Kategoria: Sin categoría

Mutuaren zuzendaritza taldeak izendapena onartu du, eta Ministerioko Enplegu eta Gizarte Segurantzara bidali da, bertan berresteko.

Mutualia, Gizarte Segurantzarekin lankidetza duen 2 zk.ko Mutuako, zuzendaritza batzordeak, Ignacio Lekunberri Mutualiako Zuzendari Kudeatzaile gisa izendatzeko proposamena bidali du Enplegu Ministeriora eta Gizarte Segurantzara.

Ignacio Lekunberri Ekonomia eta Enpresa Zientzietan lizentziatua da UPV/EHUtik. Mutuan egin duen ibilbidea 1985ean hasi zen, 1990ean Mutua Vizcaya Industrial-eko Finantza Zuzendari bezala izendatua izanik. 2003tik 2012ra kudeaketa kontroleko zuzendari izan da, hasieran Mutua Vizcaya Industrialen eta 2006tik aurrera Mutualian. 2012an Zuzendari Kudeatzailearen alboko izendatu zuten. Esparru instituzionalean, Ignacio Lekunberri, Euskalit, Bikaintasunerako Euskal Erakundeko, presidentea izan zen 2011-2013 denboraldian.

Ignacio Lekunberrik lanpostu berrian izango duen helburua, Mutualia sektore horretako erreferentziazko mutua gisa sendotzea izango da, beti ere bezeroaren itxaropenak kontuan izanda, elementu bereizle gisa.

Mutualia, 2006an, gizarte segurantzako lan istripuen eta gaixotasun profesionalen Euskadiko hiru mutua garrantzitsuenek bat egin ondoren sortu zen. Mutuak laneko istripuen, gaixotasun profesionalen eta ohiko kontingentzien ondoriozko aldi baterako ezintasunak aseguratzen ditu, eta enpresei zerbitzua ematen die laneko arriskuen alorrean.

Azken urteetan, Mutualiak bere bezeroak fidelizatzera eta enpresa sortu berriak bereganatzera zuzendutako jarduera indartu du. Estrategia horri esker Euskadiko Autonomia Erkidegoko lehenengo mutua gisa finkatzea lortu du. 2014. urtea, %42ko merkatu kuotarekin itxi zuen.

Apirilaren 1ean, 2015eko kanpainako Bonus pizgarriaren eskabideak aurkezteko epea irekiko da. Jarraian, pizgarri horretara jotzeko beharrezko betekizunak gogoraraziko dizkizuegu.

Arauetan aldaketarik izan da?

Alde batetik,  Gizarte Segurantzaren lan-istripu eta gaixotasun profesionalen mutuen araubide juridikoari dagokionez Gizarte Segurantzaren Lege Orokorraren testu bategina aldatzen duen abenduaren 26ko 35/2014 Legearen laugarren xedapen gehigarriak ezartzen du gobernuak, urtebeteko epean, Bonus pizgarrien sistema arautzen duen araudia eguneratuko duela, pizgarria eskatzeko, aitortzeko eta ordaintzeko prozesua eta ezbeharren portaera helburu duen sistemaren ezarpena bizkortzeko eta sinplifikatzeko.

Gaur, ez dakigu zer aldaketa-mota ezarriko den indarrean dagoen Bonus pizgarrien sisteman, ez eta horiek aurtengo kanpainan eragina izango duten ere, baina, hura hasteko egun gutxi geratzen direla kontuan hartuta, espero dugu –eta hala nahi dugu– aldaketak 2016ko kanpainan sartzea indarrean.

Beste alde batetik, ESS/86/2015 Aginduak, urtarrilaren 30ekoak, 2015erako kotizazio-neurriak garatzen dituenak, 2014ko behaketa-aldirako ezbehar-indize orokorren eta muturrekoen muga-balioak ezartzen ditu. Balio horiek behera egin dute, 2013. urtekoen aldean, jarraian zehazten diren jarduera ekonomikoko kode hauetarako. Gainerako muga-balioek ez dute aldaketarik izan.

JESN		Behaketa-aldia	Ezbehar-indize orokorraren muga 1	Ezbehar-indize orokorraren muga 2	Muturreko ezbehar-indizearen muga
19	Kokeriak eta petrolioa fintzea	2013	13,13	1,19	0,74
		2014	6,43	0,58	0,74
70	Egoitza nagusien jarduerak; enpresa-kudeaketarako aholkularitza-jarduerak	2013	6,43	0,58	0,36
		2014	4,28	0,39	0,36
99	Lurraldetik kanpoko erakundeen eta organismoen jarduerak	2013	8,5	0,77	0,48
		2014	6,43	0,58	0,36

Diseinu berritzailea duen webgune berri bat Mutualia, Gizarte Segurantzarekin Elkarlanean diharduen bigarren Mutua Kolaboratzaileak 2015eko apirilean diseinu berritzailea duen webgune berria estreinatuko du. Bertan, informazioa profil profesionalen arabera egituratu da, hau da, informazio enpresen, autonomoen, lan-aholkularien edo langileen arabera egituratu da. Diseinuaren eta edukien aldaketak nabigazioa hobetzera bideratu dira; horrela, gehien interesatzen zaigun informaziora iritsiko baikara.

