Kategoria: Sin categoría

Mutualiak Gizarte Segurantzaren Institutu Nazionalarekin lankidetzan zazpigarren Trebatze-gela antolatu zuen 2015eko ekainaren 19an Olarain Ikastetxe Nagusian. Izenburua ondorengoa izan zen:

GAIXOTASUN PROFESIONALAREN BALORAZIO MEDIKOA EGITEKO ESPARRU TEORIKO, KONTZEPTUAL ETA PRAKTIKOA.

Jardunaldian hizlari ezagunek parte hartu zuten, horien artean: José Manuel Vicente, Gipuzkoako GSINko Ezintasunak Balioesteko Taldeko Zuzendari Medikoa;  Araceli López-Guillén García,  Gizarte Segurantzaren Osasun-ikuskaritza Taldeko Mediku Ikuskaria; Jerónimo Maqueda Blasco, Lan-medikuntzako Nazio-eskolako Zuzendaria, Carlos III. Osasun-institutua; eta Alberto Vázquez,  Mutualiako Gaixotasun Profesionalen Koordinatzailea.

Zazpigarren trebatze gelan gaixotasun profesionalaren kontzeptua landu zuten; Mutualian azkeneko bi urteetan eman diren gaixotasun profesionalen kasuetan duen eragina, baita estatuan eta Europan duen esparru eta inguruaren azterketa ere. Ondoren 5 kasu kliniko aztertu ziren xehetasun handiz, eta parte hartzaileei patologia horietan eragina duten hainbat gai eta agenteei buruz eztabaidatzeko  aukera eskaini zitzaien; bereziki jorratu ziren arnastutako agenteen prozesuak eta lanaren ondorio diren hainbat minbiziren ingurukoak.

Erakarpen handia du jardunaldiak, eta aurrekoetan bezala, parte hartu zutenen zenbatekoa altua izan da: hainbat eremu eta espezialitateetako 105 mediko egon ziren bertan, eta beraien esperientzia eta ezagutza elkar banatu zuten.

MUTUALIA, Gizarte Segurantzarekin lankidetza duen 2zk.ko Mutuaren Zuzendaritza Batzordeak hauxe erabaki du adierazitako datan egindako bileran, Estatutuetako 22. eta 23. artikuluetan xedatutakoari jarraiki: 2015eko uztailaren 17an (ostirala) 12:00etan, aurreneko deialdian, eta 12:30ean, bigarren deialdian, Ohiko Batzar Nagusirako deia egitea mutualistei Donostian, lbaeta auzoko Arriola pasealekuko 26. zenbakian (Pakea klinika).

Gai-zerrenda

1. Presidentearen agurra.

2. Zuzendaritza Batzordearen kudeaketa txostena, memoria, balantzeak eta emaitzen kontuak -Gizarte Segurantzaren Kontu Hartzailetza Nagusiaren ikuskaritza txostenak ezagutu ostean- aztertzea eta, hala badagokio, onartzea. Gauza bera 2014ko ekitaldiko emaitza ekonomiko positiboarekin.
3. 2016rako aurrekontuen aurreproiektuaren berri ematea, eta, hala badagokio, onartzea.
4. Prestazio Berezien Batzordearen kudeaketaren berri ematea.
5.Zuzendaritza Batzordeko kideak izendatzea eta berritzea.

6. Bilerako akta berresteko eta onartzeko bi kontu-hartzaile izendatzea.

7. Presidentearen hitzaldia.
8. Norberak lekarkeena.

Bertaratzeko eta botoa emateko eskubideak egikaritzeari dagokionez, jakinarazten dizuegu Mutualiaren egoitza sozialean eta operatiboan eta gainerako administrazio guneetan kontrol erregistroa dagoela, Ohiko Batzar Nagusiaren egunarekin eguneratua. Erregistro horretan, kidetutako enpresen zerrenda agertzen da, baita egiteko sozialak beteta dituzten enpresena ere, haiei buruz ditugun datuekin.

Erakundearekin kidetutako enpresaburu guztiek izango dute batzarrera bertaratzeko eskubidea. Hala ere, botoa eman ahal izateko, ezinbestekoa izango da egiteko sozial guztiak beteta izatea. Bertaratzeko txartela jasoko dute denek.

