Maiatzaren 9ko ECC/724/2016 Agindua, honako informazio kuantitatiboko ereduak onartzen dituena: kaudimenezko araubide orokorreko erakunde aseguratzaile eta berraseguratzaileek estatistika eta kontabilitate ondorioetarako bidali beharrekoak; kaudimenezko araubide orokorreko erakunde aseguratzaile eta berresaguratzaileek ikuskaritza, estatistika eta kontabilitate ondorioetarako bidali beharrekoak; kaudimenezko araubide orokorreko erakundeek inbertsio eta heriotzen gainean bidali beharrekoak ikuskaritza, estatistika eta kontabilitate ondorioetarako; eta kaudimenezko araubide orokorra indarrean sartzean ikuskaritza ondorioetarako bidali beharrekoak. 4639 xedapena – 120 orrialde EHAA (Euskal Herriko Agintaritzaren Aldizkaria): Eguna:2016-05-12 EKONOMIAREN GARAPEN ETA LEHIAKORTASUN SAILA AGINDUA, 2016ko maiatzaren 11koa, Ekonomiaren Garapen eta Lehiakortasuneko sailburuarena, zeinaren bidez 2016ko ekitaldirako diru-laguntza itzulgarriak arautzen baitira eta horietarako deialdia egiten baita oinarri teknologikoa duten edo berritzaileak diren enpresa txiki eta ertainak sortu eta garatzeko. Gauzatu Industria Programa. 1997 xedapena – 18 orrialde OSASUN SAILA AGINDUA, 2016ko apirilaren 26koa, Osasuneko sailburuarena, EAEko haurren 2016ko txertaketa-egutegiari buruzkoa. 2004 xedapena – 3 orrialde Eguna: 2016-05-13 ENPLEGU ETA GIZARTE POLITIKETAKO SAILA 71/2016 DEKRETUA, maiatzaren 10ekoa, zeinen bidez onartzen baita Euskal Autonomia Erkidegoko langileen 2017. urteko jaiegunen egutegi ofiziala.  2015 xedapena – 2 orrialde ALHAO (Arabako Lurralde Historikoko Aldizkari Ofiziala)  BAO (Bizkaiko Aldizkari Ofiziala): Eguna: 2016-05-11 Bizkaiko Lurralde Historikoko Foru Administrazioa Herri Administraziorako eta Erakunde Harremanetarako Saila.- Bizkaiko Foru Aldundiaren 40/2016 FORU DEKRETUA, martxoaren 8koa. Honen  bidez, luzatu  eta aldatu egiten da Bizkaiko Foru Aldundiaren Enplegu Publikoa Antolatzeko Plana onesten duen Bizkaiko Foru Aldundiaren 2014ko uztailaren 15eko 87/2014 Foru Dekretua. 3. or. eta hurrengoak Bizkaiko Foru Aldundiaren 92/2016 FORU DEKRETUA, maiatzaren 10ekoa, zeinak aldatzen baitu 2008ko urriaren 21eko 152/2008 Foru Dekretuaren bidez onarturiko Giza Baliabideen Plan Estrategikoa, halaber aldatua honako Foru Dekretu hauen bidez: 173/2011, azaroaren 22koa, 78/2013, maiatzaren 28koa, eta 10/2014, otsailaren 18koa. 5. or. eta hurrengoak GAO (Gipuzkoako Aldizkari Ofiziala): EBAO (Europar Batasuneko Aldizkari Ofiziala):

Jaulkitako fakturen kudeatze- eta kobratze-prozedurak hobetzen jarraitzeko, eta abenduaren 27ko 25/2013 legea (faktura elektronikoa sustatzekoa eta «Facturae 3.2» faktura elektronikoko formatura egokituz estatuko, autonomietako eta tokian tokiko sektore publikoan fakturen kontularitza-erregistroa sortzekoa) betetzeko asmoz, Mutualiak «Facturae» formatuaz ordeztuko du fakturak jaulkitzeko bere modua, 2016. urtean zehar.

Edozein zalantza edo kontsulta argitzeko, jo ezazue Mutualiaren helbide elektroniko honetara: facturaelectronica@mutualia.es

Laster informazio gehiago helaraziko dizuegu, fakturazio elektronikoa noiz jarriko den martxan jakinarazteko.