Eduki gehiago, nabigazio hobea
Mutualiaren webgunearen edukiak erabat berritu dira eta gure webgunea bisitatzen duten profil profesional nagusiek (enpresek, autonomoek, lan-aholkulariek eta langileek) informazio interesgarrienera sarbide zuzenagoa izateko egituratu dira.

Mutualiaren webgunera sartzeko modu berri bat gehitu dugu euskaraz nabigatzen dutenentzat; izan ere, honako domeinu hau jarri dugu martxan: www.mutualia.eus

Estraneta

Gure estraneteko botika-kutxen atala, martxoan, berritu egin da zerbitzu hobea emateko eta, laster, ordezko ordainketa egiteko funtzionalitate berria erakutsi ahal izango dugu, baita jakinarazpenak ere.

 

Aplikaziora sartzeko eskaera egiteko edo informazio gehiago jasotzeko, jarri harremanetan zure kontaktuarekin, Kudeaketa Saileko 900.50.60.70 telefono-zenbakira deituta, eta hark esango dizu ordu gutxiren buruan tresna hau izateko jarraitu beharreko urratsak zein diren.

Mutualiako Pakea klinikak bere eremu erradiologikoan erresonantzia magnetiko berri bat instalatu du, Siemens markaren 1,5 teslako Magnetom Essenza aparatua, hain zuzen. Zentroko diagnosi-tresneria nabarmen hobetzen duen ekipamenduak Hitachi markaren aparatua ordeztuko du. Aparatu honek azterketak azkarrago egiten ditu, irudiaren kalitatea hobea lortzen du eta azken belaunaldiko software bat du.

Azken belaunaldiko ekipamendu bat da, imanean, gradientetan, erradiofrekuentzia-sisteman, hariletan eta irudiak lortzeko softwarean aurrerapen tekniko berrienak baititu. Ezaugarri horiei esker, denbora-tarte laburrean, kalitate handiko irudiak lor daitezke. Ondorioz, irudiak errazago interpretatu daitezke eta, azken batean, diagnostiko hobeak egin ahal izango dira. Halaber, ekipamenduaren errendimendua handitzen du eta itxarote-denbora murrizten du. Ekipamenduaren diseinua, gainera, pazienteari egokituta dago, proban zehar erosotasuneko, soinuko eta segurtasuneko baldintzak hobeak izango baititu.

Ezaugarri teknikoei dagokienez, ekipamenduak TIM (Total Imaging Matrix) 4G teknologia erabiltzen du. Teknologia horrek harilen errendimendua hobetzen duenez, bereizmen espazial eta tenporal altua lortzen du. Era berean, Siemens DOTen (Day Optimizing Throughput) motorra ere badu eta, horren bidez, eskaner-estrategia onena hautatu daiteke modu errazean eta sinplean, pazientearen baldintza fisikoetan eta argibide klinikoetan oinarrituta. Horregatik, seinalearen eta soinuaren arteko harreman onarengatik, TIM 4G eta DOT teknologiek kalitate bikaineko irudi bat eskaintzen dute denbora-tarte laburragoan.

Txosten diagnostikoak eta irudiak Historia Kliniko Digitalean sartuko dira eta, bertan, Mutualiako hainbat zentrotako eta zerbitzutako medikuek kontsultatu ahal izango dituzte.

2014an, Pakea klinikan erresonantzia magnetikoko 1.100 azterketa baino gehiago egin ziren eta, logikoki, kopuru hori handitu egingo da ekipamendu berriarekin, azterketa-gaitasuna handituko delako orkatila, eskumuturra, eskua eta oina bezalako ataletan. Gorputz-atal horien ezaugarriak direla medio, bereizmen espazial handiagoa eta haril espezifikoak behar dituzte.

Mutualiak gardentasun ataria sortu du mutuari buruzko informazioa argitaratzeko. Informazioak gardentasun betebeharrak beteko ditu, eta aldizkakoa, eguneratua eta ulergarriagoa izango da.

Atarian ondorengo informazioa argitaratuko da (ez da beharrezkoa eskaerarik egitea): instituzionala, antolakuntza-, plangintza-mailakoa, juridikoa eta aurrekontu eta estatistika ingurukoa. Elkargune eta zabalkunde-gunea izango da. Mutualia bezalakoak diren entitate, instituzio eta erakundeei buruzko informazio publikoa ezagutzera emango da; hiritarrek duten informaziorako eskubidearen ikuspegi berri bat izan nahi du.

 Mutualia Gardentasun ataria

Mutualiak, laneko istripu eta gaixotasun profesionalen mutua ,eguberri zoriontsuak eta urte berri on bat opa dizue.

Hau dela eta, prestatu dugun zorion mezua ikustera gonbidatzen zaituztegu.