Kudeaketa txostena, memoria, balantzeak eta emaitzen kontuak -Gizarte Segurantzaren Kontu Hartzailetza Nagusiaren ikuskaritza txostenak ezagutu ostean- mutuaren webgunean kontsulta ditzakezue (www.mutualia.es), Batzar Nagusiaren aurreko 15 egunetan azken hauek Mutualiari jakinarazi bazaizkio, eta jakinarazpenaren datatik aurrera oro har.

Zuzendaritza Batzordeak eta nik neuk eskerrak ematen dizkizuegu etortzeagatik, eta arren eskatzen dizuegu, ekitaldiak hebeto antolatzeko, etorriko zareten ala ez adieraztea (944 252 503 telefono zenbakian). Bertaratze txartelak atxiki ditugu, eta eskatzen dizuegu, arren, parte hartzeko aukera izan ezean, ordezkapena beste mutualista baten esku uztea, horretarako txartel horiek erabilita. lldo horretatik, Zuzendaritza Batzordeko mutualista kideen zerrenda ere baduzue, nahi baduzue, ordezkapena haietako baten esku uzteko.

BONUS pizgarriaren eskaera egiteko epea 2015eko ekainaren 30a arte zabaldu da.

Aurreko ekainaren 8an ekainaren 3ko ESS/1068/2015 Ordena argitaratu zen: 2014 urteko pizgarria eskatu eta proposamen-txostenak bidaltzeko epea luzatu da. Aurrekoari babesa ematen dio Martxoaren 31ko 404/2010 Errege-dekretuak; dekretuak lan ezbehar-kopurua gutxitzeko eta prebentziorako ahalegin berezia egin duten enpresentzat lan-gertakariengatiko kotizazioen murriztea erregulatzen du.

Ikusi ESS/1068/2015 Ordena – 2014ko BONUS eskaera egiteko epea ofizialki zabaldu da

Eguzkia D bitamina sintetizatzeko beharrezkoa da, odol-zirkulazioari laguntzen dio eta azalaren zenbait gaixotasun hobetzen ditu. Hori gutxi balitz, eguzkiak berebiziko eragina du gogo-aldartean, neurotransmisoreen sorkuntza pizten baitu.

Halere, eguzkitan gehiegi egoteak ondorio kaltegarriak (azala erretzea eta begi-lesioak) edo kronikoak (zahartzea, orbanak, azaleko lesioak eta azaleko minbizia) ekar ditzake. Hori dela eta, kontuz ibili behar dugu eguzkipean jartzean. UVA izpien lanparak ere, oro har, ez dira batere gomendagarriak.

Gehiegizko eguzkitik babesteko, gizakiak melanina sortzen du, eguzki-erradiaziorik kaltegarrienak azalean sartzea ekiditen duen eta larruazalari berezko kolore beltzarana ematen dion substantzia.

Pertsona beltzen kasuan, melanina asko ekoizten da eta pertsona zuriei dagokienez, aldiz, oso gutxi. Horregatik, norberaren genetikaren eta eguzkitan jartzearen araberako tonu (eta sentsibilitate) espektro zabala dago.

 

Eguzki-erradiazio motak

 

Eguzki-argia hainbat erradiazio motatan banatzen da lurrazalera heltzean. Horien uhin-luzeraren arabera, ondorengo taldeetan sailka daitezke: erradiazio ultramoreak, erradiazio ikusgaiak eta izpi infragorriak.

Erradiazio ultramoreak, beren aldetik, UVC, UVB edo UVA izan daitezke. UVC izpiek uhin-luzerarik motzena dute eta erredurak sortzeko ahalmenik handiena dute. UVB izpiak epidermisean sartzen dira eta melanozitoak estimulatzen dituzte (melanina sortzen dituzten azaleko zelulak). UVA izpiak, bestalde, larruazalean gehien sartzen direnak dira eta azala zahartzearen eta melanomen (azaleko minbizia) eragileak dira.

 

Faktore geografikoak

 

Eremu geografikoa zenbat eta altuagoa izan, orduan eta biziagoa izango da esposizioa.

Urtaroak, orduak eta eskualde geografikoaren latitudeak zerikusia dute izpien eraginarekin, baita klimak ere. Izan ere, euriak eta hodeiek erradiazioen zati bat xurgatzen dute. Lurrazal motak ere eragina du, elurrak izpien % 85era arte islatzen baitu eta hondar lehorrak, ostera, izpien % 17ra arte.

 

Eguzkitik nola babestu.

 

Agerikoa badirudi ere, arropak (kolore argikoak eta zuntz naturalez egindakoak, ahal izanez gero) eta kapelak edo txapelak erabiltzea dira eguzkitik babesteko kalterik egiten ez duten metodorik errazenak.

Gure azalak eguzkipean egon behar badu, zentzuzkoena hura eguzki-kremekin babestea da.

Eguzkitarako kremek eguzki-iragazki gisa jokatzen duten substantziak dituzte. Hala, larruazalean sartzen den izpi kopurua murriztu egiten da, erredurak eta azalaren endekapenezko aldaketa saihestuz.

 

 

Eguzki-iragazki motak.

 

Iragazki fisikoak: eguzki-erradiazioarekiko iragazgaitzak diren substantziak, aplikatutako zonetan pantaila bat sortzen dutenak, argia islatuz. Hiru erradiazio motak igarotzea ekiditen dute: izpi ultramoreak, ikusgaiak eta infragorriak. Hauek dira gehien erabiltzen direnak: zink oxidoa, titanio bioxidoa eta mika.

 

Iragazki kimikoak: eguzki-erradiazio ultramorea xurgatzen dute. Azido paraminobenzoikoa (PABA), azido zinamikoa, azido sulfonikoa, kanforra, bentzofenona eta dibenzoilmetanoa dira erabiltzen diren batzuk. Iragazki kimikoak: eguzki-erradiazio ultramorea xurgatzen dute. Azido paraminobenzoikoa (PABA), azido zinamikoa, azido sulfonikoa, kanforra, bentzofenona eta dibenzoilmetanoa dira erabiltzen diren batzuk.

 

Eguzkitarako kremen iragazkiaren ahalmena kuantifikatzeko Eguzkitik Babesteko Faktorea delakoa erabiltzen da. Horrek eguzki-krema erabili ez balitz gorritasun edo eritema bera eragiteko zenbat bider gehiago egon daitekeen neurtzen du.

 

Nola erabili behar dira eguzkitik babesteko kremak?

 

Eguzki-kremek behar bezala babes gaitzaten, beharrezkoa da:

• Azal motaren araberako krema eta babes-faktorea aukeratzea.
• Krema hondartzara edo igerilekura joan baino lehen aplikatzea, eguzkitan jarri baino 30 minutu lehenago gutxienez, eta hura azal guztiz lehorrean zabaltzea, larruazal guztian zehar krema-geruza handia emanez, ez dadila zonarik gelditu babesik gabe.
• Uda hasieran babes-faktore handiko kremak erabiltzea, azala beltzaranduz doan heinean murriztuz.
• Larruazala urez ez lainoztatzea, ezta lurrinez edo koloniaz ere.
• Lainotuta egon arren, eguzki-babesa erabiltzea. Izan ere, UVA izpiek hodeiak zeharkatzen dituzte. Bestalde, saiatu 11:00ak eta 15:00ak bitartean eguzkitan ez jartzen (erradiazio ultramore gehieneko ordu-tartea).
• Burua txano batekin, begiak betaurreko egokiekin eta ezpainak ezpain-babeslearekin babestea.
• Ura edo alkoholik gabeko likidoak hartzea, deshidratazioa saihesteko.
• Medikamenturen bat hartzen baldin bazara, horrek fotosentikortasuna eragiten duen egiaztatzea. Hala bada, ez da gomendagarria eguzkia hartzea.

Jokabidean oinarritutako segurtasunak neurtu eta kuantifikatu daitezkeen parametroen azterketa du oinarri. Izugarri baliagarria da, batik bat segurtasunez lan egiteko baliabideak izan eta segurtasunez nola lan egin jakin arren langileek seguruak ez diren jokabideen alde egiten duten kasuetarako.

Federico Fernández Diez UNEATLANTICOko Gizarte Zientzia eta Humanitateen Fakultateko dekano eta UPCko Ingeniaritza Departamenduko ikertzailearen eskutik, prebentzioaren ikuspegi ezberdin bat jasoko dugu, arriskuzko jokabideak neurtu eta aldatzea helburu duten metodologiak ezagutuz. Horrela, prebentzio eraginkor baten alde egin ahal izango dugu.

Arriskuzko jokakideen oinarri teoriko funtsezkoak ezagutu ostean, ALUDIUM (lehen ALCOA) eta GERDAU enpresetako ordezkariek euren esperientzia praktikoak azalduko dizkigute. Biak ala biak arriskuzko jokabideen kudeaketan ibilbide luzea duten enpresak dira.

 

Data:    2015eko ekainak 3

Lekua: Yimby aretoa. Ercilla kalea 24, 1 Bilbo (lekua aldatu da)

Ordutegia:        09:30etatik 13:30etara.

Doako izena-ematea. Deialdia

Izen-ematea doakoa izango da. Bertara joateko izena eman beharko da.

Mintegiaren deialdia

Izena emateko fitxa

Lehenengo aldiz, Mutualiak Bizkarrezurraren Ipar Amerikako Elkartearen (NASS) kongresuan parte hartuko du urrian, Chicagon. Jaime Díaz de Atauri, Oscar Zabalza eta Mikel Ayala doktoreek Spine Care Award sarira proposatutako beren lanak aurkeztuko dituzte, min lunbarrari aurre egiteko protokoloaren erabilerak eragindako eraginkortasunari buruzkoak.

Lehenengo azterlana 2012an abiarazi zen eta Mutualian ezarritako protokoloak baja-adierazpenean eta haren iraupenean nolabaiteko hobekuntza eragiten duela islatzen du, baita tratamendu errehabilitatzailearen preskripzioan bertan ere.

Bigarrenaren bitartez, 2014. urtean artatu ziren lunbalgia pazienteen kostu ekonomikoak aztertzen dira (laneko baja, farmazia, ospitalizazioa, kirurgia, errehabilitazioa, froga osagarriak eta ekintza medikoak); horretarako, min-patroien protokoloa (G1) erabili zen kasuak eta horrelakorik erabili ez zen kasuak (G2) alderatu dira, eta estatistika-desberdintasun esanguratsuak aurkitu dira.

Lunbalgia paziente baten batez besteko kostua: 1.149 € (G1: 1052, G2: 1.257). Kostu horren mediana: 642 € (G1: 619, G2: 672).

Laneko bajaren kostua kenduta, honako hau izan zen batez besteko kostua: 572 € (G1: 543, G2: 605), hau da, kostu osoaren ia erdia. Honako hauek dira batez besteko kostu handiena duten kapituluak, laneko bajaren kostuaz gain: osasun-laguntzari eta erizaintza-laguntzari dagokion kostua (premiazko kontsultak, lehen sorospenak eta hurrengoak,390 €); diagnostiko-frogen kostua (104 €); tratamendu ez kirurgikoen kostua (126 €); eta ospitaleratze- eta kirurgia-kostua (42 €).

Maiatzaren 10an Adegi, Donosti-Eventos eta Diario Vascok antolatutako Enpresen lasterketan mila bostehun korrikalari parte hartu zuten. Lasterketan 4 pertsonez osatutako 372 taldek parte hartu zuten. MUTUALIAren izenean hiru talde korrika egin zuten.

Sailkapen mistoan irabazle suertatu zen MUTUALIAko 1. taldea. Lasterketa hasi zen unetik Eneko, Xabier, Jesus eta Maria erraz gailendu ziren, eta 8.500 metrotako ibilbidea egiteko 34:59 denborarekin helmuga zeharkatu zuten lehenengoak izan ziren. Zorionak hamabi parte-hartzailei! Zorionak txapeldunak! Eta mila esker han izan ginenok zuekin gozatu genuelako.

Gizonezkoen sailkapenean JAURE (29:59) eta emakumeen sailkapenean EROSKI (38:38) izan ziren irabazle.

                             ZORIONAK TXAPELDUNAK!!!!!!!!!!!!

1.    TALDE  Eneko Yarza Xabier Iriarte Jesus Mª Romón María Iturrioz

2.    TALDE  Jesús Urretxa Santi Vidorreta Jon Irizar Galder Fernández

3.    TALDE Sandra Iriarte M. Fe Calles Ana Zufia Sara Arostegui

• Bilbon izan den lehenengo jardunaldian gaur egungo lan-eremuko hainbat gai jorratu dira, eta 375 lan-aholkularitzak parte hartu dute.
• Oraingo honetan, Gizarte Segurantzaren Diruzaintza Orokorraren Lurralde Zuzendaritzek egin dute Gizarte Segurantzaren Zuzeneko Likidazioaren aurkezpena, eta Mutualiako langileak izan dira gainontzeko gaien aurkezpena egin dutenak. .
• Hurrengo ekitaldiak, maiatzaren 7an Gasteizen, 12an Donostian eta 13an Eibarren izango dira.

Mutualia Foroa lan-aholkularitzen eztabaida foroa da; bertan, aholkulariek parte hartze aktiboa dute, eta zalantzak eta kontsultak egin eta erantzunak jasotzeko aukera dute.
Mutualiak, Gizarte Segurantzarekin lankidetza duen mutuak, 2009an sortu zuen foroa. Bere helburua lan-aholkularitzen ezagutzak sustatzea izan da; arau berriak ezagutzera ematea; eta aholkularientzat interesgarriak izan daitezkeen berrien berri ematea.

Orain arte hamaika ekitaldi antolatu dira, eta hamahirugarren honetan landutako gaiak ondorengoak izan dira:

09:20 Aurkezpena

09:30

Sistema de Liquidación Directa a la Seguridad Social (SLD) antes conocido como Sistema Cret@

Eva Suarez Magdalena
Bizkaiko Gizarte Segurantzaren Diruzaintza Orokorraren Diru-bilketako Kudeaketako Probintzia Zuzendariordea

Francisco José Izquierdo Zárraga
Bizkaiko RED Sistemaren Koordinatzailea 

Galderak eta eskaerak

11:20 Atsedenaldia – Kafea

11:40 Gaur egungo gaiak

Kotizazio eta kontratazio pizgarriak
Zigor kode berria, azaroaren 20ko 1/2015 Lege Organikoa
Jurisprudentzia interesgarria

Susana Castaños del Molino anderea
Mutualiako aholkularitza juridikoko burua eta letraduna

Iñaki Esnal jauna
Mutualiako aholkularitza juridikoko letraduna

13:10 Galderak eta eskaerak

13:30 Foroaren amaiera

Mutualia Foroak azkeneko urteetan arrakasta handia izan du Euskadin eta posizio sendoa lortu du arauen azken berriak ikuspegi praktiko batetik ezagutzera emanez.

Joan den martxoaren 12an Carles Salas Ollé jaunak eskainitako “LANEKO ISTRIPU-TASAREN KOSTUEI” buruzko mintegi teknikora joateko aukera izan ez bazenuen, maiatzaren 11n eta 12an egin ahal izango duzu, Donostian eta Gasteizen, hurrenez hurren.

Carles Salan Ollé jauna sendagile aditua da Laneko Osasunean (Bartzelonako Unibertsitatea), psikologian doktorea (Valentziako Unibertsitatea), Laneko Arriskuen Prebentziorako Goi Teknikaria, Kataluniako Unibertsitate Politeknikoko Enpresa Elkartearen Departamentuari atxikitako irakaslea.

Kostuei buruzko bere azalpena lau ardatz nagusi hauetan oinarritzen da: istripuek eragindako kostua aztertzeko justifikazioa eta oinarri teorikoa, prebentzioaren ekonomia, laneko arriskuen kostuak aztertzeko metodologiak eta, azkenik, kalkulu-eredu baten aplikazio praktikoa, erabiltzaile guztientzako adibideak

 

Mintegia prebentzio-teknikariei xedaturik dago.

Data:	2015.eko maiatzaren 11	2015.eko maiatzaren 12a
Lekua:	CLINICA PAKEA Barrio de Ibaieta, 20018 Donostia-San Sebastián	EINBER Gamarrako Industrialdea. Los Olmos hiribidea, 1. D-1 Eraikina Lehen solairuan, 108 Bulegoa 01013 Vitoria-Gasteiz
Ordutegia:	09:30etatik 14:00etara.

 

 

Izen-ematea doakoa izango da. Bertara joateko izena eman beharko da.

Istripu-tasaren kostuei buruzko mintegi teknikoa

Izena emateko fitxa

Lehiaketaren helburua Laneko Arriskuen Prebentzioaren balioak argazki bitartez azpimarratzea da, bere alderdi guztietan: arrisku egoerak, jardunbide egokiak, langileei, enpresariei, gazteei, gizarte osoari… bidalitako mezuak.

Funtsean, lan arriskuen aurkako jarrerak bultzatzea bilatzen da, denen artean, lan inguru osasungarri eta seguruagoak lortu ditzagun.

Hala nahi duten pertsona guztiak aurkeztu ahal izango dira, zaleak edo profesionalak, adin mugarik gabe.

Sariek honako diru-kopuru hauek banatuko dituzte:

• Lehen saria: 1.200 €
• Bigarren saria: 900€
• Hirugarren saria: 600€

Argazkiak aurkezteko epea irekitzen da eta 2015ko maiatzaren 31n amaituko da

Laneko Arriskuen Prebentzioari buruzko XII. argazki lehiaketaren oinarriak.

Argazkiaren deskribapen fitxa